mujhe bhī lamha-e-hijrat ne kar diyā taqsīm

nigāh ghar kī taraf hai qadam safar kī taraf

mujhe bhi lamha-e-hijrat ne kar diya taqsim

nigah ghar ki taraf hai qadam safar ki taraf

maiñ ne bhī dekhne kī had kar dī

vo bhī tasvīr se nikal aayā

main ne bhi dekhne ki had kar di

wo bhi taswir se nikal aaya

koī saaya na koī ham-sāya

āb-o-dāna ye kis jagah laayā

koi saya na koi ham-saya

aab-o-dana ye kis jagah laya

dūsroñ ke zaḳhm bun kar oḌhnā āsāñ nahīñ

sab qabā.eñ hech haiñ merī ridā ke sāmne

dusron ke zaKHm bun kar oDhna aasan nahin

sab qabaen hech hain meri rida ke samne

reḳhta kā ik nayā majzūb hai 'shahpar' rasūl

shohrat us ke naam par ik nañg hai bohtān hai

reKHta ka ek naya majzub hai 'shahpar' rasul

shohrat us ke nam par ek nang hai bohtan hai

ab tak to apne aap se pīchhā na chhuT sakā

mumkin hai kal se aap ke haq meñ duā karūñ

ab tak to apne aap se pichha na chhuT saka

mumkin hai kal se aap ke haq mein dua karun

'shahpar' mirī hadoñ kā ta.ayyun kare koī

āñkhoñ se bah rahūñ ki ragoñ meñ phirā karūñ

'shahpar' meri hadon ka tayyun kare koi

aankhon se bah rahun ki ragon mein phira karun