sair kar duniyā kī ġhāfil zindagānī phir kahāñ

zindagī gar kuchh rahī to ye javānī phir kahāñ

sair kar duniya ki ghafil zindagani phir kahan

zindagi gar kuchh rahi to ye jawani phir kahan

dard-e-dil ke vāste paidā kiyā insān ko

varna taa.at ke liye kuchh kam na the karr-o-bayāñ

dard-e-dil ke waste paida kiya insan ko

warna taat ke liye kuchh kam na the karr-o-bayan

tar-dāmanī pe shaiḳh hamārī na jā.iyo

dāman nichoḌ deñ to farishte vazū kareñ

tar-damani pe shaiKH hamari na jaiyo

daman nichoD den to farishte wazu karen

zindagī hai yā koī tūfān hai!

ham to is jiine ke hāthoñ mar chale

zindagi hai ya koi tufan hai!

hum to is jine ke hathon mar chale

nahīñ shikva mujhe kuchh bevafā.ī kā tirī hargiz

gilā tab ho agar tū ne kisī se bhī nibhā.ī ho

nahin shikwa mujhe kuchh bewafai ka teri hargiz

gila tab ho agar tu ne kisi se bhi nibhai ho

aziyyat musībat malāmat balā.eñ

tire ishq meñ ham ne kyā kyā na dekhā

aziyyat musibat malamat balaen

tere ishq mein hum ne kya kya na dekha

hai ġhalat gar gumān meñ kuchh hai

tujh sivā bhī jahān meñ kuchh hai

hai ghalat gar guman mein kuchh hai

tujh siwa bhi jahan mein kuchh hai

jag meñ aa kar idhar udhar dekhā

tū hī aayā nazar jidhar dekhā

jag mein aa kar idhar udhar dekha

tu hi aaya nazar jidhar dekha

mujhe ye Dar hai dil-e-zinda tū na mar jaa.e

ki zindagānī ibārat hai tere jiine se

mujhe ye Dar hai dil-e-zinda tu na mar jae

ki zindagani ibarat hai tere jine se

arz-o-samā kahāñ tirī vus.at ko pā sake

merā hī dil hai vo ki jahāñ tū samā sake

arz-o-sama kahan teri wusat ko pa sake

mera hi dil hai wo ki jahan tu sama sake

jaan se ho ga.e badan ḳhālī

jis taraf tū ne aañkh bhar dekhā

jaan se ho gae badan KHali

jis taraf tu ne aankh bhar dekha

un laboñ ne na kī masīhā.ī

ham ne sau sau tarah se mar dekhā

un labon ne na ki masihai

hum ne sau sau tarah se mar dekha

maiñ jaatā huuñ dil ko tire paas chhoḌe

mirī yaad tujh ko dilātā rahegā

main jata hun dil ko tere pas chhoDe

meri yaad tujh ko dilata rahega

kabhū ronā kabhū hañsnā kabhū hairān ho jaanā

mohabbat kyā bhale-chañge ko dīvāna banātī hai

kabhu rona kabhu hansna kabhu hairan ho jaana

mohabbat kya bhale-change ko diwana banati hai

tamannā tirī hai agar hai tamannā

tirī aarzū hai agar aarzū hai

tamanna teri hai agar hai tamanna

teri aarzu hai agar aarzu hai

dushmanī ne sunā na hovegā

jo hameñ dostī ne dikhlāyā

dushmani ne suna na howega

jo hamein dosti ne dikhlaya

kahte na the ham 'dard' miyāñ chhoḌo ye bāteñ

paa.ī na sazā aur vafā kījiye us se

kahte na the hum 'dard' miyan chhoDo ye baaten

pai na saza aur wafa kijiye us se

sham.a ke mānind ham is bazm meñ

chashm-e-tar aa.e the dāman-tar chale

shama ke manind hum is bazm mein

chashm-e-tar aae the daman-tar chale

qāsid nahīñ ye kaam tirā apnī raah le

us kā payām dil ke sivā kaun lā sake

qasid nahin ye kaam tera apni rah le

us ka payam dil ke siwa kaun la sake

har-chand tujhe sabr nahīñ dard va-lekin

itnā bhī na miliyo ki vo badnām bahut ho

har-chand tujhe sabr nahin dard wa-lekin

itna bhi na miliyo ki wo badnam bahut ho

haal mujh ġham-zada kā jis jis ne

jab sunā hogā ro diyā hogā

haal mujh gham-zada ka jis jis ne

jab suna hoga ro diya hoga

khul nahīñ saktī haiñ ab āñkheñ mirī

jī meñ ye kis kā tasavvur aa gayā

khul nahin sakti hain ab aankhen meri

ji mein ye kis ka tasawwur aa gaya

vahdat meñ terī harf duī kā na aa sake

ā.īna kyā majāl tujhe muñh dikhā sake

wahdat mein teri harf dui ka na aa sake

aaina kya majal tujhe munh dikha sake

ham tujh se kis havas kī falak justujū kareñ

dil hī nahīñ rahā hai jo kuchh aarzū kareñ

hum tujh se kis hawas ki falak justuju karen

dil hi nahin raha hai jo kuchh aarzu karen

zikr merā hī vo kartā thā sarīhan lekin

maiñ ne pūchhā to kahā ḳhair ye mazkūr na thā

zikr mera hi wo karta tha sarihan lekin

main ne puchha to kaha KHair ye mazkur na tha

'dard' kuchh ma.alūm hai ye log sab

kis taraf se aa.e the kīdhar chale

'dard' kuchh malum hai ye log sab

kis taraf se aae the kidhar chale

aage hī bin kahe tū kahe hai nahīñ nahīñ

tujh se abhī to ham ne ve bāteñ kahī nahīñ

aage hi bin kahe tu kahe hai nahin nahin

tujh se abhi to hum ne we baaten kahi nahin

dil bhī ai 'dard' qatra-e-ḳhūñ thā

āñsuoñ meñ kahīñ girā hogā

dil bhi ai 'dard' qatra-e-KHun tha

aansuon mein kahin gira hoga

raat majlis meñ tire husn ke sho.ale ke huzūr

sham.a ke muñh pe jo dekhā to kahīñ nuur na thā

raat majlis mein tere husn ke shoale ke huzur

shama ke munh pe jo dekha to kahin nur na tha

bāvajūde ki par-o-bāl na the aadam ke

vahāñ pahuñchā ki farishte kā bhī maqdūr na thā

bawajude ki par-o-baal na the aadam ke

wahan pahuncha ki farishte ka bhi maqdur na tha

ek īmān hai bisāt apnī

na ibādat na kuchh riyāzat hai

ek iman hai bisat apni

na ibaadat na kuchh riyazat hai

saaqī mire bhī dil kī taraf Tuk nigāh kar

lab-tishna terī bazm meñ ye jaam rah gayā

saqi mere bhi dil ki taraf Tuk nigah kar

lab-tishna teri bazm mein ye jam rah gaya

sāqiyā! yaañ lag rahā hai chal-chalāv

jab talak bas chal sake sāġhar chale

saqiya! yan lag raha hai chal-chalaw

jab talak bas chal sake saghar chale

rauñde hai naqsh-e-pā kī tarah ḳhalq yaañ mujhe

ai umr-e-rafta chhoḌ ga.ī tū kahāñ mujhe

raunde hai naqsh-e-pa ki tarah KHalq yan mujhe

ai umr-e-rafta chhoD gai tu kahan mujhe

dil bhī tere hī Dhañg sīkhā hai

aan meñ kuchh hai aan meñ kuchh hai

dil bhi tere hi Dhang sikha hai

aan mein kuchh hai aan mein kuchh hai

ne gul ko hai sabāt na ham ko hai e'tibār

kis baat par chaman havas-e-rañg-o-bū kareñ

ne gul ko hai sabaat na hum ko hai e'tibar

kis baat par chaman hawas-e-rang-o-bu karen

kamar ḳhamīda nahīñ be-sabab za.īfī meñ

zamīn DhūñDte haiñ vo mazār ke qābil

kamar KHamida nahin be-sabab zaifi mein

zamin DhunDte hain wo mazar ke qabil

tujhī ko jo yaañ jalva-farmā na dekhā

barābar hai duniyā ko dekhā na dekhā

tujhi ko jo yan jalwa-farma na dekha

barabar hai duniya ko dekha na dekha

saltanat par nahīñ hai kuchh mauqūf

jis ke haath aa.e jaam vo jam hai

saltanat par nahin hai kuchh mauquf

jis ke hath aae jam wo jam hai

tohmat-e-chand apne zimme dhar chale

jis liye aa.e the ham kar chale

tohmat-e-chand apne zimme dhar chale

jis liye aae the hum kar chale

bāġh-e-jahāñ ke gul haiñ yā ḳhaar haiñ to ham haiñ

gar yaar haiñ to ham haiñ aġhyār haiñ to ham haiñ

bagh-e-jahan ke gul hain ya KHar hain to hum hain

gar yar hain to hum hain aghyar hain to hum hain

galī se tirī dil ko le to chalā huuñ

maiñ pahuñchūñgā jab tak ye aatā rahegā

gali se teri dil ko le to chala hun

main pahunchunga jab tak ye aata rahega

ġhair ke dil meñ na jā kījiyegā

merī āñkhoñ meñ rahā kījiyegā

ghair ke dil mein na ja kijiyega

meri aankhon mein raha kijiyega

qatl-e-āshiq kisī ma.ashūq se kuchh duur na thā

par tire ahd se aage to ye dastūr na thā

qatl-e-ashiq kisi mashuq se kuchh dur na tha

par tere ahd se aage to ye dastur na tha

yak-ba-yak naam le uThā merā

jī meñ kyā us ke aa gayā hogā

yak-ba-yak nam le uTha mera

ji mein kya us ke aa gaya hoga

'dard' ke milne se ai yaar burā kyuuñ maanā

us ko kuchh aur sivā diid ke manzūr na thā

'dard' ke milne se ai yar bura kyun mana

us ko kuchh aur siwa did ke manzur na tha

āñkheñ bhī haa.e naza.a meñ apnī badal ga.iiñ

sach hai ki bekasī meñ koī āshnā nahīñ

aankhen bhi hae naza mein apni badal gain

sach hai ki bekasi mein koi aashna nahin

yā-rab ye kyā tilism hai idrāk-o-fahm yaañ

dauḌe hazār aap se bāhar na jā sake

ya-rab ye kya tilism hai idrak-o-fahm yan

dauDe hazar aap se bahar na ja sake

ġhāfil ḳhudā kī yaad pe mat bhuul zīnhār

apne ta.iiñ bhulā de agar tū bhulā sake

ghafil KHuda ki yaad pe mat bhul zinhaar

apne tain bhula de agar tu bhula sake

zālim jafā jo chāhe so kar mujh pe tū vale

pachhtāve phir tū aap hī aisā na kar kahīñ

zalim jafa jo chahe so kar mujh pe tu wale

pachhtawe phir tu aap hi aisa na kar kahin