Sher on Fire

us se kahnā ki dhuāñ dekhne laa.eq hogā

aag pahne hue jā.uñgā maiñ paanī kī taraf

us se kahna ki dhuan dekhne laeq hoga

aag pahne hue jaunga main pani ki taraf

ubalte vaqt paanī sochtā hogā zarūr

agar bartan na hotā to batātā aag ko

ubalte waqt pani sochta hoga zarur

agar bartan na hota to batata aag ko

aql har baar dikhātī thī jale haath apne

dil ne har baar kahā aag parā.ī le le

aql har bar dikhati thi jale hath apne

dil ne har bar kaha aag parai le le

auroñ kī aag kyā tujhe kundan banā.egī

apnī bhī aag meñ kabhī chup-chāp jal ke dekh

auron ki aag kya tujhe kundan banaegi

apni bhi aag mein kabhi chup-chap jal ke dekh

apne jalne kā hamesha se tamāshā.ī huuñ

aag ye kis ne lagā.ī mujhe ma.alūm nahīñ

apne jalne ka hamesha se tamashai hun

aag ye kis ne lagai mujhe malum nahin

mere hone se na honā hai mirā

aag jalne se dhuāñ ābād hai

mere hone se na hona hai mera

aag jalne se dhuan aabaad hai

sard rātoñ kā taqāza thā badan jal jaa.e

phir vo ik aag jo siine se lagā.ī maiñ ne

sard raaton ka taqaza tha badan jal jae

phir wo ek aag jo sine se lagai main ne