zamāna husn nazākat balā jafā shoḳhī

simaT ke aa ga.e sab aap kī adāoñ meñ

zamana husn nazakat bala jafa shoKHi

simaT ke aa gae sab aap ki adaon mein

azal se tā-ba-abad ek hī kahānī hai

isī se ham ko na.ī dāstāñ banānī hai

azal se ta-ba-abad ek hi kahani hai

isi se hum ko nai dastan banani hai

ham na māneñge ḳhamoshī hai tamannā kā mizāj

haañ bharī bazm meñ vo bol na paa.ī hogī

hum na manenge KHamoshi hai tamanna ka mizaj

han bhari bazm mein wo bol na pai hogi

chaman kā husn samajh kar sameT laa.e the

kise ḳhabar thī ki har phuul ḳhaar niklegā

chaman ka husn samajh kar sameT lae the

kise KHabar thi ki har phul KHar niklega

duniyā to sīdhī hai lekin duniyā vaale

jhūTī sachchī kah ke use bahkāte hoñge

duniya to sidhi hai lekin duniya wale

jhuTi sachchi kah ke use bahkate honge

ab koī DhūñD-DhāñD ke laao nayā vajūd

insān to bulandi-e-insāñ se ghaT gayā

ab koi DhunD-DhanD ke lao naya wajud

insan to bulandi-e-insan se ghaT gaya

hayāt laakh ho faanī magar ye sun rakhiye

hayāt se jo hai maqsūd ġhair-fānī hai

hayat lakh ho fani magar ye sun rakhiye

hayat se jo hai maqsud ghair-fani hai

sāmnā aaj anā se hogā

baat rakhnī hai to sar de denā

samna aaj ana se hoga

baat rakhni hai to sar de dena

bahār aa.ī guloñ ko hañsī nahīñ aa.ī

kahīñ se bū tirī guftār kī nahīñ aa.ī

bahaar aai gulon ko hansi nahin aai

kahin se bu teri guftar ki nahin aai

ḳhirad DhūñDhtī rah ga.ī vajah-e-ġham

mazā ġham kā dard āshnā le gayā

KHirad DhunDhti rah gai wajah-e-gham

maza gham ka dard aashna le gaya

baat agar na karnī thī kyuuñ chaman meñ aa.e the

rañg kyuuñ bikherā thā phuul kyuuñ khilā.e the

baat agar na karni thi kyun chaman mein aae the

rang kyun bikhera tha phul kyun khilae the

lab-e-ḳhirad se yahī baar baar niklegā

nikālne hī se dil kā ġhubār niklegā

lab-e-KHirad se yahi bar bar niklega

nikalne hi se dil ka ghubar niklega

jab fikroñ par bādal se mañDlāte hoñge

insāñ ghaT kar saa.e se rah jaate hoñge

jab fikron par baadal se manDlate honge

insan ghaT kar sae se rah jate honge

surāġh-e-mehr-o-mohabbat kā DhūñDiyo na kahīñ

ki un kī raakh havā meñ bikher aayā maiñ

suragh-e-mehr-o-mohabbat ka DhunDiyo na kahin

ki un ki rakh hawa mein bikher aaya main