Today's top 5 Urdu Shayari

jāntā huuñ ek aise shaḳhs ko maiñ bhī 'munīr'

ġham se patthar ho gayā lekin kabhī royā nahīñ

jaanta hun ek aise shaKHs ko main bhi 'munir'

gham se patthar ho gaya lekin kabhi roya nahin

husn ko bhī kahāñ nasīb 'jigar'

vo jo ik shai mirī nigāh meñ hai

husn ko bhi kahan nasib 'jigar'

wo jo ek shai meri nigah mein hai

kabhī kabhī to ye vahshat bhī ham pe guzrī hai

ki dil ke saath hī dekhā hai Dūbnā shab kā

kabhi kabhi to ye wahshat bhi hum pe guzri hai

ki dil ke sath hi dekha hai Dubna shab ka

kahāñ mai-ḳhāne kā darvāza 'ġhālib' aur kahāñ vaa.iz

par itnā jānte haiñ kal vo jaatā thā ki ham nikle

kahan mai-KHane ka darwaza 'ghaalib' aur kahan waiz

par itna jaante hain kal wo jata tha ki hum nikle

itnī pī jaa.e ki miT jaa.e maiñ aur tū kī tamīz

yaanī ye hosh kī dīvār girā dī jaa.e

itni pi jae ki miT jae main aur tu ki tamiz

yani ye hosh ki diwar gira di jae