ab to utnī bhī mayassar nahīñ mai-ḳhāne meñ

jitnī ham chhoḌ diyā karte the paimāne meñ

ab to utni bhi mayassar nahin mai-KHane mein

jitni hum chhoD diya karte the paimane mein

vaqt barbād karne vāloñ ko

vaqt barbād kar ke chhoḌegā

waqt barbaad karne walon ko

waqt barbaad kar ke chhoDega

agar maujeñ Dubo detīñ to kuchh taskīn ho jaatī

kināroñ ne Duboyā hai mujhe is baat kā ġham hai

agar maujen Dubo detin to kuchh taskin ho jati

kinaron ne Duboya hai mujhe is baat ka gham hai

ġhusse meñ barhamī meñ ġhazab meñ itaab meñ

ḳhud aa ga.e haiñ vo mire ḳhat ke javāb meñ

ghusse mein barhami mein ghazab mein itab mein

KHud aa gae hain wo mere KHat ke jawab mein

is se pahle ki log pahchāneñ

ḳhud ko pahchān lo to behtar hai

is se pahle ki log pahchanen

KHud ko pahchan lo to behtar hai

vaqār-e-ḳhūn-e-shahīdān-e-karbalā kī qasam

yazīd morcha jiitā hai jañg haarā hai

waqar-e-KHun-e-shahidan-e-karbala ki qasam

yazid morcha jita hai jang haara hai

is intizār meñ baiThe haiñ un kī mahfil meñ

ki vo nigāh uThā.eñ to ham salām kareñ

is intizar mein baiThe hain un ki mahfil mein

ki wo nigah uThaen to hum salam karen

baat haq hai to phir qubūl karo

ye na dekho ki kaun kahtā hai

baat haq hai to phir qubul karo

ye na dekho ki kaun kahta hai

is daur-e-taraqqī ke andāz nirāle haiñ

zehnoñ meñ añdhere haiñ saḌkoñ pe ujāle haiñ

is daur-e-taraqqi ke andaz nirale hain

zehnon mein andhere hain saDkon pe ujale hain

sochne kī ye baat hai 'rāhī'

sochte hī rahe to kyā hogā

sochne ki ye baat hai 'rahi'

sochte hi rahe to kya hoga

vaqt ko bas guzār lenā hī

dosto koī zindagānī hai

waqt ko bas guzar lena hi

dosto koi zindagani hai

agar ai nāḳhudā tūfān se laḌne kā dam-ḳham hai

idhar kashtī na le aanā yahāñ paanī bahut kam hai

agar ai naKHuda tufan se laDne ka dam-KHam hai

idhar kashti na le aana yahan pani bahut kam hai

savāl ye hai ki is pur-fareb duniyā meñ

ḳhudā ke naam pe kis kis kā ehtirām kareñ

sawal ye hai ki is pur-fareb duniya mein

KHuda ke nam pe kis kis ka ehtiram karen

abas ilzām mat do mushkilāt-e-rāh ko 'rāhī'

tumhāre hī irāde meñ kamī ma.alūm hotī hai

abas ilzam mat do mushkilat-e-rah ko 'rahi'

tumhaare hi irade mein kami malum hoti hai

ain-fitrat hai ki jis shāḳh pe phal ā.eñge

inkisārī se vahī shāḳh lachak jā.egī

ain-fitrat hai ki jis shaKH pe phal aaenge

inkisari se wahi shaKH lachak jaegi

bahut āsān hai do ghūñT pī lenā to ai 'rāhī'

baḌī mushkil se aate haiñ magar ādāb-e-mai-ḳhāna

bahut aasan hai do ghunT pi lena to ai 'rahi'

baDi mushkil se aate hain magar aadab-e-mai-KHana