aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Munawwar Rana's Photo'

Munawwar Rana

1952 - 2024 | Lucknow, India

Popular poet having dominating presence in mushairas.

Popular poet having dominating presence in mushairas.

Sher of Munawwar Rana

80.1K
Favorite

SORT BY

ab judā.ī ke safar ko mire āsān karo

tum mujhe ḳhvāb meñ aa kar na pareshān karo

ab judai ke safar ko mere aasan karo

tum mujhe KHwab mein aa kar na pareshan karo

tumhārī āñkhoñ tauhīn hai zarā socho

tumhārā chāhne vaalā sharāb piitā hai

tumhaari aankhon ki tauhin hai zara socho

tumhaara chahne wala sharab pita hai

chaltī phirtī huī ā.ankhoñ se azaañ dekhī hai

maiñ ne jannat to nahīñ dekhī hai maañ dekhī hai

chalti phirti hui aaankhon se azan dekhi hai

main ne jannat to nahin dekhi hai man dekhi hai

abhī zinda hai maañ merī mujhe kuchh bhī nahīñ hogā

maiñ ghar se jab nikaltā huuñ duā bhī saath chaltī hai

abhi zinda hai man meri mujhe kuchh bhi nahin hoga

main ghar se jab nikalta hun dua bhi sath chalti hai

is tarah mere gunāhoñ ko vo dho detī hai

maañ bahut ġhusse meñ hotī hai to ro detī hai

is tarah mere gunahon ko wo dho deti hai

man bahut ghusse mein hoti hai to ro deti hai

kisī ko ghar milā hisse meñ koī dukāñ aa.ī

maiñ ghar meñ sab se chhoTā thā mire hisse meñ maañ aa.ī

kisi ko ghar mila hisse mein ya koi dukan aai

main ghar mein sab se chhoTa tha mere hisse mein man aai

jab bhī kashtī mirī sailāb meñ aa jaatī hai

maañ duā kartī huī ḳhvāb meñ aa jaatī hai

jab bhi kashti meri sailab mein aa jati hai

man dua karti hui KHwab mein aa jati hai

ek aañsū bhī hukūmat ke liye ḳhatra hai

tum ne dekhā nahīñ ā.ankhoñ samundar honā

ek aansu bhi hukumat ke liye KHatra hai

tum ne dekha nahin aaankhon ka samundar hona

so jaate haiñ fōtpath pe aḳhbār bichhā kar

mazdūr kabhī niiñd golī nahīñ khāte

so jate hain footpath pe aKHbar bichha kar

mazdur kabhi nind ki goli nahin khate

kal apne-āp ko dekhā thā maañ āñkhoñ meñ

ye ā.īna hameñ būḌhā nahīñ batātā hai

kal apne-ap ko dekha tha man ki aankhon mein

ye aaina hamein buDha nahin batata hai

kuchh bikhrī huī yādoñ ke qisse bhī bahut the

kuchh us ne bhī bāloñ ko khulā chhoḌ diyā thā

kuchh bikhri hui yaadon ke qisse bhi bahut the

kuchh us ne bhi baalon ko khula chhoD diya tha

ye soch ke maañ baap ḳhidmat meñ lagā huuñ

is peḌ saayā mire bachchoñ ko milegā

ye soch ke man bap ki KHidmat mein laga hun

is peD ka saya mere bachchon ko milega

tere dāman meñ sitāre haiñ to hoñge ai falak

mujh ko apnī maañ mailī oḌhnī achchhī lagī

tere daman mein sitare hain to honge ai falak

mujh ko apni man ki maili oDhni achchhi lagi

munavvar maañ ke aage yuuñ kabhī khul kar nahīñ ronā

jahāñ buniyād ho itnī namī achchhī nahīñ hotī

munawwar man ke aage yun kabhi khul kar nahin rona

jahan buniyaad ho itni nami achchhi nahin hoti

barbād kar diyā hameñ pardes ne magar

maañ sab se kah rahī hai ki beTā maze meñ hai

barbaad kar diya hamein pardes ne magar

man sab se kah rahi hai ki beTa maze mein hai

farishte aa kar un ke jism par ḳhushbū lagāte haiñ

vo bachche rail ke Dibboñ meñ jo jhāḌū lagāte haiñ

farishte aa kar un ke jism par KHushbu lagate hain

wo bachche rail ke Dibbon mein jo jhaDu lagate hain

tumhārā naam aayā aur ham takne lage rasta

tumhārī yaad aa.ī aur khiḌkī khol ham ne

tumhaara nam aaya aur hum takne lage rasta

tumhaari yaad aai aur khiDki khol di hum ne

ye aisā qarz hai jo maiñ adā kar nahīñ saktā

maiñ jab tak ghar na lauTūñ merī maañ sajde meñ rahtī hai

ye aisa qarz hai jo main ada kar hi nahin sakta

main jab tak ghar na lauTun meri man sajde mein rahti hai

tamām jism ko āñkheñ banā ke raah tako

tamām khel mohabbat meñ intizār hai

tamam jism ko aankhen bana ke rah tako

tamam khel mohabbat mein intizar ka hai

tumheñ bhī niiñd aane lagī hai thak ga.e ham bhī

chalo ham aaj ye qissa adhūrā chhoḌ dete haiñ

tumhein bhi nind si aane lagi hai thak gae hum bhi

chalo hum aaj ye qissa adhura chhoD dete hain

maiñ ne kal shab chāhatoñ sab kitābeñ phaaḌ deñ

sirf ik kāġhaz pe likkhā lafz-e-māñ rahne diyā

main ne kal shab chahaton ki sab kitaben phaD den

sirf ek kaghaz pe likkha lafz-e-man rahne diya

ham nahīñ the to kyā kamī thī yahāñ

ham na hoñge to kyā kamī hogī

hum nahin the to kya kami thi yahan

hum na honge to kya kami hogi

kisī ke zaḳhm par chāhat se paTTī kaun bāñdhegā

agar bahneñ nahīñ hoñgī to rākhī kaun bāñdhegā

kisi ke zaKHm par chahat se paTTi kaun bandhega

agar bahnen nahin hongi to rakhi kaun bandhega

din bhar mashaqqat se badan chuur hai lekin

maañ ne mujhe dekhā to thakan bhuul ga.ī hai

din bhar ki mashaqqat se badan chur hai lekin

man ne mujhe dekha to thakan bhul gai hai

lipaT jaatā huuñ maañ se aur mausī muskurātī hai

maiñ urdu meñ ġhazal kahtā huuñ hindī muskurātī hai

lipaT jata hun man se aur mausi muskuraati hai

main urdu mein ghazal kahta hun hindi muskuraati hai

bachchoñ fees un kitābeñ qalam davāt

merī ġharīb āñkhoñ meñ schōl chubh gayā

bachchon ki fees un ki kitaben qalam dawat

meri gharib aankhon mein school chubh gaya

gar kabhī ronā paḌ jaa.e to itnā ronā

aa ke barsāt tire sāmne tauba kar le

gar kabhi rona hi paD jae to itna rona

aa ke barsat tere samne tauba kar le

shahr ke raste hoñ chāhe gaañv pagDañDiyāñ

maañ uñglī thaam kar chalnā bahut achchhā lagā

shahr ke raste hon chahe ganw ki pagDanDiyan

man ki ungli tham kar chalna bahut achchha laga

tumhāre shahr meñ mayyat ko sab kāñdhā nahīñ dete

hamāre gaañv meñ chhappar bhī sab mil kar uThāte haiñ

tumhaare shahr mein mayyat ko sab kandha nahin dete

hamare ganw mein chhappar bhi sab mil kar uThate hain

sagī bahnoñ jo rishta hai urdu aur hindī meñ

kahīñ duniyā do zinda zabānoñ meñ nahīñ miltā

sagi bahnon ka jo rishta hai urdu aur hindi mein

kahin duniya ki do zinda zabanon mein nahin milta

hañs ke miltā hai magar kaafī thakī lagtī haiñ

us āñkheñ ka.ī sadiyoñ jagī lagtī haiñ

hans ke milta hai magar kafi thaki lagti hain

us ki aankhen kai sadiyon ki jagi lagti hain

daulat se mohabbat to nahīñ thī mujhe lekin

bachchoñ ne khilaunoñ taraf dekh liyā thā

daulat se mohabbat to nahin thi mujhe lekin

bachchon ne khilaunon ki taraf dekh liya tha

bojh uThānā shauq kahāñ hai majbūrī saudā hai

rahte rahte station par log qulī ho jaate haiñ

bojh uThana shauq kahan hai majburi ka sauda hai

rahte rahte station par log quli ho jate hain

ye soch kar ki tirā intizār lāzim hai

tamām umr ghaḌī taraf nahīñ dekhā

ye soch kar ki tera intizar lazim hai

tamam umr ghaDi ki taraf nahin dekha

ghar meñ rahte hue ġhairoñ tarah hotī haiñ

laḌkiyāñ dhaan ke paudoñ tarah hotī haiñ

ghar mein rahte hue ghairon ki tarah hoti hain

laDkiyan dhan ke paudon ki tarah hoti hain

phir karbalā ke ba.ad dikhā.ī nahīñ diyā

aisā koī bhī shaḳhs ki pyāsā kaheñ jise

phir karbala ke baad dikhai nahin diya

aisa koi bhi shaKHs ki pyasa kahen jise

maañ ḳhvāb meñ aa kar ye batā jaatī hai har roz

bosīda oḌhī huī is shaal meñ ham haiñ

man KHwab mein aa kar ye bata jati hai har roz

bosida si oDhi hui is shaal mein hum hain

kisī yaad aatī hai to ye bhī yaad aatā hai

kahīñ chalne zid karnā mirā tayyār ho jaanā

kisi ki yaad aati hai to ye bhi yaad aata hai

kahin chalne ki zid karna mera tayyar ho jaana

ab aap marzī hai sambhāleñ na sambhāleñ

ḳhushbū tarah aap ke rūmāl meñ ham haiñ

ab aap ki marzi hai sambhaalen na sambhaalen

KHushbu ki tarah aap ke rumal mein hum hain

mohabbat ek pākīza amal hai is liye shāyad

simaT kar sharm saarī ek bose meñ chalī aa.ī

mohabbat ek pakiza amal hai is liye shayad

simaT kar sharm sari ek bose mein chali aai

mire bachchoñ meñ saarī ādateñ maujūd haiñ merī

to phir in bad-nasīboñ ko na kyuuñ urdu zabāñ aa.ī

mere bachchon mein sari aadaten maujud hain meri

to phir in bad-nasibon ko na kyun urdu zaban aai

miTTī badan kar diyā miTTī ke havāle

miTTī ko kahīñ tāj-mahal meñ nahīñ rakkhā

miTTi ka badan kar diya miTTi ke hawale

miTTi ko kahin taj-mahal mein nahin rakkha

khilaunoñ dukānoñ taraf se aap kyuuñ guzre

ye bachche tamannā hai ye samjhautā nahīñ kartī

khilaunon ki dukanon ki taraf se aap kyun guzre

ye bachche ki tamanna hai ye samjhauta nahin karti

ai ḳhāk-e-vatan tujh se maiñ sharminda bahut huuñ

mahñgā.ī ke mausam meñ ye tyauhār paḌā hai

ai KHak-e-watan tujh se main sharminda bahut hun

mahngai ke mausam mein ye tyauhaar paDa hai

har chehre meñ aatā hai nazar ek chehrā

lagtā hai koī merī nazar bāñdhe hue hai

har chehre mein aata hai nazar ek hi chehra

lagta hai koi meri nazar bandhe hue hai

pheñkī na 'munavār' ne buzurgoñ nishānī

dastār purānī hai magar bāñdhe hue hai

phenki na 'munawar' ne buzurgon ki nishani

dastar purani hai magar bandhe hue hai

khilaunoñ ke liye bachche abhī tak jāgte hoñge

tujhe ai muflisī koī bahāna DhūñD lenā hai

khilaunon ke liye bachche abhi tak jagte honge

tujhe ai muflisi koi bahana DhunD lena hai

kisī din merī rusvā.ī ye kāran na ban jaa.e

tumhārā shahr se jaanā mirā bīmār ho jaanā

kisi din meri ruswai ka ye karan na ban jae

tumhaara shahr se jaana mera bimar ho jaana

ishq hai to ishq iz.hār honā chāhiye

aap ko chehre se bhī bīmār honā chāhiye

ishq hai to ishq ka izhaar hona chahiye

aap ko chehre se bhi bimar hona chahiye

bhale lagte haiñ schōloñ uniform meñ bachche

kañval ke phuul se jaise bharā tālāb rahtā hai

bhale lagte hain schoolon ki uniform mein bachche

kanwal ke phul se jaise bhara talab rahta hai

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now