apnā ghar phir apnā ghar hai apne ghar kī baat kyā

ġhair ke gulshan se sau darja bhalā apnā qafas

apna ghar phir apna ghar hai apne ghar ki baat kya

ghair ke gulshan se sau darja bhala apna qafas

haal bīmār kā pūchho to shifā miltī hai

ya.anī ik kalma-e-pursish bhī davā hotā hai

haal bimar ka puchho to shifa milti hai

yani ek kalma-e-pursish bhi dawa hota hai

tan ko miTTī nafas ko havā le ga.ī

maut ko kyā milā maut kyā le ga.ī

tan ko miTTi nafas ko hawa le gai

maut ko kya mila maut kya le gai

niyyat agar ḳharāb huī hai huzūr kī

ghaḌ lo koī kahānī hamāre qusūr kī

niyyat agar KHarab hui hai huzur ki

ghaD lo koi kahani hamare qusur ki

log andāza lagā.eñge amal se mere

maiñ huuñ kaisā mire māthe pe ye tahrīr nahīñ

log andaza lagaenge amal se mere

main hun kaisa mere mathe pe ye tahrir nahin