bas isī ummīd pe hotā gayā barbād maiñ

gar kabhī bikhrā to aa kar tū sambhālegā mujhe

bas isi ummid pe hota gaya barbaad main

gar kabhi bikhra to aa kar tu sambhaalega mujhe

jis havā ne mujhe jalā.e rakhā

phir usī ne bujhā diyā mujh ko

jis hawa ne mujhe jalae rakha

phir usi ne bujha diya mujh ko

thā mujhe vahm-o-gumāñ kī vo faqat merī hai

aur us ne bhī bharam merā banā.e rakkhā

tha mujhe wahm-o-guman ki wo faqat meri hai

aur us ne bhi bharam mera banae rakkha

bik jaatā huuñ hāthoñ-hāth

had se ziyāda sastā huuñ

bik jata hun hathon-hath

had se ziyaada sasta hun

us ne yuuñ rāsta diyā mujh ko

rāste se haTā diyā mujh ko

us ne yun rasta diya mujh ko

raste se haTa diya mujh ko

kaise tum bhuul ga.e ho mujhe āsānī se

ishq meñ kuchh bhī to āsān nahīñ hotā hai

kaise tum bhul gae ho mujhe aasani se

ishq mein kuchh bhi to aasan nahin hota hai

yaar maiñ itnā bhūkā huuñ

dhokā bhī khā letā huuñ

yar main itna bhuka hun

dhoka bhi kha leta hun

ek rishta jise maiñ de na sakā koī naam

ek rishta jise tā-umr nibhā.e rakkhā

ek rishta jise main de na saka koi nam

ek rishta jise ta-umr nibhae rakkha

tū sirf merī hai us kā ġhurūr hai mujh ko

agar ye vahm merā hai to koī baat nahīñ

tu sirf meri hai us ka ghurur hai mujh ko

agar ye wahm mera hai to koi baat nahin