Today's top 5 Urdu Shayari

un kī mahfil meñ 'zafar' log mujhe chāhte haiñ

vo jo kal kahte the dīvāna bhī saudā.ī bhī

un ki mahfil mein 'zafar' log mujhe chahte hain

wo jo kal kahte the diwana bhi saudai bhi

kisī ko kyā batā.ūñ kaun huuñ maiñ

ki apnī dāstāñ bhūlā huā huuñ

kisi ko kya bataun kaun hun main

ki apni dastan bhula hua hun

vo aks ban ke mirī chashm-e-tar meñ rahtā hai

ajiib shaḳhs hai paanī ke ghar meñ rahtā hai

wo aks ban ke meri chashm-e-tar mein rahta hai

ajib shaKHs hai pani ke ghar mein rahta hai

dil meñ kisī ke raah kiye jā rahā huuñ maiñ

kitnā hasīñ gunāh kiye jā rahā huuñ maiñ

dil mein kisi ke rah kiye ja raha hun main

kitna hasin gunah kiye ja raha hun main

umr-e-darāz maañg ke laa.ī thī chaar din

do aarzū meñ kaT ga.e do intizār meñ

umr-e-daraaz mang ke lai thi chaar din

do aarzu mein kaT gae do intizar mein