kaisā jaadū hai samajh aatā nahīñ

niiñd merī ḳhvāb saare aap ke

kaisa jadu hai samajh aata nahin

nind meri KHwab sare aap ke

jin pe nāzāñ the ye zamīn o falak

ab kahāñ haiñ vo sūrateñ baaqī

jin pe nazan the ye zamin o falak

ab kahan hain wo suraten baqi

kar burā to bhalā nahīñ hotā

kar bhalā to burā nahīñ hotā

kar bura to bhala nahin hota

kar bhala to bura nahin hota

ham ne dekhā hai rū-ba-rū un ke

ā.īna ā.īna nahīñ hotā

hum ne dekha hai ru-ba-ru un ke

aaina aaina nahin hota

ik zarā sī baat pe ye muñh banānā rūThnā

is tarah to koī apnoñ se ḳhafā hotā nahīñ

ek zara si baat pe ye munh banana ruThna

is tarah to koi apnon se KHafa hota nahin

tere ḳhvāboñ kī lat lagī jab se

raat kā intizār rahtā hai

tere KHwabon ki lat lagi jab se

raat ka intizar rahta hai

dil kī bātoñ ko dil samajhtā hai

dil kī bolī ajiib bolī hai

dil ki baaton ko dil samajhta hai

dil ki boli ajib boli hai

dil meñ sajde kiyā karo 'muftī'

is meñ parvardigār rahtā hai

dil mein sajde kiya karo 'mufti'

is mein parwardigar rahta hai

yuuñ to patthar bahut se dekhe haiñ

koī tum sā nazar nahīñ aayā

yun to patthar bahut se dekhe hain

koi tum sa nazar nahin aaya

ab to kar Dāliye vafā us ko

vo jo va.ada udhār rahtā hai

ab to kar Daliye wafa us ko

wo jo wada udhaar rahta hai

ham se shāyad mo'tabar Thahrī sabā

jis ne ye gesū sañvāre aap ke

hum se shayad mo'tabar Thahri saba

jis ne ye gesu sanware aap ke

phir se vo lauT kar nahīñ aayā

phir duā meñ asar nahīñ aayā

phir se wo lauT kar nahin aaya

phir dua mein asar nahin aaya

yaad kā kyā hai aa ga.ī phir se

aañkh kā kyā hai phir se ro lī hai

yaad ka kya hai aa gai phir se

aankh ka kya hai phir se ro li hai

ye kārobār bhī kab raas aayā

ḳhasāre meñ rahe ham pyaar kar ke

ye karobar bhi kab ras aaya

KHasare mein rahe hum pyar kar ke

sab nishāne agar sahīh hote

tiir koī ḳhatā nahīñ hotā

sab nishane agar sahih hote

tir koi KHata nahin hota