دشت پر خوبصورت شعر دشت پر بہترین شعر مجموعہ

آپ ساگر ہیں تو سیراب کریں پیاسے کو

آپ بادل ہیں تو مجھ دشت پہ سایا کیجے

عبد الرحیم نشتر

یہ میرے دل کی ہوس دشت بے کراں جیسی

وہ تیری آنکھ کے تیور سمندروں والے

محسن نقوی

گزر کر دشت سے سالمؔ جنوں کے

سفر کی آبرو ہو جاؤں گا میں

فرحان سالم

دشت پھر کیوں نہیں رہے آباد

ابر آزاد ہے ہوا محفوظ

یحیٰ خان یوسف زئی

وسعت صحرا کے آگے آسماں چھوٹا لگا

دھوپ ایسی تھی کہ سر کو سائباں چھوٹا لگا

فریاد آزر

دشت درپیش ہے سو چلتا ہوں

آنکھ میں بھر کے تین چار درخت

اکرام عارفی

یک قلم کاغذ آتش زدہ ہے صفحۂ دشت

نقش پا میں ہے تب گرمی رفتار ہنوز

مرزا غالب

سوال یہ ہے کہ دشت بدن کا کیا ہوگا

اگر جنوں کا پرندہ قفس میں آیا نئیں

عاقب صابر

دشت پر اشعار