lafz o manzar meñ ma.ānī ko TaTolā na karo

hosh vaale ho to har baat ko samjhā na karo

lafz o manzar mein maani ko TaTola na karo

hosh wale ho to har baat ko samjha na karo

vo nahīñ hai na sahī tark-e-tamannā na karo

dil akelā hai ise aur akelā na karo

wo nahin hai na sahi tark-e-tamanna na karo

dil akela hai ise aur akela na karo

chāñd ḳhāmosh jā rahā thā kahīñ

ham ne bhī us se koī baat na kī

chand KHamosh ja raha tha kahin

hum ne bhi us se koi baat na ki

sham-e-shab-tāb ek raat jalī

jalne vaale tamām umr jale

sham-e-shab-tab ek raat jali

jalne wale tamam umr jale

jiine vāloñ se kaho koī tamannā DhūñDeñ

ham to āsūda-e-manzil haiñ hamārā kyā hai

jine walon se kaho koi tamanna DhunDen

hum to aasuda-e-manzil hain hamara kya hai

vo mire saath hai saa.e kī tarah

dil kī zid hai ki nazar bhī aa.e

wo mere sath hai sae ki tarah

dil ki zid hai ki nazar bhi aae

daulat-e-ġham bhī ḳhas-o-ḳhāk-e-zamān meñ ga.ī

tum ga.e ho to mah o saal kahāñ Thahre haiñ

daulat-e-gham bhi KHas-o-KHak-e-zaman mein gai

tum gae ho to mah o sal kahan Thahre hain

koī din aur ġham-e-hijr meñ shādāñ ho leñ

abhī kuchh din meñ samajh jā.eñge duniyā kyā hai

koi din aur gham-e-hijr mein shadan ho len

abhi kuchh din mein samajh jaenge duniya kya hai

masāf-e-zīst meñ vo ran paḌā hai aaj ke din

na maiñ tumhārī tamannā huuñ aur na tum mere

masaf-e-zist mein wo ran paDa hai aaj ke din

na main tumhaari tamanna hun aur na tum mere

tū rū-ba-rū ho to ai rū-e-yār tujh se kaheñ

vo harf-e-ġham ki harīf-e-ġham-e-zamānā hai

tu ru-ba-ru ho to ai ru-e-yar tujh se kahen

wo harf-e-gham ki harif-e-gham-e-zamana hai