nikal ke aa to gayā gahre pāniyoñ se magar

ka.ī tarah ke sarāboñ ne mujh ko gher liyā

nikal ke aa to gaya gahre paniyon se magar

kai tarah ke sarabon ne mujh ko gher liya

vo aks ban ke mirī chashm-e-tar meñ rahtā hai

ajiib shaḳhs hai paanī ke ghar meñ rahtā hai

wo aks ban ke meri chashm-e-tar mein rahta hai

ajib shaKHs hai pani ke ghar mein rahta hai

ab vāda-e-fardā meñ kashish kuchh nahīñ baaqī

dohrā.ī huī baat guzartī hai girāñ aur

ab wada-e-farda mein kashish kuchh nahin baqi

dohrai hui baat guzarti hai giran aur

jab aayā iid kā din ghar meñ bebasī kī tarah

to mere phuul se bachchoñ ne mujh ko gher liyā

jab aaya id ka din ghar mein bebasi ki tarah

to mere phul se bachchon ne mujh ko gher liya