koī vaqt batlā ki tujh se milūñ

mirī dauḌtī bhāgtī zindagī

koi waqt batla ki tujh se milun

meri dauDti bhagti zindagi

tere na ho sake to kisī ke na ho sake

ye kārobār-e-shauq mukarrar na ho sakā

tere na ho sake to kisi ke na ho sake

ye karobar-e-shauq mukarrar na ho saka

mirī nazar meñ vahī mohnī sī mūrat hai

ye raat hijr kī hai phir bhī ḳhūb-sūrat hai

meri nazar mein wahi mohni si murat hai

ye raat hijr ki hai phir bhi KHub-surat hai

bane-banā.e se rastoñ kā silsila niklā

nayā safar bhī bahut hī gurez-pā niklā

bane-banae se raston ka silsila nikla

naya safar bhi bahut hi gurez-pa nikla

jaane kyuuñ ik ḳhayāl sā aayā

maiñ na hūñgā to kyā kamī hogī

jaane kyun ek KHayal sa aaya

main na hunga to kya kami hogi

nahīñ ab koī ḳhvāb aisā tirī sūrat jo dikhlā.e

bichhaḌ kar tujh se kis manzil par ham tanhā chale aa.e

nahin ab koi KHwab aisa teri surat jo dikhlae

bichhaD kar tujh se kis manzil par hum tanha chale aae

bas ik husain kā kahīñ miltā nahīñ surāġh

yuuñ har galī yahāñ kī hameñ karbalā lagī

bas ek husain ka kahin milta nahin suragh

yun har gali yahan ki hamein karbala lagi

maiñ kahāñ huuñ kuchh batā de zindagī ai zindagī!

phir sadā apnī sunā de zindagī ai zindagī!

main kahan hun kuchh bata de zindagi ai zindagi!

phir sada apni suna de zindagi ai zindagi!

hamāre ba.ad us marg-e-javāñ ko kaun samjhegā

irāda hai ki apnā marsiya bhī aap hī likh leñ

hamare baad us marg-e-jawan ko kaun samjhega

irada hai ki apna marsiya bhi aap hi likh len

ham pe jo guzrī hai bas us ko raqam karte haiñ

āp-bītī kaho yā marsiya-ḳhvānī kah lo

hum pe jo guzri hai bas us ko raqam karte hain

aap-biti kaho ya marsiya-KHwani kah lo

ye aur baat ki tark-e-vafā pe maa.il haiñ

tirī vafā kī hameñ aaj bhī zarūrat hai

ye aur baat ki tark-e-wafa pe mail hain

teri wafa ki hamein aaj bhi zarurat hai

maiñ apne ghar ko bulandī pe chaḌh ke kyā dekhūñ

urūj-e-fan mirī dahlīz par utaar mujhe

main apne ghar ko bulandi pe chaDh ke kya dekhun

uruj-e-fan meri dahliz par utar mujhe

ham ne to ḳhud ko bhī miTā Daalā

tum ne to sirf bevafā.ī kī

hum ne to KHud ko bhi miTa Dala

tum ne to sirf bewafai ki

terī galī se chhuT ke na jā-e-amāñ milī

ab ke to merā ghar bhī mirā ghar na ho sakā

teri gali se chhuT ke na ja-e-aman mili

ab ke to mera ghar bhi mera ghar na ho saka

yuuñ jī bahal gayā hai tirī yaad se magar

terā ḳhayāl tere barābar na ho sakā

yun ji bahal gaya hai teri yaad se magar

tera KHayal tere barabar na ho saka

ab un biite dinoñ ko soch kar to aisā lagtā hai

ki ḳhud apnī mohabbat jaise ik jhūTī kahānī ho

ab un bite dinon ko soch kar to aisa lagta hai

ki KHud apni mohabbat jaise ek jhuTi kahani ho

yuuñ to marne ke liye zahr sabhī piite haiñ

zindagī tere liye zahr piyā hai maiñ ne

yun to marne ke liye zahr sabhi pite hain

zindagi tere liye zahr piya hai main ne

na jaane kis kī hameñ umr bhar talāsh rahī

jise qarīb se dekhā vo dūsrā niklā

na jaane kis ki hamein umr bhar talash rahi

jise qarib se dekha wo dusra nikla

ye sach hai aaj bhī hai mujhe zindagī aziiz

lekin jo tum milo to ye saudā girāñ nahīñ

ye sach hai aaj bhi hai mujhe zindagi aziz

lekin jo tum milo to ye sauda giran nahin

bhalā huā ki koī aur mil gayā tum sā

vagarna ham bhī kisī din tumheñ bhulā dete

bhala hua ki koi aur mil gaya tum sa

wagarna hum bhi kisi din tumhein bhula dete

har ek lai merī ukhḌī ukhḌī sī dil kā har taar jaise zaḳhmī

ye kaun sī aag jal rahī hai ye merī gītoñ ko kyā huā hai

har ek lai meri ukhDi ukhDi si dil ka har tar jaise zaKHmi

ye kaun si aag jal rahi hai ye meri giton ko kya hua hai

nigāh-e-mehrbāñ uThtī to hai sab kī taraf lekin

nahīñ vāqif abhī sab log ramz-e-āshnā.ī se

nigah-e-mehrban uThti to hai sab ki taraf lekin

nahin waqif abhi sab log ramz-e-ashnai se

zarā jo tez chale to koī bhī saath na thā

hisār-e-fikr hī bas apnā pāsbān huā

zara jo tez chale to koi bhi sath na tha

hisar-e-fikr hi bas apna pasban hua

hañgāma-e-hayāt se jāñ-bar na ho sakā

ye dil ajiib dil hai ki patthar na ho sakā

hangama-e-hayat se jaan-bar na ho saka

ye dil ajib dil hai ki patthar na ho saka

aaj Duubā huā ḳhushbū meñ hai pairāhan-e-jāñ

ai sabā kis ne ye pūchhā hai tirā nām-o-nishāñ

aaj Duba hua KHushbu mein hai pairahan-e-jaan

ai saba kis ne ye puchha hai tera nam-o-nishan

koī to baat hogī ki karne paḌe hameñ

apne hī ḳhvāb apne hī qadmoñ se pā.emāl

koi to baat hogi ki karne paDe hamein

apne hi KHwab apne hi qadmon se paemal

kyuuñ har ghaḌī zabāñ pe ho jurm-o-sazā kā zikr

kyuuñ har amal kī fikr meñ ḳhauf-e-ḳhudā kī shart

kyun har ghaDi zaban pe ho jurm-o-saza ka zikr

kyun har amal ki fikr mein KHauf-e-KHuda ki shart

azal se thā vo hamāre vajūd kā hissa

vo ek shaḳhs ki jo ham pe mehrbān huā

azal se tha wo hamare wajud ka hissa

wo ek shaKHs ki jo hum pe mehrban hua

na chāho tum to har ik gaam kitnī dīvāreñ

jo chāho tum to milan kī hazār sūrat hai

na chaho tum to har ek gam kitni diwaren

jo chaho tum to milan ki hazar surat hai

tum mujhe chāho na chāho lekin itnā to karo

jhuuT hī kah do ki jiine kā bahāna mil sake

tum mujhe chaho na chaho lekin itna to karo

jhuT hi kah do ki jine ka bahana mil sake

sunā rahā huuñ unheñ jhūT-mūT ik qissa

ki ek shaḳhs mohabbat meñ kāmyāb rahā

suna raha hun unhen jhuT-muT ek qissa

ki ek shaKHs mohabbat mein kaamyab raha

'mīr' kā tarz apnāyā sab ne lekin ye andāz kahāñ

'āzmī'-sāhib aap kī ġhazleñ sun sun kar sab hairāñ haiñ

'mir' ka tarz apnaya sab ne lekin ye andaz kahan

'azmi'-sahib aap ki ghazlen sun sun kar sab hairan hain

mere dushman na mujh ko bhuul sake

varna rakhtā hai kaun kis ko yaad

mere dushman na mujh ko bhul sake

warna rakhta hai kaun kis ko yaad

nikāle ga.e is ke ma.anī hazār

ajab chiiz thī ik mirī ḳhāmushī

nikale gae is ke mani hazar

ajab chiz thi ek meri KHamushi

zarā aa ke sāmne baiTh jā mirī chashm-e-tar ke qarīb aa

mire aa.ine meñ bhī dekh le kabhī apnī zulf kī barhamī

zara aa ke samne baiTh ja meri chashm-e-tar ke qarib aa

mere aaine mein bhi dekh le kabhi apni zulf ki barhami

laakh saada sahī terī ye jabīñ kī tahrīr

is se aksar mire afkār ko miltī hai zabāñ

lakh sada sahi teri ye jabin ki tahrir

is se aksar mere afkar ko milti hai zaban

haa.e vo log jin ke aane kā

hashr tak intizār hotā hai

hae wo log jin ke aane ka

hashr tak intizar hota hai

dekhne vaalā koī mile to dil ke daaġh dikhā.ūñ

ye nagrī andhoñ kī nagrī kis ko kyā samjhā.ūñ

dekhne wala koi mile to dil ke dagh dikhaun

ye nagri andhon ki nagri kis ko kya samjhaun

tamām yādeñ mahak rahī haiñ har ek ġhuncha khilā huā hai

zamāna biitā magar gumāñ hai ki aaj hī vo judā huā hai

tamam yaaden mahak rahi hain har ek ghuncha khila hua hai

zamana bita magar guman hai ki aaj hi wo juda hua hai

hameñ to raas na aa.ī kisī kī mahfil bhī

koī ḳhudā koī ham-sāya-e-ḳhudā niklā

hamein to ras na aai kisi ki mahfil bhi

koi KHuda koi ham-saya-e-KHuda nikla

tirī vafā meñ milī ārzū-e-maut mujhe

jo maut mil ga.ī hotī to koī baat bhī thī

teri wafa mein mili aarzu-e-maut mujhe

jo maut mil gai hoti to koi baat bhi thi

hazār tarah kī mai pī hazār tarah ke zahr

na pyaas hī bujhī apnī na hausla niklā

hazar tarah ki mai pi hazar tarah ke zahr

na pyas hi bujhi apni na hausla nikla

zindagī bhī mire nāloñ kī shanāsā niklī

dil jo TuuTā to mire ghar meñ koī sham.a jalī

zindagi bhi mere nalon ki shanasa nikli

dil jo TuTa to mere ghar mein koi shama jali

duniyā bhar kī rām-kahānī kis kis Dhañg se kah Daalī

apnī kahne jab baiThe to ek ek lafz pighaltā thā

duniya bhar ki ram-kahani kis kis Dhang se kah Dali

apni kahne jab baiThe to ek ek lafz pighalta tha

ham ne ḳhud apne-āp zamāne kī sair kī

ham ne qubūl kī na kisī rahnumā kī shart

hum ne KHud apne-ap zamane ki sair ki

hum ne qubul ki na kisi rahnuma ki shart

aariz pe tere merī mohabbat kī surḳhiyāñ

merī jabīñ pe terī vafā kā ġhurūr hai

aariz pe tere meri mohabbat ki surKHiyan

meri jabin pe teri wafa ka ghurur hai

tirī sadā kā hai sadiyoñ se intizār mujhe

mire lahū ke samundar zarā pukār mujhe

teri sada ka hai sadiyon se intizar mujhe

mere lahu ke samundar zara pukar mujhe

zahr pī kar bhī yahāñ kis ko milī ġham se najāt

ḳhatm hotā hai kahīñ silsila-e-raqs-e-hayāt

zahr pi kar bhi yahan kis ko mili gham se najat

KHatm hota hai kahin silsila-e-raqs-e-hayat

ham sā mile koī to kaheñ us se hāl-e-dil

ham ban ga.e zamāne meñ kyuuñ apnī hī misāl

hum sa mile koi to kahen us se haal-e-dil

hum ban gae zamane mein kyun apni hi misal

haa.e us dast-e-karam hī se mile jaur-o-jafā

mujh ko āġhāz-e-mohabbat hī meñ mar jaanā thā

hae us dast-e-karam hi se mile jaur-o-jafa

mujh ko aaghaz-e-mohabbat hi mein mar jaana tha