us kī hañsī tum kyā samjho

vo jo pahroñ royā hai

us ki hansi tum kya samjho

wo jo pahron roya hai

un kī nigāh-e-nāz kī gardish ke saath saath

mahsūs ye huā ki zamāna badal gayā

un ki nigah-e-naz ki gardish ke sath sath

mahsus ye hua ki zamana badal gaya

ai inqalāb-e-nau tirī raftār dekh kar

ḳhud ham bhī sochte haiñ ki ab tak kahāñ rahe

ai inqalab-e-nau teri raftar dekh kar

KHud hum bhi sochte hain ki ab tak kahan rahe

sharīk-e-dard nahīñ jab koī to ai 'shaukat'

ḳhud apnī zaat kī bechārgī ġhanīmat hai

sharik-e-dard nahin jab koi to ai 'shaukat'

KHud apni zat ki bechaargi ghanimat hai

apne parā.e thak ga.e kah kar har koshish bekār rahī

vaqt kī baat samajh meñ aa.ī vaqt hī ke samjhāne se

apne parae thak gae kah kar har koshish bekar rahi

waqt ki baat samajh mein aai waqt hi ke samjhane se

hosh vaale to ulajhte hī rahe

rāste tai hue dīvānoñ se

hosh wale to ulajhte hi rahe

raste tai hue diwanon se

husn-e-iḳhlās hī nahīñ varna

aadmī aadmī to aaj bhī hai

husn-e-iKHlas hi nahin warna

aadmi aadmi to aaj bhi hai

qarīb se use dekho to vo bhī tanhā hai

jo duur se nazar aatā hai anjuman yaaro

qarib se use dekho to wo bhi tanha hai

jo dur se nazar aata hai anjuman yaro

nigāh ko bhī mayassar hai dil kī gahrā.ī

ye tarjumān-e-mohabbat hai be-zabāñ na kaho

nigah ko bhi mayassar hai dil ki gahrai

ye tarjuman-e-mohabbat hai be-zaban na kaho

agar tum mil bhī jaate to na hotā ḳhatm afsāna

phir us ke ba.ad dil meñ kyā ḳhabar kyā aarzū hotī

agar tum mil bhi jate to na hota KHatm afsana

phir us ke baad dil mein kya KHabar kya aarzu hoti

vo āñkheñ jo ab ajnabī ho ga.ī haiñ

bahut duur tak un meñ paayā gayā huuñ

wo aankhen jo ab ajnabi ho gai hain

bahut dur tak un mein paya gaya hun

zindagī se koī mānūs to ho le pahle

zindagī ḳhud hī sikhā degī use kaam kī baat

zindagi se koi manus to ho le pahle

zindagi KHud hi sikha degi use kaam ki baat

kisī kī baazī kaisī ghaat

vaqt kā pāñsa vaqt kī baat

kisi ki bazi kaisi ghat

waqt ka pansa waqt ki baat

tum hī ab vo nahīñ rahe varna

vahī aalam vahī ḳhudā.ī hai

tum hi ab wo nahin rahe warna

wahi aalam wahi KHudai hai

kuchh to fitrat se milī dānā.ī

kuchh mayassar huī nā-dānoñ se

kuchh to fitrat se mili danai

kuchh mayassar hui na-danon se

kyā baḌhegā vo tasavvur kī hadoñ se aage

sub.h ko dekh ke yaad aa.e jise shaam kī baat

kya baDhega wo tasawwur ki hadon se aage

subh ko dekh ke yaad aae jise sham ki baat

adhūrā ho ke huuñ kitnā mukammal

ba-mushkil zindagī bikhrā huā huuñ

adhura ho ke hun kitna mukammal

ba-mushkil zindagi bikhra hua hun

havā.eñ rok na pā.īñ bhañvar Dubo na sake

vo ek naav jo azm-e-safar ke ba.ad chalī

hawaen rok na pain bhanwar Dubo na sake

wo ek naw jo azm-e-safar ke baad chali

is faisle pe luT ga.ī duniyā-e-e.atibār

sābit huā gunāh gunahgār ke baġhair

is faisle pe luT gai duniya-e-eatibar

sabit hua gunah gunahgar ke baghair

hañste hañste bahe haiñ aañsū bhī

rote rote hañstī bhī aa.ī hameñ

hanste hanste bahe hain aansu bhi

rote rote hansti bhi aai hamein

jab maslahat-e-vaqt se gardan ko jhukā kar

vo baat kare hai to koī tiir lage hai

jab maslahat-e-waqt se gardan ko jhuka kar

wo baat kare hai to koi tir lage hai

detā rahā fareb-e-musalsal koī magar

imkān-e-iltifāt se ham khelte rahe

deta raha fareb-e-musalsal koi magar

imkan-e-iltifat se hum khelte rahe

nā-shanāsān-e-mohabbat kā gila kyā ki yahāñ

ajnabī vo haiñ ki thī jin se shanāsā.ī bhī

na-shanasan-e-mohabbat ka gila kya ki yahan

ajnabi wo hain ki thi jin se shanasai bhi

mauj-e-tūfāñ se nikal kar bhī salāmat na rahe

nazr-e-sāhil hue dariyā ke shanāvar kitne

mauj-e-tufan se nikal kar bhi salamat na rahe

nazr-e-sahil hue dariya ke shanawar kitne

ahd-e-āġhāz-e-tamannā bhī mujhe yaad nahīñ

mahv-e-hairat huuñ ki itnā bhī mujhe yaad nahīñ

ahd-e-aghaz-e-tamanna bhi mujhe yaad nahin

mahw-e-hairat hun ki itna bhi mujhe yaad nahin

ḳhud vo karte haiñ jise ahd-e-vafā se ta.abīr

sach to ye hai ki vo dhokā bhī mujhe yaad nahīñ

KHud wo karte hain jise ahd-e-wafa se tabir

sach to ye hai ki wo dhoka bhi mujhe yaad nahin

'shaukat' vo aaj aap ko pahchān to ga.e

apnī nigāh meñ jo kabhī āsmāñ rahe

'shaukat' wo aaj aap ko pahchan to gae

apni nigah mein jo kabhi aasman rahe

ye kaisī be-qarārī sunñe vāloñ ke diloñ meñ hai

varaq dohrā rahā hai kyā koī merī kahānī kā

ye kaisi be-qarari sunne walon ke dilon mein hai

waraq dohra raha hai kya koi meri kahani ka

hudūd-e-jism se aage baḌhe to ye dekhā

ki tishnagī thī barahna tirī adāoñ tak

hudud-e-jism se aage baDhe to ye dekha

ki tishnagi thi barahna teri adaon tak

haa.e us minnat-kash-e-vahm-o-gumāñ kī justujū

zindagī jis ko na paa.e jo na paa.e zindagī

hae us minnat-kash-e-wahm-o-guman ki justuju

zindagi jis ko na pae jo na pae zindagi

raat ik nādār kā ghar jal gayā thā aur bas

log to be-vaj.h sannāTe se ghabrāne lage

raat ek nadar ka ghar jal gaya tha aur bas

log to be-wajh sannaTe se ghabrane lage

phūñk kar saarā chaman jab vo sharīk-e-ġham hue

un ko is aalam meñ bhī ġham-āshnā kahnā paḌā

phunk kar sara chaman jab wo sharik-e-gham hue

un ko is aalam mein bhi gham-ashna kahna paDa

barq kī sho.ala-mizājī hai musallam lekin

maiñ ne dekhā mire saa.e se ye katrātī hai

barq ki shoala-mizaji hai musallam lekin

main ne dekha mere sae se ye katraati hai

jī meñ aatā hai ki 'shaukat' kisī chiñgārī ko

kar duuñ phir sho.ala-ba-dāmāñ ki koī baat chale

ji mein aata hai ki 'shaukat' kisi chingari ko

kar dun phir shoala-ba-daman ki koi baat chale