Today's top 5 Urdu Shayari

ḳhudī ko kar buland itnā ki har taqdīr se pahle

ḳhudā bande se ḳhud pūchhe batā terī razā kyā hai

KHudi ko kar buland itna ki har taqdir se pahle

KHuda bande se KHud puchhe bata teri raza kya hai

nāhaq ham majbūroñ par ye tohmat hai muḳhtārī kī

chāhte haiñ so aap kareñ haiñ ham ko abas badnām kiyā

nahaq hum majburon par ye tohmat hai muKHtari ki

chahte hain so aap karen hain hum ko abas badnam kiya

na jaane kis kī hameñ umr bhar talāsh rahī

jise qarīb se dekhā vo dūsrā niklā

na jaane kis ki hamein umr bhar talash rahi

jise qarib se dekha wo dusra nikla

milne kī tarah mujh se vo pal bhar nahīñ miltā

dil us se milā jis se muqaddar nahīñ miltā

milne ki tarah mujh se wo pal bhar nahin milta

dil us se mila jis se muqaddar nahin milta

jahāñ rahegā vahīñ raushnī luTā.egā

kisī charāġh kā apnā makāñ nahīñ hotā

jahan rahega wahin raushni luTaega

kisi charagh ka apna makan nahin hota