Sher on Darakht

gil hai aariz to qadd-e-yār daraḳht

kab ho aisā bahār-dār daraḳht

gil hai aariz to qadd-e-yar daraKHt

kab ho aisa bahaar-dar daraKHt

tum lagāte chalo ashjār jidhar se guzro

us ke saa.e meñ jo baiThegā duā hī degā

tum lagate chalo ashjar jidhar se guzro

us ke sae mein jo baiThega dua hi dega

sharīfe ke daraḳhtoñ meñ chhupā ghar dekh letā huuñ

maiñ āñkheñ band kar ke ghar ke andar dekh letā huuñ

sharife ke daraKHton mein chhupa ghar dekh leta hun

main aankhen band kar ke ghar ke andar dekh leta hun

us peḌ ke har phal meñ mirā haq zarā rakhnā

jis nanhe se paude ko shajar maiñ ne kiyā hai

us peD ke har phal mein mera haq zara rakhna

jis nanhe se paude ko shajar main ne kiya hai

dil ke āñgan meñ ubhartā hai tirā aks-e-jamīl

chāñdnī raat meñ ho raat kī raanī jaise

dil ke aangan mein ubharta hai tera aks-e-jamil

chandni raat mein ho raat ki rani jaise