itnā bhī nā-umīd dil-e-kam-nazar na ho

mumkin nahīñ ki shām-e-alam kī sahar na ho

itna bhi na-umid dil-e-kam-nazar na ho

mumkin nahin ki sham-e-alam ki sahar na ho

ḳhudā se kyā mohabbat kar sakegā

jise nafrat hai us ke aadmī se

KHuda se kya mohabbat kar sakega

jise nafrat hai us ke aadmi se

zindagī se to ḳhair shikva thā

muddatoñ maut ne bhī tarsāyā

zindagi se to KHair shikwa tha

muddaton maut ne bhi tarsaya

aql se sirf zehan raushan thā

ishq ne dil meñ raushnī kī hai

aql se sirf zehan raushan tha

ishq ne dil mein raushni ki hai

allāh re be-ḳhudī ki tire paas baiTh kar

terā hī intizār kiyā hai kabhī kabhī

allah re be-KHudi ki tere pas baiTh kar

tera hi intizar kiya hai kabhi kabhi

gunāhoñ se hameñ raġhbat na thī magar yā rab

tirī nigāh-e-karam ko bhī muñh dikhānā thā

gunahon se hamein raghbat na thi magar ya rab

teri nigah-e-karam ko bhi munh dikhana tha

zindagī naam hai judā.ī kā

aap aa.e to mujh ko yaad aayā

zindagi nam hai judai ka

aap aae to mujh ko yaad aaya

mahfil un kī saaqī un kā

āñkheñ apnī baaqī un kā

mahfil un ki saqi un ka

aankhen apni baqi un ka

ḳhudā se log bhī ḳhā.if kabhī the

magar logoñ se ab ḳhā.if ḳhudā hai

KHuda se log bhi KHaif kabhi the

magar logon se ab KHaif KHuda hai

mahsūs bhī ho jaa.e to hotā nahīñ bayāñ

nāzuk sā hai jo farq gunāh o savāb meñ

mahsus bhi ho jae to hota nahin bayan

nazuk sa hai jo farq gunah o sawab mein

kisī ke jaur-o-sitam kā to ik bahānā thā

hamāre dil ko bahar-hāl TuuT jaanā thā

kisi ke jaur-o-sitam ka to ek bahana tha

hamare dil ko bahar-haal TuT jaana tha

tūfān-e-ġham kī tund havāoñ ke bāvajūd

ik sham-e-ārzū hai jo ab tak bujhī nahīñ

tufan-e-gham ki tund hawaon ke bawajud

ek sham-e-arzu hai jo ab tak bujhi nahin

tū mire ġham meñ na hañstī huī āñkhoñ ko rulā

maiñ to mar mar ke bhī jī saktā huuñ merā kyā hai

tu mere gham mein na hansti hui aankhon ko rula

main to mar mar ke bhi ji sakta hun mera kya hai

ye soch kar bhī hañs na sake ham shikasta-dil

yārān-e-ġham-gusār kā dil TuuT jā.egā

ye soch kar bhi hans na sake hum shikasta-dil

yaran-e-gham-gusar ka dil TuT jaega

tirā hijr merā nasīb hai tirā ġham hī merī hayāt hai

mujhe terī duurī kā ġham ho kyoñ tū kahīñ bhī ho mire paas hai

tera hijr mera nasib hai tera gham hi meri hayat hai

mujhe teri duri ka gham ho kyon tu kahin bhi ho mere pas hai

kisī se rasm-o-rah-e-dostī to kyā karte

hamārā ḳhud se ta.āruf bhī ġhā.ebāna thā

kisi se rasm-o-rah-e-dosti to kya karte

hamara KHud se taaruf bhi ghaebana tha