uf vo māsūm o hayā-rez nigāheñ jin par

qatl ke baad bhī ilzām nahīñ aatā hai

uf wo masum o haya-rez nigahen jin par

qatl ke baad bhi ilzam nahin aata hai

vaqt jab karvaTeñ badaltā hai

fitna-e-hashr saath chaltā hai

waqt jab karwaTen badalta hai

fitna-e-hashr sath chalta hai

tamām umr qafas meñ guzār dī ham ne

ḳhabar nahīñ ki nasheman kī zindagī kyā hai

tamam umr qafas mein guzar di hum ne

KHabar nahin ki nasheman ki zindagi kya hai

roz aapas meñ laḌā karte haiñ arbāb-e-ḳhirad

koī dīvāna ulajhtā nahīñ dīvāne se

roz aapas mein laDa karte hain arbab-e-KHirad

koi diwana ulajhta nahin diwane se

māyūs na ho be-ruḳhī-e-chashm-e-jahāñ se

shā.ista-e-ehsās koī kaam kiye jā

mayus na ho be-ruKHi-e-chashm-e-jahan se

shaista-e-ehsas koi kaam kiye ja