udāsī khīñch laa.ī hai yahāñ tak

maiñ aañsū thā samundar meñ paḌā huuñ

udasi khinch lai hai yahan tak

main aansu tha samundar mein paDa hun

kisī tarah se nazar mutma.in nahīñ hotī

har ek shai ko dobāra badal ke dekhtā huuñ

kisi tarah se nazar mutmain nahin hoti

har ek shai ko dobara badal ke dekhta hun

tere andar kī udāsī ke mushābah huuñ maiñ

ḳhāl-o-ḳhad se nahīñ āvāz se pahchān mujhe

tere andar ki udasi ke mushabah hun main

KHal-o-KHad se nahin aawaz se pahchan mujhe

maiñ aaj ḳhud se mulāqāt karne vaalā huuñ

jahāñ meñ koī bhī mere sivā na rah jaa.e

main aaj KHud se mulaqat karne wala hun

jahan mein koi bhi mere siwa na rah jae

ḳhaak chhānī na kisī dasht meñ vahshat kī hai

maiñ ne ik shaḳhs se ujrat pe mohabbat kī hai

KHak chhani na kisi dasht mein wahshat ki hai

main ne ek shaKHs se ujrat pe mohabbat ki hai

vo ik din jaane kis ko yaad kar ke

mire siine se lag ke ro paḌā thā

wo ek din jaane kis ko yaad kar ke

mere sine se lag ke ro paDa tha

shab-e-jamāl salāmat raheñ tire parī-zād

jinheñ maiñ ḳhvāb sunātā huuñ raqs kartā huuñ

shab-e-jamal salamat rahen tere pari-zad

jinhen main KHwab sunata hun raqs karta hun

ma.azarat rauñde hue phūloñ se kar luuñ to chalūñ

muntazir shahr meñ tāḳhīr se aayā huā maiñ

mazarat raunde hue phulon se kar lun to chalun

muntazir shahr mein taKHir se aaya hua main

zamīn hāñpne lagtī hai ik jagah ruk kar

maiñ us kā haath baTātā huuñ raqs kartā huuñ

zamin hanpne lagti hai ek jagah ruk kar

main us ka hath baTata hun raqs karta hun

merī miTTī se bahut ḳhush haiñ mire kūza-gar

vaisā ban jaatā huuñ maiñ jaisā banāte haiñ mujhe

meri miTTi se bahut KHush hain mere kuza-gar

waisa ban jata hun main jaisa banate hain mujhe

bas andhere ne rañg badlā hai

din nahīñ hai safed raat hai ye

bas andhere ne rang badla hai

din nahin hai safed raat hai ye

miT ke āsūda ho gayā huuñ maiñ

ḳhaak meñ ḳhāk-zād mil gayā hai

miT ke aasuda ho gaya hun main

KHak mein KHak-zad mil gaya hai

maiñ andhere meñ huuñ magar mujh meñ

raushnī ne jagah banā lī hai

main andhere mein hun magar mujh mein

raushni ne jagah bana li hai

aisī kyā biit ga.ī mujh pe ki jis ke baa.is

āb-dīda haiñ mire hañsne hañsāne vaale

aisi kya bit gai mujh pe ki jis ke bais

aab-dida hain mere hansne hansane wale

hijr ko biich meñ nahīñ chhoḌā

sab se pahle use tamām kiyā

hijr ko bich mein nahin chhoDa

sab se pahle use tamam kiya

kis shafqat meñ guñdhe hue maulā maañ baap diye

kaisī pyārī rūhoñ ko merī aulād kiyā

kis shafqat mein gundhe hue maula man bap diye

kaisi pyari ruhon ko meri aulad kiya

ḳhud tak mirī rasā.ī nahīñ ho rahī abhī

hairat hai us taraf bhī nahīñ huuñ jidhar maiñ huuñ

KHud tak meri rasai nahin ho rahi abhi

hairat hai us taraf bhi nahin hun jidhar main hun

dard se bhartā rahā zaat ke ḳhālī-pan ko

thoḌā thoḌā yūñhī bharpūr kiyā maiñ ne mujhe

dard se bharta raha zat ke KHali-pan ko

thoDa thoDa yunhi bharpur kiya main ne mujhe

ye mohabbat kā jo ambār paḌā hai mujh meñ

is liye hai ki mirā yaar paḌā hai mujh meñ

ye mohabbat ka jo ambar paDa hai mujh mein

is liye hai ki mera yar paDa hai mujh mein

Thiik se yaad bhī nahīñ ab to

ishq ne mujh meñ kab qayām kiyā

Thik se yaad bhi nahin ab to

ishq ne mujh mein kab qayam kiya

kaisī hotī haiñ udāsī kī jaḌeñ

aa dikhā.ūñ tujhe dil ke reshe

kaisi hoti hain udasi ki jaDen

aa dikhaun tujhe dil ke reshe

kis zamāne meñ mujh ko bhej diyā

mujh se to raa.e bhī na chāhī mirī

kis zamane mein mujh ko bhej diya

mujh se to rae bhi na chahi meri

tū mire sabr kā andāza lagā saktā hai

terī sohbat meñ tirā hijr guzārā hai miyāñ

tu mere sabr ka andaza laga sakta hai

teri sohbat mein tera hijr guzara hai miyan

kuchh to khiñchī khiñchī sī thī saa.at visāl kī

kuchh yuuñ bhī fāsle pe mujhe rakh diyā gayā

kuchh to khinchi khinchi si thi saat visal ki

kuchh yun bhi fasle pe mujhe rakh diya gaya

tujh se ye kaisā ta.alluq hai jise jab chāhūñ

ḳhatm kar detā huuñ āġhāz bhī kar letā huuñ

tujh se ye kaisa talluq hai jise jab chahun

KHatm kar deta hun aaghaz bhi kar leta hun

kahne sunñe ke liye aur bachā hī kyā hai

so mire dost ijāzat mujhe ruḳhsat kiyā jaa.e

kahne sunne ke liye aur bacha hi kya hai

so mere dost ijazat mujhe ruKHsat kiya jae

uThā.e phirtā rahā maiñ bahut mohabbat ko

phir ek din yūñhī sochā ye kyā musībat hai

uThae phirta raha main bahut mohabbat ko

phir ek din yunhi socha ye kya musibat hai

kaho havā se ki itnī charāġh-pā na phire

maiñ ḳhud hī apne diye ko bujhāne vaalā huuñ

kaho hawa se ki itni charagh-pa na phire

main KHud hi apne diye ko bujhane wala hun

hijr meñ bhī ham ek dūsre ke

aamne sāmne paḌe hue the

hijr mein bhi hum ek dusre ke

aamne samne paDe hue the

haañ zamāne kī nahīñ apnī to sun saktā thā

kaash ḳhud ko hī kabhī baiTh ke samjhātā maiñ

han zamane ki nahin apni to sun sakta tha

kash KHud ko hi kabhi baiTh ke samjhata main

maiñ dil-e-girafta tujhe gungunātā rahtā huuñ

bahut dinoñ se mire yaar zer-e-lab hai tū

main dil-e-girafta tujhe gungunata rahta hun

bahut dinon se mere yar zer-e-lab hai tu

maañ kī duā na baap kī shafqat kā saayā hai

aaj apne saath apnā janam din manāyā hai

man ki dua na bap ki shafqat ka saya hai

aaj apne sath apna janam din manaya hai

maiñ ḳhud se mil ke kabhī saaf saaf kah dūñgā

mujhe pasand nahīñ hai mudāḳhalat apnī

main KHud se mil ke kabhi saf saf kah dunga

mujhe pasand nahin hai mudaKHalat apni

itnā tarsāyā gayā mujh ko mohabbat se ki ab

ik mohabbat pe qanā.at nahīñ kar saktā maiñ

itna tarsaya gaya mujh ko mohabbat se ki ab

ek mohabbat pe qanaat nahin kar sakta main

adh-bune ḳhvāboñ kā ambār paḌā hai dil meñ

aañkh vāloñ ke liye hai ye amānat merī

adh-bune KHwabon ka ambar paDa hai dil mein

aankh walon ke liye hai ye amanat meri

chal to saktā thā maiñ bhī paanī par

maiñ ne dariyā kā ehtirām kiyā

chal to sakta tha main bhi pani par

main ne dariya ka ehtiram kiya

jast bhartā huā fardā ke dahāne kī taraf

jā nikaltā huuñ kisī guzre zamāne kī taraf

jast bharta hua farda ke dahane ki taraf

ja nikalta hun kisi guzre zamane ki taraf

ek din merī ḳhāmushī ne mujhe

lafz kī oT se ishāra kiyā

ek din meri KHamushi ne mujhe

lafz ki oT se ishaara kiya

maiñ ek ek tamannā se pūchh baiThā huuñ

mujhe yaqīñ nahīñ aatā ki merā sab hai tū

main ek ek tamanna se puchh baiTha hun

mujhe yaqin nahin aata ki mera sab hai tu

mujhe pata hai ki barbād ho chukā huuñ maiñ

tū merā sog manā mujh ko sogvār na kar

mujhe pata hai ki barbaad ho chuka hun main

tu mera sog mana mujh ko sogwar na kar

us ḳhudā kī talāsh hai 'anjum'

jo ḳhudā ho ke aadmī sā lage

us KHuda ki talash hai 'anjum'

jo KHuda ho ke aadmi sa lage

ye bhī āġhāz-e-mohabbat meñ bahut hai mujh ko

dekhtā letā huuñ use haath lagā letā huuñ

ye bhi aaghaz-e-mohabbat mein bahut hai mujh ko

dekhta leta hun use hath laga leta hun

aage bichhī paḌī rahīñ us ke badan kī nemateñ

us ne bahut kahā magar maiñ ne use chakhā nahīñ

aage bichhi paDi rahin us ke badan ki nematen

us ne bahut kaha magar main ne use chakha nahin

aañkh khul kar abhī mānūs nahīñ ho paatī

aur dīvār se tasvīr badal jaatī hai

aankh khul kar abhi manus nahin ho pati

aur diwar se taswir badal jati hai

saath bārish meñ liye phirte ho us ko 'anjum'

tum ne is shahr meñ kyā aag lagānī hai koī

sath barish mein liye phirte ho us ko 'anjum'

tum ne is shahr mein kya aag lagani hai koi

maiñ chīḳhtā rahā kuchh aur bhī hai merā ilaaj

magar ye log tumhārā hī naam lete rahe

main chiKHta raha kuchh aur bhi hai mera ilaj

magar ye log tumhaara hi nam lete rahe

sabhī darvāze khule haiñ mirī tanhā.ī ke

saarī duniyā ko mayassar hai rifāqat merī

sabhi darwaze khule hain meri tanhai ke

sari duniya ko mayassar hai rifaqat meri

ek ta.abīr kī sūrat nazar aa.ī hai idhar

so uThā laayā huuñ sab ḳhvāb purāne vaale

ek tabir ki surat nazar aai hai idhar

so uTha laya hun sab KHwab purane wale

patthar meñ kaun joñk lagā.egā mere dost

dil hai to mubtalā bhī kahīñ honā chāhiye

patthar mein kaun jonk lagaega mere dost

dil hai to mubtala bhi kahin hona chahiye

kar rahā huuñ tujhe ḳhushī se basar

zindagī tujh se daad chāhtā huuñ

kar raha hun tujhe KHushi se basar

zindagi tujh se dad chahta hun