Sher on Yaad-e-Raftagan

vo koī dost thā achchhe dinoñ kā

jo pichhlī raat se yaad aa rahā hai

wo koi dost tha achchhe dinon ka

jo pichhli raat se yaad aa raha hai

vo rāteñ chāñd ke saath ga.iiñ vo bāteñ chāñd ke saath ga.iiñ

ab sukh ke sapne kyā dekheñ jab dukh kā sūraj sar par ho

wo raaten chand ke sath gain wo baaten chand ke sath gain

ab sukh ke sapne kya dekhen jab dukh ka suraj sar par ho

jaane vaale kabhī nahīñ aate

jaane vāloñ kī yaad aatī hai

jaane wale kabhi nahin aate

jaane walon ki yaad aati hai

ab yād-e-raftagāñ kī bhī himmat nahīñ rahī

yāroñ ne kitnī duur basā.ī haiñ bastiyāñ

ab yaad-e-raftagan ki bhi himmat nahin rahi

yaron ne kitni dur basai hain bastiyan

jinheñ ham dekh kar jiite the 'nāsir'

vo log āñkhoñ se ojhal ho ga.e haiñ

jinhen hum dekh kar jite the 'nasir'

wo log aankhon se ojhal ho gae hain

bichhḌe logoñ se mulāqāt kabhī phir hogī

dil meñ ummīd to kaafī hai yaqīñ kuchh kam hai

bichhDe logon se mulaqat kabhi phir hogi

dil mein ummid to kafi hai yaqin kuchh kam hai

uTh ga.ī haiñ sāmne se kaisī kaisī sūrateñ

roiye kis ke liye kis kis kā mātam kījiye

uTh gai hain samne se kaisi kaisi suraten

roiye kis ke liye kis kis ka matam kijiye

ik zamāna thā ki sab ek jagah rahte the

aur ab koī kahīñ koī kahīñ rahtā hai

ek zamana tha ki sab ek jagah rahte the

aur ab koi kahin koi kahin rahta hai

vo log apne aap meñ kitne aziim the

jo apne dushmanoñ se bhī nafrat na kar sake

wo log apne aap mein kitne azim the

jo apne dushmanon se bhi nafrat na kar sake

haa.e vo log jo dekhe bhī nahīñ

yaad aa.eñ to rulā dete haiñ

hae wo log jo dekhe bhi nahin

yaad aaen to rula dete hain

udaas shaam kī yādoñ bharī sulagtī havā

hameñ phir aaj purāne dayār le aa.ī

udas sham ki yaadon bhari sulagti hawa

hamein phir aaj purane dayar le aai

rāsto kyā hue vo log ki āte-jāte

mere ādāb pe kahte the ki jiite rahiye

rasto kya hue wo log ki aate-jate

mere aadab pe kahte the ki jite rahiye

sab kahāñ kuchh lāla-o-gul meñ numāyāñ ho ga.iiñ

ḳhaak meñ kyā sūrateñ hoñgī ki pinhāñ ho ga.iiñ

sab kahan kuchh lala-o-gul mein numayan ho gain

KHak mein kya suraten hongi ki pinhan ho gain

zindagī jin ke tasavvur se jilā paatī thī

haa.e kyā log the jo dām-e-ajal meñ aa.e

zindagi jin ke tasawwur se jila pati thi

hae kya log the jo dam-e-ajal mein aae

kitne achchhe log the kyā raunaqeñ thiiñ un ke saath

jin kī ruḳhsat ne hamārā shahr suunā kar diyā

kitne achchhe log the kya raunaqen thin un ke sath

jin ki ruKHsat ne hamara shahr suna kar diya

jinheñ ab gardish-e-aflāk paidā kar nahīñ saktī

kuchh aisī hastiyāñ bhī dafn haiñ gor-e-ġharībāñ meñ

jinhen ab gardish-e-aflak paida kar nahin sakti

kuchh aisi hastiyan bhi dafn hain gor-e-ghariban mein

jis kī sāñsoñ se mahakte the dar-o-bām tire

ai makāñ bol kahāñ ab vo makīñ rahtā hai

jis ki sanson se mahakte the dar-o-baam tere

ai makan bol kahan ab wo makin rahta hai

vo vaqt bhī aatā hai jab āñkhoñ meñ hamārī

phirtī haiñ vo shakleñ jinheñ dekhā nahīñ hotā

wo waqt bhi aata hai jab aankhon mein hamari

phirti hain wo shaklen jinhen dekha nahin hota

jin pe nāzāñ the ye zamīn o falak

ab kahāñ haiñ vo sūrateñ baaqī

jin pe nazan the ye zamin o falak

ab kahan hain wo suraten baqi

ve sūrateñ ilāhī kis mulk bastiyāñ haiñ

ab dekhne ko jin ke āñkheñ tarastiyāñ haiñ

we suraten ilahi kis mulk bastiyan hain

ab dekhne ko jin ke aankhen tarastiyan hain

vo jin ke naqsh-e-qadam dekhne meñ aate haiñ

ab aise log to kam dekhne meñ aate haiñ

wo jin ke naqsh-e-qadam dekhne mein aate hain

ab aise log to kam dekhne mein aate hain

jo mirī shaboñ ke charāġh the jo mirī umiid ke baaġh the

vahī log haiñ mirī aarzū vahī sūrateñ mujhe chāhiyeñ

jo meri shabon ke charagh the jo meri umid ke bagh the

wahi log hain meri aarzu wahi suraten mujhe chahiyen

kaise qisse the ki chhiḌ jaa.eñ to uḌ jaatī thī niiñd

kyā ḳhabar thī vo bhī harf-e-muḳhtasar ho jā.eñge

kaise qisse the ki chhiD jaen to uD jati thi nind

kya KHabar thi wo bhi harf-e-muKHtasar ho jaenge

mohabbateñ bhī usī aadmī kā hissa thiiñ

magar ye baat purāne zamāne vaalī hai

mohabbaten bhi usi aadmi ka hissa thin

magar ye baat purane zamane wali hai

jis kā sākin hai mirī zaat meñ ab tak zinda

phuul us qabr pe jā kar maiñ chaḌhā.ūñ kaise

jis ka sakin hai meri zat mein ab tak zinda

phul us qabr pe ja kar main chaDhaun kaise