Today's top 5 Urdu Shayari

rañg ḳhushbū aur mausam kā bahānā ho gayā

apnī hī tasvīr meñ chehra purānā ho gayā

rang KHushbu aur mausam ka bahana ho gaya

apni hi taswir mein chehra purana ho gaya

shikast-e-zindagī vaise bhī maut hī hai nā

tū sach batā ye mulāqāt āḳhrī hai nā

shikast-e-zindagi waise bhi maut hi hai na

tu sach bata ye mulaqat aaKHri hai na

zindagī zinda-dilī kā hai naam

murda-dil ḳhaak jiyā karte haiñ

zindagi zinda-dili ka hai nam

murda-dil KHak jiya karte hain

'mus.hafī' ham to ye samjhe the ki hogā koī zaḳhm

tere dil meñ to bahut kaam rafū kā niklā

'mushafi' hum to ye samjhe the ki hoga koi zaKHm

tere dil mein to bahut kaam rafu ka nikla

ye ishq nahīñ āsāñ itnā hī samajh liije

ik aag kā dariyā hai aur Duub ke jaanā hai

ye ishq nahin aasan itna hi samajh lije

ek aag ka dariya hai aur Dub ke jaana hai