muddat huī hai bichhḌe hue apne-āp se

dekhā jo aaj tum ko to ham yaad aa ga.e

muddat hui hai bichhDe hue apne-ap se

dekha jo aaj tum ko to hum yaad aa gae

jaan jaane ko hai aur raqs meñ parvāna hai

kitnā rañgīn mohabbat tirā afsāna hai

jaan jaane ko hai aur raqs mein parwana hai

kitna rangin mohabbat tera afsana hai

aam terī ye ḳhush-nasībī hai

varna langḌoñ pe kaun martā hai

aam teri ye KHush-nasibi hai

warna langDon pe kaun marta hai

kitne chehre lage haiñ chehroñ par

kyā haqīqat hai aur siyāsat kyā

kitne chehre lage hain chehron par

kya haqiqat hai aur siyasat kya

us vaqt mujh ko dāvat-e-jām-o-subū milī

jis vaqt maiñ gunāh ke qābil nahīñ rahā

us waqt mujh ko dawat-e-jam-o-subu mili

jis waqt main gunah ke qabil nahin raha

kaun kahtā hai bulandī pe nahīñ huuñ 'sāġhar'

merī me'rāj-e-mohabbat mirī rusvā.ī hai

kaun kahta hai bulandi pe nahin hun 'saghar'

meri me'raj-e-mohabbat meri ruswai hai

chehre to jhurriyoñ se bhare dil javān haiñ

din meñ haiñ shaiḳh raat meñ salmān-ḳhān haiñ

chehre to jhurriyon se bhare dil jawan hain

din mein hain shaiKH raat mein salman-KHan hain

aa.ī sadā-e-haq ki yahī band-o-bast haiñ

tere vatan ke log to murda-parast haiñ

aai sada-e-haq ki yahi band-o-bast hain

tere watan ke log to murda-parast hain

un ke gunāh kyā kaheñ kis kis ke sar ga.e

tum ko ḳhabar nahīñ ka.ī ustād mar ga.e

un ke gunah kya kahen kis kis ke sar gae

tum ko KHabar nahin kai ustad mar gae

ek qaidī sub.h ko phāñsī lagā kar mar gayā

raat bhar ġhazleñ sunā.īñ us ko thānedār ne

ek qaidi subh ko phansi laga kar mar gaya

raat bhar ghazlen sunain us ko thanedar ne

hamāre laal ko darkār hai vahī laḌkī

ki jis kā baap police meñ ho kam se kam deputy

hamare lal ko darkar hai wahi laDki

ki jis ka bap police mein ho kam se kam deputy

mehñdī lage vo haath vo miinā sī uñgliyāñ

ham ko tabāh kar ga.iiñ dillī kī laḌkiyāñ

mehndi lage wo hath wo mina si ungliyan

hum ko tabah kar gain dilli ki laDkiyan

vo zabāñ jo hai 'firāq' o 'shād' o 'shañkar' kī zabāñ

us zabāñ kī kyuuñ musalmānī kiye dete haiñ aap

wo zaban jo hai 'firaq' o 'shad' o 'shankar' ki zaban

us zaban ki kyun musalmani kiye dete hain aap

kahte the match dekhne vaale pukār ke

ustād jā rahe haiñ shab-e-ġham guzār ke

kahte the match dekhne wale pukar ke

ustad ja rahe hain shab-e-gham guzar ke

ab vo zamāna aa.egā mahvash kamā.eñge

aur mard ghar pe baiTh ke khānā pakā.eñge

ab wo zamana aaega mahwash kamaenge

aur mard ghar pe baiTh ke khana pakaenge

urdu adab meñ jo bhī hamārā maqām hai

ustād-e-mohtaram ke vo bheje kā kaam hai

urdu adab mein jo bhi hamara maqam hai

ustad-e-mohtaram ke wo bheje ka kaam hai

puurī duniyā meñ hukūmat jo zanānī hotī

ālamī jañg jo hotī to zabānī hotī

puri duniya mein hukumat jo zanani hoti

aalami jang jo hoti to zabani hoti

jānte haiñ dosto! jin kī nazar bārīk hai

bus ke darvāza se jannat kis qadar nazdīk hai

jaante hain dosto! jin ki nazar barik hai

bus ke darwaza se jannat kis qadar nazdik hai

aadmī shaitān se aage hai har har aib meñ

rahne ko achchhā makāñ hai aur jannat jeb meñ

aadmi shaitan se aage hai har har aib mein

rahne ko achchha makan hai aur jannat jeb mein

āḳhir ko maiñ ne charb-zabānī se haar kar

ye kah diyā ki Thiik hai kutte se pyaar kar

aaKHir ko main ne charb-zabani se haar kar

ye kah diya ki Thik hai kutte se pyar kar

vo hī maqām-e-'ġhālib'-o-'iqbāl' pā.eñge

moTī dumoñ ke sāmne jo dum hilā.eñge

wo hi maqam-e-'ghaalib'-o-'iqbaal' paenge

moTi dumon ke samne jo dum hilaenge

jo the urūz-dāñ vo rivāyat meñ band the

be-bahra jo gad.he the taraqqī-pasand the

jo the uruz-dan wo riwayat mein band the

be-bahra jo gadhe the taraqqi-pasand the

maiñ ne kahā ki kutte ke khāne kā cake hai

bolā yahīñ pe khāoge yā le ke jāoge

main ne kaha ki kutte ke khane ka cake hai

bola yahin pe khaoge ya le ke jaoge

dīvāngī meñ chaak garebāñ kiye hue

lailā milegī baal pareshāñ kiye hue

diwangi mein chaak gareban kiye hue

laila milegi baal pareshan kiye hue

dekhe jo qais husn to lailā ko bhuul jaa.e

ham kyā haiñ rīsh-e-hazrat-maulānā jhuul jaa.e

dekhe jo qais husn to laila ko bhul jae

hum kya hain rish-e-hazrat-maulana jhul jae

karvaToñ se bus kī bus meñ aur halchal ho ga.ī

dāstān-e-ishq kitnoñ kī mukammal ho ga.ī

karwaTon se bus ki bus mein aur halchal ho gai

dastan-e-ishq kitnon ki mukammal ho gai

kahne lagī haiñ jab se ġhazal aurteñ janāb

murdoñ se guftugū kā ġhazal naam ho gayā

kahne lagi hain jab se ghazal aurten janab

murdon se guftugu ka ghazal nam ho gaya

ab aap hī batā.eñ vo kaise nibhā.egā

jis ko nasīb dum nahīñ vo kyā hilā.e gā

ab aap hi bataen wo kaise nibhaega

jis ko nasib dum nahin wo kya hilae ga

tajraba mujh ko huā hai dosto! is ḳhvāb se

mustaqil chaprāsī achchhā temporary job se

tajraba mujh ko hua hai dosto! is KHwab se

mustaqil chaprasi achchha temporary job se

mahñgā.ī ke zamāne meñ bachchoñ kī rel-pel

aisā na ho kamar tirī mahñgā.ī toḌ de

mahngai ke zamane mein bachchon ki rel-pel

aisa na ho kamar teri mahngai toD de

maiñ bhī apne ghar meñ ḳhush huuñ vo bhī apne ghar meñ shaad

maiñ bhī abbā ban gayā un ke bhī bachche ho ga.e

main bhi apne ghar mein KHush hun wo bhi apne ghar mein shad

main bhi abba ban gaya un ke bhi bachche ho gae

shab bhar maiñ torch Daal ke ye dekhtā rahā

bijlī kā balb jaltā hai yā hai bujhā huā

shab bhar main torch Dal ke ye dekhta raha

bijli ka balb jalta hai ya hai bujha hua

aañkh bas meñ kaaT lī begam divānī ho ga.iiñ

yuuñ hī kyā achchhī thī sūrat us pe kaanī ho ga.iiñ

aankh bas mein kaT li begam diwani ho gain

yun hi kya achchhi thi surat us pe kani ho gain

ustād kah rahe the chhurā dil pe chal gayā

dum par hamārī paañv vo rakh kar nikal gayā

ustad kah rahe the chhura dil pe chal gaya

dum par hamari panw wo rakh kar nikal gaya

dekh liijo jānvar sar par biThā.e jā.eñge

aadmī kī khaal ke juute banā.e jā.eñge

dekh lijo jaanwar sar par biThae jaenge

aadmi ki khaal ke jute banae jaenge

kaise kah duuñ sar par tere

biivī hai aaseb nahīñ hai

kaise kah dun sar par tere

biwi hai aaseb nahin hai

ishāra ho to maiñ ruḳh moḌ duuñ zamāne kā

banā duuñ tum ko manager yatīm-ḳhāne kā

ishaara ho to main ruKH moD dun zamane ka

bana dun tum ko manager yatim-KHane ka

kahne lagī ye maut ki kiije hameñ muaaf

allāh shā.eroñ ke hamesha se hai ḳhilāf

kahne lagi ye maut ki kije hamein muaf

allah shaeron ke hamesha se hai KHilaf

baḌh rahe haiñ har taraf azm o amal ke kārvāñ

murġh anDe de rahe haiñ aur azāneñ murġhiyāñ

baDh rahe hain har taraf azm o amal ke karwan

murgh anDe de rahe hain aur azanen murghiyan

mausam ko dekh-bhāl ke file baḌhā.e haiñ

daftar meñ laḌkiyāñ bhī to switer banā.e haiñ

mausam ko dekh-bhaal ke file baDhae hain

daftar mein laDkiyan bhi to switer banae hain

aa.ī āvāz-e-ḳhudāvand diye dete haiñ

dāḳhila terā J.N.U meñ kiye dete haiñ

aai aawaz-e-KHudawand diye dete hain

daKHila tera JNU mein kiye dete hain

māyūs na huuñ āshiq mil jā.egī māshūqa

bas itnī sī zahmat hai mobile uThānā hai

mayus na hun aashiq mil jaegi mashuqa

bas itni si zahmat hai mobile uThana hai

gāhak se maiñ ye bolā raqam kheñch lījiyo

'taimūr-lañg' keh ke ise bech lījiyo

gahak se main ye bola raqam khench lijiyo

'taimur-lang' keh ke ise bech lijiyo

kis se kahiye jhāñkiye apne garebāñ meñ zarā

jis ko kahte haiñ garebāñ vo to roshan-dān hai

kis se kahiye jhankiye apne gareban mein zara

jis ko kahte hain gareban wo to roshan-dan hai

bas shā.era mushā.ere meñ kāmyāb thī

aur shā.iroñ kī dosto! miTTī ḳharāb thī

bas shaera mushaere mein kaamyab thi

aur shairon ki dosto! miTTi KHarab thi

ḳhatm ho ga.e jañgal

kursiyāñ banāne meñ

KHatm ho gae jangal

kursiyan banane mein