فلک پر اشعار

مت سہل ہمیں جانو پھرتا ہے فلک برسوں

تب خاک کے پردے سے انسان نکلتے ہیں

ادھر فلک کو ہے ضد بجلیاں گرانے کی

ادھر ہمیں بھی ہے دھن آشیاں بنانے کی

گنگناتی ہوئی آتی ہیں فلک سے بوندیں

کوئی بدلی تری پازیب سے ٹکرائی ہے

وہ چار چاند فلک کو لگا چلا ہوں قمرؔ

کہ میرے بعد ستارے کہیں گے افسانے

فلک پر اڑتے جاتے بادلوں کو دیکھتا ہوں میں

ہوا کہتی ہے مجھ سے یہ تماشا کیسا لگتا ہے

دولت کا فلک توڑ کے عالم کی جبیں پر

مزدور کی قسمت کے ستارے نکل آئے

اجالوں میں چھپی تھی ایک لڑکی

فلک کا رنگ روغن کر گئی ہے

آنسو فلک کی آنکھ سے ٹپکے تمام رات

اور صبح تک زمین کا آنچل بھگو گئے

فلک کی خبر کب ہے نا شاعروں کو

یوں ہی گھر میں بیٹھے ہوا باندھتے ہیں

تھی درد کی جب تک دل میں کھٹک ہلتا تھا فلک لرزاں تھی زمیں

ہم آہیں جس دم بھرتے تھے اک محشر برپا ہوتا تھا

کبھی اس کی موجوں میں افلاک بہتے ملے ہیں

کبھی اس کو کشتی چلاتے ہوئے دیکھتا ہوں