ہم کو نہ مل سکا تو فقط اک سکون دل

اے زندگی وگرنہ زمانے میں کیا نہ تھا

دیدار کی طلب کے طریقوں سے بے خبر

دیدار کی طلب ہے تو پہلے نگاہ مانگ

افسوس بے شمار سخن ہائے گفتنی

خوف فساد خلق سے نا گفتہ رہ گئے

سزائیں تو ہر حال میں لازمی تھیں

خطائیں نہ کر کے پشیمانیاں ہیں

بندہ پرور میں وہ بندہ ہوں کہ بہر بندگی

جس کے آگے سر جھکا دوں گا خدا ہو جائے گا

وہ کافر نگاہیں خدا کی پناہ

جدھر پھر گئیں فیصلہ ہو گیا

طلب عاشق صادق میں اثر ہوتا ہے

گو ذرا دیر میں ہوتا ہے مگر ہوتا ہے

کسے فرصت کہ فرض خدمت الفت بجا لائے

نہ تم بیکار بیٹھے ہو نہ ہم بیکار بیٹھے ہیں

اگر کار الفت کو مشکل سمجھ لوں

تو کیا ترک الفت میں آسانیاں ہیں