Sher on ahvaal

hamāre shahr ke logoñ kā ab ahvāl itnā hai

kabhī aḳhbār paḌh lenā kabhī aḳhbār ho jaanā

hamare shahr ke logon ka ab ahwal itna hai

kabhi aKHbar paDh lena kabhi aKHbar ho jaana

ham to raat kā matlab samjheñ ḳhvāb, sitāre, chāñd, charāġh

aage kā ahvāl vo jaane jis ne raat guzārī ho

hum to raat ka matlab samjhen KHwab, sitare, chand, charagh

aage ka ahwal wo jaane jis ne raat guzari ho

arz-e-ahvāl ko gilā samjhe

kyā kahā maiñ ne aap kyā samjhe

arz-e-ahwal ko gila samjhe

kya kaha main ne aap kya samjhe

na mujh ko kahne kī tāqat kahūñ to kyā ahvāl

na us ko sunñe kī fursat kahūñ to kis se kahūñ

na mujh ko kahne ki taqat kahun to kya ahwal

na us ko sunne ki fursat kahun to kis se kahun

haal hamārā pūchhne vaale

kyā batlā.eñ sab achchhā hai

haal hamara puchhne wale

kya batlaen sab achchha hai

'ġhālib' tirā ahvāl sunā deñge ham un ko

vo sun ke bulā leñ ye ijārā nahīñ karte

'ghaalib' tera ahwal suna denge hum un ko

wo sun ke bula len ye ijara nahin karte

ahvāl kyā bayāñ maiñ karūñ haa.e ai tabīb

hai dard us jagah ki jahāñ kā nahīñ ilaaj

ahwal kya bayan main karun hae ai tabib

hai dard us jagah ki jahan ka nahin ilaj

ahvāl dekh kar mirī chashm-e-pur-āb kā

dariyā se aaj TuuT gayā dil habāb kā

ahwal dekh kar meri chashm-e-pur-ab ka

dariya se aaj TuT gaya dil habab ka

hamāre zāhirī ahvāl par na jā ham log

qayām apne ḳhad-o-ḳhāl meñ nahīñ karte

hamare zahiri ahwal par na ja hum log

qayam apne KHad-o-KHal mein nahin karte

hosh uḌ jā.eñge ai zulf-e-pareshāñ tere

gar maiñ ahvāl likhā apnī pareshānī kā

hosh uD jaenge ai zulf-e-pareshan tere

gar main ahwal likha apni pareshani ka

na paḌhā yaar ne ahvāl-e-shikasta merā

ḳhat ke purze kiye bāzū-e-kabūtar toḌā

na paDha yar ne ahwal-e-shikasta mera

KHat ke purze kiye bazu-e-kabutar toDa

tū ne kyā dekhā nahīñ gul kā pareshāñ ahvāl

ġhuncha kyuuñ aiñThā huā rahtā hai zardār kī tarah

tu ne kya dekha nahin gul ka pareshan ahwal

ghuncha kyun ainTha hua rahta hai zardar ki tarah