Today's top 5 Urdu Shayari

zindagī hai yā koī tūfān hai!

ham to is jiine ke hāthoñ mar chale

zindagi hai ya koi tufan hai!

hum to is jine ke hathon mar chale

yā to jo nā-fahm haiñ vo bolte haiñ in dinoñ

yā jinheñ ḳhāmosh rahne kī sazā ma.alūm hai

ya to jo na-fahm hain wo bolte hain in dinon

ya jinhen KHamosh rahne ki saza malum hai

vo nahīñ bhūltā jahāñ jā.ūñ

haa.e maiñ kyā karūñ kahāñ jā.ūñ

wo nahin bhulta jahan jaun

hae main kya karun kahan jaun

ab dard meñ vo kaifiyat-e-dard nahīñ hai

aayā huuñ jo us bazm-e-gul-afshāñ se guzar ke

ab dard mein wo kaifiyat-e-dard nahin hai

aaya hun jo us bazm-e-gul-afshan se guzar ke

tum zamāne kī raah se aa.e

varna sīdhā thā rāsta dil kā

tum zamane ki rah se aae

warna sidha tha rasta dil ka