Sher on Mizah

akbar dabe nahīñ kisī sultāñ kī fauj se

lekin shahīd ho ga.e biivī kī nauj se

akbar dabe nahin kisi sultan ki fauj se

lekin shahid ho gae biwi ki nauj se

lipaT bhī jā na ruk 'akbar' ġhazab kī beauty hai

nahīñ nahīñ pe na jā ye hayā kī duty hai

lipaT bhi ja na ruk 'akbar' ghazab ki beauty hai

nahin nahin pe na ja ye haya ki duty hai

ġhazab hai vo ziddī baḌe ho ga.e

maiñ leTā to uTh ke khaḌe ho ga.e

ghazab hai wo ziddi baDe ho gae

main leTa to uTh ke khaDe ho gae

haqīqī aur majāzī shā.erī meñ farq ye paayā

ki vo jaame se bāhar hai ye pājāme se bāhar hai

haqiqi aur majazi shaeri mein farq ye paya

ki wo jame se bahar hai ye pajame se bahar hai

is qadar thā khaTmaloñ kā chārpā.ī meñ hujūm

vasl kā dil se mire armān ruḳhsat ho gayā

is qadar tha khaTmalon ka chaarpai mein hujum

wasl ka dil se mere arman ruKHsat ho gaya

har mulk is ke aage jhuktā hai ehtirāman

har mulk kā hai father hindostāñ hamārā

har mulk is ke aage jhukta hai ehtiraman

har mulk ka hai father hindostan hamara

dhamkā ke bose lūñgā ruḳh-e-rashk-e-māh kā

chandā vasūl hotā hai sāhab dabāv se

dhamka ke bose lunga ruKH-e-rashk-e-mah ka

chanda wasul hota hai sahab dabaw se

jab ġham huā chaḌhā liiñ do botaleñ ikaTThī

mullā kī dauḌ masjid 'akbar' kī dauḌ bhaTTī

jab gham hua chaDha lin do botalen ikaTThi

mulla ki dauD masjid 'akbar' ki dauD bhaTTi

ham ne kitne dhoke meñ sab jīvan kī barbādī kī

gaal pe ik til dekh ke un ke saare jism se shādī kī

hum ne kitne dhoke mein sab jiwan ki barbaadi ki

gal pe ek til dekh ke un ke sare jism se shadi ki

aam terī ye ḳhush-nasībī hai

varna langḌoñ pe kaun martā hai

aam teri ye KHush-nasibi hai

warna langDon pe kaun marta hai

urdu se ho kyuuñ bezār english se kyuuñ itnā pyaar

chhoḌo bhī ye raTTā yaar twinkle twinkle little star

urdu se ho kyun bezar english se kyun itna pyar

chhoDo bhi ye raTTa yar twinkle twinkle little star

jab bhī vālid kī jafā yaad aa.ī

apne daadā kī ḳhatā yaad aa.ī

jab bhi walid ki jafa yaad aai

apne dada ki KHata yaad aai

sirf mehnat kyā hai 'anvar' kāmyābī ke liye

koī uupar se bhī telephone honā chāhiye

sirf mehnat kya hai 'anwar' kaamyabi ke liye

koi upar se bhi telephone hona chahiye

ta.alluq āshiq o māshūq kā to lutf rakhtā thā

maze ab vo kahāñ baaqī rahe biivī miyāñ ho kar

talluq aashiq o mashuq ka to lutf rakhta tha

maze ab wo kahan baqi rahe biwi miyan ho kar

aurat ko chāhiye ki adālat kā ruḳh kare

jab aadmī ko sirf ḳhudā kā ḳhayāl ho

aurat ko chahiye ki adalat ka ruKH kare

jab aadmi ko sirf KHuda ka KHayal ho

hai kāmyābī-e-mardāñ meñ haath aurat kā

magar tū ek hī aurat pe inhisār na kar

hai kaamyabi-e-mardan mein hath aurat ka

magar tu ek hi aurat pe inhisar na kar

us kī beTī ne uThā rakkhī hai duniyā sar par

ḳhairiyat guzrī ki añgūr ke beTā na huā

us ki beTi ne uTha rakkhi hai duniya sar par

KHairiyat guzri ki angur ke beTa na hua

begam bhī haiñ khaḌī huī maidān-e-hashr meñ

mujh se mire gunah kā hisāb ai ḳhudā na maañg

begam bhi hain khaDi hui maidan-e-hashr mein

mujh se mere gunah ka hisab ai KHuda na mang

butoñ ke pahle bande the misoñ ke ab hue ḳhādim

hameñ har ahd meñ mushkil rahā hai bā-ḳhudā honā

buton ke pahle bande the mison ke ab hue KHadim

hamein har ahd mein mushkil raha hai ba-KHuda hona

laundry kholī thī us ke ishq meñ

par vo kapḌe ham se dhulvātā nahīñ

laundry kholi thi us ke ishq mein

par wo kapDe hum se dhulwata nahin

hoñT kī shīrīniyāñ college meñ jab baTne lagīñ

chaar din ke chhokre karne lage farhādiyāñ

honT ki shiriniyan college mein jab baTne lagin

chaar din ke chhokre karne lage farhadiyan

do sagī bahnoñ kī do gañjoñ se shādī ho ga.ī

aur ye be-zulf bhī ham-zulf kahlāne lage

do sagi bahnon ki do ganjon se shadi ho gai

aur ye be-zulf bhi ham-zulf kahlane lage

kyā pūchhte ho 'akbar'-e-shorīda-sar kā haal

ḳhufiya police se pūchh rahā hai kamar kā haal

kya puchhte ho 'akbar'-e-shorida-sar ka haal

KHufiya police se puchh raha hai kamar ka haal

jo chāhtā hai ki ban jaa.e vo baḌā shā.er

vo jā ke dostī gāñThe kisī mudīr ke saath

jo chahta hai ki ban jae wo baDa shaer

wo ja ke dosti ganThe kisi mudir ke sath

pahle ham ko bahan kahā ab fikr hamīñ se shādī kī

ye bhī na sochā bahan se shādī kar ke kyā kahlā.eñge

pahle hum ko bahan kaha ab fikr hamin se shadi ki

ye bhi na socha bahan se shadi kar ke kya kahlaenge

ḳhud tiis kā hai aur dulhan saaTh baras kī

girtī huī dīvār ke saa.e meñ khaḌā hai

KHud tis ka hai aur dulhan saTh baras ki

girti hui diwar ke sae mein khaDa hai

vahāñ jo log anāḌī haiñ vaqt kāTte haiñ

yahāñ bhī kuchh mutashā.er dimāġh chāTte haiñ

wahan jo log anaDi hain waqt kaTte hain

yahan bhi kuchh mutashaer dimagh chaTte hain

diyā hai naam kafan-chor jab se tum ne mujhe

purānī qabroñ ke murde mirī talāsh meñ haiñ

diya hai nam kafan-chor jab se tum ne mujhe

purani qabron ke murde meri talash mein hain

nahīñ hai bahr meñ be-vazn hai 'rahīm' magar

hamārī shā.irī sur meñ hai aur taal meñ hai

nahin hai bahr mein be-wazn hai 'rahim' magar

hamari shairi sur mein hai aur tal mein hai

aa.ī sadā-e-haq ki yahī band-o-bast haiñ

tere vatan ke log to murda-parast haiñ

aai sada-e-haq ki yahi band-o-bast hain

tere watan ke log to murda-parast hain

ye rishvat ke haiñ paise din meñ kaise luuñ musalmāñ huuñ

maiñ le saktā nahīñ sar apne ye ilzām roze meñ

ye rishwat ke hain paise din mein kaise lun musalman hun

main le sakta nahin sar apne ye ilzam roze mein

ilm hāsil kar ke bhī miltī nahīñ hai naukrī

rahm ke qābil hai bas hālat hamārī in dinoñ

ilm hasil kar ke bhi milti nahin hai naukri

rahm ke qabil hai bas haalat hamari in dinon

pareshānī se sar ke baal tak sab jhaḌ ga.e lekin

purānī jeb meñ kanghī jo pahle thī so ab bhī hai

pareshani se sar ke baal tak sab jhaD gae lekin

purani jeb mein kanghi jo pahle thi so ab bhi hai

maiñ ne har file kī dumchī par ye misra' likh diyā

kaam ho saktā nahīñ sarkār maiñ roze se huuñ

main ne har file ki dumchi par ye misra' likh diya

kaam ho sakta nahin sarkar main roze se hun

apne ustād ke sheroñ kā tiyā pāñcha kiyā

ai rahīm aap ke fan meñ ye kamāl achchhā hai

apne ustad ke sheron ka tiya pancha kiya

ai rahim aap ke fan mein ye kamal achchha hai

kahīñ golī likhā hai aur kahīñ maar

ye golīmār likkhā jā rahā hai

kahin goli likha hai aur kahin mar

ye golimar likkha ja raha hai

mumkin hai ki ho jaa.e nasha is se zarā sā

phir aap kā chālān bhī ho saktā hai is se

mumkin hai ki ho jae nasha is se zara sa

phir aap ka chaalan bhi ho sakta hai is se

'anvar' ḳhudā kare ki ye sachchī na ho ḳhabar

ikkīsvīñ sadī meñ vaDere bhī jā.eñge

'anwar' KHuda kare ki ye sachchi na ho KHabar

ikkiswin sadi mein waDere bhi jaenge

aa ke bazm-e-sher meñ shart-e-vafā puurī to kar

jitnā khānā khā gayā hai utnī mazdūrī to kar

aa ke bazm-e-sher mein shart-e-wafa puri to kar

jitna khana kha gaya hai utni mazduri to kar

nurse ko dekh ke aa jaatī hai muñh pe raunaq

vo samajhte haiñ ki bīmār kā haal achchhā hai

nurse ko dekh ke aa jati hai munh pe raunaq

wo samajhte hain ki bimar ka haal achchha hai

hamārā dost tufailī bhī hai baḌā shā.er

agarche ek baḌe aadmī kā chamcha hai

hamara dost tufaili bhi hai baDa shaer

agarche ek baDe aadmi ka chamcha hai

kisī tajrabe kī talāsh meñ mirā aqd-e-sānavī ho gayā

mirī ahliya ko ḳhabar nahīñ mirī ahliya koī aur hai

kisi tajrabe ki talash mein mera aqd-e-sanawi ho gaya

meri ahliya ko KHabar nahin meri ahliya koi aur hai

kar liije 'raziya' se mohabbat ham par kiije nazr-e-karam

vo be-chārī phañs jā.egī ham us ko samjhā.eñge

kar lije 'raziya' se mohabbat hum par kije nazr-e-karam

wo be-chaari phans jaegi hum us ko samjhaenge

ek shādī to Thiik hai lekin

ek do tiin chaar had kar dī

ek shadi to Thik hai lekin

ek do tin chaar had kar di

tumheñ ḳhabar nahīñ thī kaisī ān-bān kī dum

kaTā ke bech lī tum ne to ḳhāndān kī dum

tumhein KHabar nahin thi kaisi aan-ban ki dum

kaTa ke bech li tum ne to KHandan ki dum

bas meñ baiThī hai mire paas jo ik zohra-jabīñ

mard niklegī agar zulf muñDā dī jaa.e

bas mein baiThi hai mere pas jo ek zohra-jabin

mard niklegi agar zulf munDa di jae

na chheḌ ai shaiḳh ham yūñhī bhale chal raah lag apnī

tujhe to bīviyāñ sūjhī haiñ ham bezār baiThe haiñ

na chheD ai shaiKH hum yunhi bhale chal rah lag apni

tujhe to biwiyan sujhi hain hum bezar baiThe hain

jahāñ se tohfatan bhejī ga.ī thī iid ke din se

vahīñ phirtī-phirātī aa ga.ī hai raan bakre kī

jahan se tohfatan bheji gai thi id ke din se

wahin phirti-phiraati aa gai hai ran bakre ki

vasl kī raat jo mahbūb kahe good night

qā.eda ye hai ki english meñ duā dī jaa.e

wasl ki raat jo mahbub kahe good night

qaeda ye hai ki english mein dua di jae

bolīñ begam maut ke panje meñ shauhar aa.egā

ab dupaTTe kā nahīñ Topī kā number aa.egā

bolin begam maut ke panje mein shauhar aaega

ab dupaTTe ka nahin Topi ka number aaega