Sher on Jism

tire badan kī ḳhalāoñ meñ aañkh khultī hai

havā ke jism se jab jab lipaT ke sotā huuñ

tere badan ki KHalaon mein aankh khulti hai

hawa ke jism se jab jab lipaT ke sota hun

tujh se judā hue to ye ho jā.eñge judā

baaqī kahāñ raheñge ye saa.e tire baġhair

tujh se juda hue to ye ho jaenge juda

baqi kahan rahenge ye sae tere baghair

terā ḳhayāl ḳhvāb ḳhvāb ḳhalvat-e-jāñ kī āb-o-tāb

jism-e-jamīl-e-o-naujavāñ shām-ba-ḳhair shab-ba-ḳhair

tera KHayal KHwab KHwab KHalwat-e-jaan ki aab-o-tab

jism-e-jamil-e-o-naujawan sham-ba-KHair shab-ba-KHair

vo kūdte uchhalte rangīn pairahan the

ma.asūm qahqahoñ meñ uḌtā gulāl dekhā

wo kudte uchhalte rangin pairahan the

masum qahqahon mein uDta gulal dekha

maiñ ḳhvāb dekh rahā huuñ ki vo pukārtā hai

aur apne jism se bāhar nikal rahā huuñ maiñ

main KHwab dekh raha hun ki wo pukarta hai

aur apne jism se bahar nikal raha hun main

raas aatī nahīñ ab mere lahū ko koī ḳhaak

aisā is jism kā pāband-e-salāsil huā maiñ

ras aati nahin ab mere lahu ko koi KHak

aisa is jism ka paband-e-salasil hua main

nazar to pher mire kāġhazī badan kī taraf

abhī ye zarb-e-musalsal se tār-tār nahīñ

nazar to pher mere kaghazi badan ki taraf

abhi ye zarb-e-musalsal se tar-tar nahin