badalte vaqt ne badle mizāj bhī kaise
tirī adā bhī ga.ī merā bāñkpan bhī gayā
badalte waqt ne badle mizaj bhi kaise
teri ada bhi gai mera bankpan bhi gaya
sar par havā-e-zulm chale sau jatan ke saath
apnī kulāh kaj hai usī bāñkpan ke saath
sar par hawa-e-zulm chale sau jatan ke sath
apni kulah kaj hai usi bankpan ke sath
karo kaj jabīñ pe sar-e-kafan mire qātiloñ ko gumāñ na ho
ki ġhurūr-e-ishq kā bāñkpan pas-e-marg ham ne bhulā diyā
karo kaj jabin pe sar-e-kafan mere qatilon ko guman na ho
ki ghurur-e-ishq ka bankpan pas-e-marg hum ne bhula diya
āshiq kā bāñkpan na gayā bād-e-marg bhī
taḳhte pe ġhusl ke jo liTāyā akaḌ gayā
aashiq ka bankpan na gaya baad-e-marg bhi
taKHte pe ghusl ke jo liTaya akaD gaya
kabhī na husn-o-mohabbat meñ ban sakī 'vāhid'
vo apne naaz meñ ham apne bāñkpan meñ rahe
kabhi na husn-o-mohabbat mein ban saki 'wahid'
wo apne naz mein hum apne bankpan mein rahe
hamārī guftugū sab se judā hai
hamāre sab suḳhan haiñ bāñkpan ke
hamari guftugu sab se juda hai
hamare sab suKHan hain bankpan ke
siina figār chāk-garebāñ kafan-ba-dosh
aa.e haiñ terī bazm meñ is bāñkpan se ham
sina figar chaak-gareban kafan-ba-dosh
aae hain teri bazm mein is bankpan se hum
