Today's top 5 Urdu Shayari

zindagī tū ne to sach hai ki vafā ham se na kī

ham magar ḳhud tujhe Thukrā.eñ zarūrī to nahīñ

zindagi tu ne to sach hai ki wafa hum se na ki

hum magar KHud tujhe Thukraen zaruri to nahin

anjām-e-vafā ye hai jis ne bhī mohabbat kī

marne kī duā māñgī jiine kī sazā paa.ī

anjam-e-wafa ye hai jis ne bhi mohabbat ki

marne ki dua mangi jine ki saza pai

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

saarī duniyā ye samajhtī hai ki saudā.ī hai

ab mirā hosh meñ aanā tirī rusvā.ī hai

sari duniya ye samajhti hai ki saudai hai

ab mera hosh mein aana teri ruswai hai

ik lafz-e-mohabbat kā adnā ye fasānā hai

simTe to dil-e-āshiq phaile to zamāna hai

ek lafz-e-mohabbat ka adna ye fasana hai

simTe to dil-e-ashiq phaile to zamana hai