Sher on Maut

bichhḌā kuchh is adā se ki rut hī badal ga.ī

ik shaḳhs saare shahr ko vīrān kar gayā

bichhDa kuchh is ada se ki rut hi badal gai

ek shaKHs sare shahr ko viran kar gaya

qaid-e-hayāt o band-e-ġham asl meñ donoñ ek haiñ

maut se pahle aadmī ġham se najāt paa.e kyuuñ

qaid-e-hayat o band-e-gham asl mein donon ek hain

maut se pahle aadmi gham se najat pae kyun

zindagī kyā hai anāsir meñ zuhūr-e-tartīb

maut kyā hai inhīñ ajzā kā pareshāñ honā

zindagi kya hai anasir mein zuhur-e-tartib

maut kya hai inhin ajza ka pareshan hona

maut kā ek din muayyan hai

niind kyuuñ raat bhar nahīñ aatī

maut ka ek din muayyan hai

nind kyun raat bhar nahin aati

maut kā bhī ilaaj ho shāyad

zindagī kā koī ilaaj nahīñ

maut ka bhi ilaj ho shayad

zindagi ka koi ilaj nahin

zamāna baḌe shauq se sun rahā thā

hamīñ so ga.e dāstāñ kahte kahte

zamana baDe shauq se sun raha tha

hamin so gae dastan kahte kahte

us galī ne ye sun ke sabr kiyā

jaane vaale yahāñ ke the hī nahīñ

us gali ne ye sun ke sabr kiya

jaane wale yahan ke the hi nahin

hue nāmvar be-nishāñ kaise kaise

zamīñ khā ga.ī āsmāñ kaise kaise

hue namwar be-nishan kaise kaise

zamin kha gai aasman kaise kaise

rahne ko sadā dahr meñ aatā nahīñ koī

tum jaise ga.e aise bhī jaatā nahīñ koī

rahne ko sada dahr mein aata nahin koi

tum jaise gae aise bhi jata nahin koi

kahānī ḳhatm huī aur aisī ḳhatm huī

ki log rone lage tāliyāñ bajāte hue

kahani KHatm hui aur aisi KHatm hui

ki log rone lage taliyan bajate hue

aa.ī hogī kisī ko hijr meñ maut

mujh ko to niiñd bhī nahīñ aatī

aai hogi kisi ko hijr mein maut

mujh ko to nind bhi nahin aati

marte haiñ aarzū meñ marne kī

maut aatī hai par nahīñ aatī

marte hain aarzu mein marne ki

maut aati hai par nahin aati

na gor-e-sikandar na hai qabr-e-dārā

miTe nāmiyoñ ke nishāñ kaise kaise

na gor-e-sikandar na hai qabr-e-dara

miTe namiyon ke nishan kaise kaise

kaun kahtā hai ki maut aa.ī to mar jā.ūñgā

maiñ to dariyā huuñ samundar meñ utar jā.ūñgā

kaun kahta hai ki maut aai to mar jaunga

main to dariya hun samundar mein utar jaunga

kam se kam maut se aisī mujhe ummīd nahīñ

zindagī tū ne to dhoke pe diyā hai dhoka

kam se kam maut se aisi mujhe ummid nahin

zindagi tu ne to dhoke pe diya hai dhoka

maut se kis ko rustagārī hai

aaj vo kal hamārī baarī hai

maut se kis ko rustagari hai

aaj wo kal hamari bari hai

rone vāloñ ne uThā rakkhā thā ghar sar par magar

umr bhar kā jāgne vaalā paḌā sotā rahā

rone walon ne uTha rakkha tha ghar sar par magar

umr bhar ka jagne wala paDa sota raha

maut us kī hai kare jis kā zamāna afsos

yuuñ to duniyā meñ sabhī aa.e haiñ marne ke liye

maut us ki hai kare jis ka zamana afsos

yun to duniya mein sabhi aae hain marne ke liye

nā-umīdī maut se kahtī hai apnā kaam kar

aas kahtī hai Thahar ḳhat kā javāb aane ko hai

na-umidi maut se kahti hai apna kaam kar

aas kahti hai Thahar KHat ka jawab aane ko hai

jo log maut ko zālim qarār dete haiñ

ḳhudā milā.e unheñ zindagī ke māroñ se

jo log maut ko zalim qarar dete hain

KHuda milae unhen zindagi ke maron se

log achchhe haiñ bahut dil meñ utar jaate haiñ

ik burā.ī hai to bas ye hai ki mar jaate haiñ

log achchhe hain bahut dil mein utar jate hain

ek burai hai to bas ye hai ki mar jate hain

maañ kī āġhosh meñ kal maut kī āġhosh meñ aaj

ham ko duniyā meñ ye do vaqt suhāne se mile

man ki aaghosh mein kal maut ki aaghosh mein aaj

hum ko duniya mein ye do waqt suhane se mile

mirī zindagī to guzrī tire hijr ke sahāre

mirī maut ko bhī pyāre koī chāhiye bahāna

meri zindagi to guzri tere hijr ke sahaare

meri maut ko bhi pyare koi chahiye bahana

shukriya ai qabr tak pahuñchāne vaalo shukriya

ab akele hī chale jā.eñge is manzil se ham

shukriya ai qabr tak pahunchane walo shukriya

ab akele hi chale jaenge is manzil se hum

māñgī thī ek baar duā ham ne maut kī

sharminda aaj tak haiñ miyāñ zindagī se ham

mangi thi ek bar dua hum ne maut ki

sharminda aaj tak hain miyan zindagi se hum

zindagī hai apne qabze meñ na apne bas meñ maut

aadmī majbūr hai aur kis qadar majbūr hai

zindagi hai apne qabze mein na apne bas mein maut

aadmi majbur hai aur kis qadar majbur hai

maut kā intizār baaqī hai

aap kā intizār thā na rahā

maut ka intizar baqi hai

aap ka intizar tha na raha

zindagī ik savāl hai jis kā javāb maut hai

maut bhī ik savāl hai jis kā javāb kuchh nahīñ

zindagi ek sawal hai jis ka jawab maut hai

maut bhi ek sawal hai jis ka jawab kuchh nahin

mujh ko ma.alūm hai anjām-e-mohabbat kyā hai

ek din maut kī ummīd pe jiinā hogā

mujh ko malum hai anjam-e-mohabbat kya hai

ek din maut ki ummid pe jina hoga

duniyā merī balā jaane mahñgī hai yā sastī hai

maut mile to muft na luuñ hastī kī kyā hastī hai

duniya meri bala jaane mahngi hai ya sasti hai

maut mile to muft na lun hasti ki kya hasti hai

zindagī ik hādsa hai aur kaisā hādsa

maut se bhī ḳhatm jis kā silsila hotā nahīñ

zindagi ek hadsa hai aur kaisa hadsa

maut se bhi KHatm jis ka silsila hota nahin

maut hī insān kī dushman nahīñ

zindagī bhī jaan le kar jā.egī

maut hi insan ki dushman nahin

zindagi bhi jaan le kar jaegi

jaane kyuuñ ik ḳhayāl sā aayā

maiñ na hūñgā to kyā kamī hogī

jaane kyun ek KHayal sa aaya

main na hunga to kya kami hogi

maut kahte haiñ jis ko ai 'sāġhar'

zindagī kī koī kaḌī hogī

maut kahte hain jis ko ai 'saghar'

zindagi ki koi kaDi hogi

ghasīTte hue ḳhud ko phiroge 'zeb' kahāñ

chalo ki ḳhaak ko de aa.eñ ye badan us kā

ghasiTte hue KHud ko phiroge 'zeb' kahan

chalo ki KHak ko de aaen ye badan us ka

vo jin ke zikr se ragoñ meñ dauḌtī thiiñ bijliyāñ

unhīñ kā haath ham ne chhū ke dekhā kitnā sard hai

wo jin ke zikr se ragon mein dauDti thin bijliyan

unhin ka hath hum ne chhu ke dekha kitna sard hai

maut se kyuuñ itnī vahshat jaan kyuuñ itnī aziiz

maut aane ke liye hai jaan jaane ke liye

maut se kyun itni wahshat jaan kyun itni aziz

maut aane ke liye hai jaan jaane ke liye

kaun jiine ke liye martā rahe

lo sambhālo apnī duniyā ham chale

kaun jine ke liye marta rahe

lo sambhaalo apni duniya hum chale

maut kyā ek lafz-e-be-ma.anī

jis ko maarā hayāt ne maarā

maut kya ek lafz-e-be-mani

jis ko mara hayat ne mara

uTh ga.ī haiñ sāmne se kaisī kaisī sūrateñ

roiye kis ke liye kis kis kā mātam kījiye

uTh gai hain samne se kaisi kaisi suraten

roiye kis ke liye kis kis ka matam kijiye

maut ḳhāmoshī hai chup rahne se chup lag jā.egī

zindagī āvāz hai bāteñ karo bāteñ karo

maut KHamoshi hai chup rahne se chup lag jaegi

zindagi aawaz hai baaten karo baaten karo

niiñd ko log maut kahte haiñ

ḳhvāb kā naam zindagī bhī hai

nind ko log maut kahte hain

KHwab ka nam zindagi bhi hai

ab nahīñ lauT ke aane vaalā

ghar khulā chhoḌ ke jaane vaalā

ab nahin lauT ke aane wala

ghar khula chhoD ke jaane wala

'anīs' dam kā bharosā nahīñ Thahar jaao

charāġh le ke kahāñ sāmne havā ke chale

'anis' dam ka bharosa nahin Thahar jao

charagh le ke kahan samne hawa ke chale

miTTī kā badan kar diyā miTTī ke havāle

miTTī ko kahīñ tāj-mahal meñ nahīñ rakkhā

miTTi ka badan kar diya miTTi ke hawale

miTTi ko kahin taj-mahal mein nahin rakkha

dard ko rahne bhī de dil meñ davā ho jā.egī

maut aa.egī to ai hamdam shifā ho jā.egī

dard ko rahne bhi de dil mein dawa ho jaegi

maut aaegi to ai hamdam shifa ho jaegi

be-ta.alluq zindagī achchhī nahīñ

zindagī kyā maut bhī achchhī nahīñ

be-talluq zindagi achchhi nahin

zindagi kya maut bhi achchhi nahin

hamārī zindagī to muḳhtasar sī ik kahānī thī

bhalā ho maut kā jis ne banā rakkhā hai afsāna

hamari zindagi to muKHtasar si ek kahani thi

bhala ho maut ka jis ne bana rakkha hai afsana

baḌī talāsh se miltī hai zindagī ai dost

qazā kī tarah patā pūchhtī nahīñ aatī

baDi talash se milti hai zindagi ai dost

qaza ki tarah pata puchhti nahin aati

is vahm se ki niiñd meñ aa.e na kuchh ḳhalal

ahbāb zer-e-ḳhāk sulā kar chale ga.e

is wahm se ki nind mein aae na kuchh KHalal

ahbab zer-e-KHak sula kar chale gae