nāzukī us ke lab kī kyā kahiye

pañkhuḌī ik gulāb kī sī hai

nazuki us ke lab ki kya kahiye

pankhuDi ek gulab ki si hai

rāh-e-dūr-e-ishq meñ rotā hai kyā

aage aage dekhiye hotā hai kyā

rah-e-dur-e-ishq mein rota hai kya

aage aage dekhiye hota hai kya

pattā pattā buuTā buuTā haal hamārā jaane hai

jaane na jaane gul hī na jaane baaġh to saarā jaane hai

patta patta buTa buTa haal hamara jaane hai

jaane na jaane gul hi na jaane bagh to sara jaane hai

koī tum sā bhī kaash tum ko mile

mudda.ā ham ko intiqām se hai

koi tum sa bhi kash tum ko mile

muddaa hum ko intiqam se hai

ab to jaate haiñ but-kade se 'mīr'

phir mileñge agar ḳhudā laayā

ab to jate hain but-kade se 'mir'

phir milenge agar KHuda laya

ham hue tum hue ki 'mīr' hue

us kī zulfoñ ke sab asiir hue

hum hue tum hue ki 'mir' hue

us ki zulfon ke sab asir hue

aag the ibtidā-e-ishq meñ ham

ab jo haiñ ḳhaak intihā hai ye

aag the ibtida-e-ishq mein hum

ab jo hain KHak intiha hai ye

ulTī ho ga.iiñ sab tadbīreñ kuchh na davā ne kaam kiyā

dekhā is bīmāri-e-dil ne āḳhir kaam tamām kiyā

ulTi ho gain sab tadbiren kuchh na dawa ne kaam kiya

dekha is bimari-e-dil ne aaKHir kaam tamam kiya

le saañs bhī āhista ki nāzuk hai bahut kaam

āfāq kī is kārgah-e-shīshagarī kā

le sans bhi aahista ki nazuk hai bahut kaam

aafaq ki is kargah-e-shishagari ka

mat sahl hameñ jaano phirtā hai falak barsoñ

tab ḳhaak ke parde se insān nikalte haiñ

mat sahl hamein jaano phirta hai falak barson

tab KHak ke parde se insan nikalte hain

miir kyā saade haiñ bīmār hue jis ke sabab

usī attār ke laḌke se davā lete haiñ

mir kya sade hain bimar hue jis ke sabab

usi attar ke laDke se dawa lete hain

yaad us kī itnī ḳhuub nahīñ 'mīr' baaz aa

nādān phir vo jī se bhulāyā na jā.egā

yaad us ki itni KHub nahin 'mir' baz aa

nadan phir wo ji se bhulaya na jaega

baare duniyā meñ raho ġham-zada yā shaad raho

aisā kuchh kar ke chalo yaañ ki bahut yaad raho

bare duniya mein raho gham-zada ya shad raho

aisa kuchh kar ke chalo yan ki bahut yaad raho

phuul gul shams o qamar saare hī the

par hameñ un meñ tumhīñ bhaa.e bahut

phul gul shams o qamar sare hi the

par hamein un mein tumhin bhae bahut

phirte haiñ 'mīr' ḳhvār koī pūchhtā nahīñ

is āshiqī meñ izzat-e-sādāt bhī ga.ī

phirte hain 'mir' KHwar koi puchhta nahin

is aashiqi mein izzat-e-sadat bhi gai

'mīr' ke dīn-o-maz.hab ko ab pūchhte kyā ho un ne to

qashqa khīñchā dair meñ baiThā kab kā tark islām kiyā

'mir' ke din-o-mazhab ko ab puchhte kya ho un ne to

qashqa khincha dair mein baiTha kab ka tark islam kiya

shaam se kuchh bujhā sā rahtā huuñ

dil huā hai charāġh muflis kā

sham se kuchh bujha sa rahta hun

dil hua hai charagh muflis ka

ishq ik 'mīr' bhārī patthar hai

kab ye tujh nā-tavāñ se uThtā hai

ishq ek 'mir' bhaari patthar hai

kab ye tujh na-tawan se uThta hai

sirhāne 'mīr' ke koī na bolo

abhī Tuk rote rote so gayā hai

sirhane 'mir' ke koi na bolo

abhi Tuk rote rote so gaya hai

iqrār meñ kahāñ hai inkār kī sī ḳhūbī

hotā hai shauq ġhālib us kī nahīñ nahīñ par

iqrar mein kahan hai inkar ki si KHubi

hota hai shauq ghaalib us ki nahin nahin par

hogā kisī dīvār ke saa.e meñ paḌā 'mīr'

kyā rabt mohabbat se us ārām-talab ko

hoga kisi diwar ke sae mein paDa 'mir'

kya rabt mohabbat se us aaram-talab ko

dil kī vīrānī kā kyā mazkūr hai

ye nagar sau martaba luuTā gayā

dil ki virani ka kya mazkur hai

ye nagar sau martaba luTa gaya

nāhaq ham majbūroñ par ye tohmat hai muḳhtārī kī

chāhte haiñ so aap kareñ haiñ ham ko abas badnām kiyā

nahaq hum majburon par ye tohmat hai muKHtari ki

chahte hain so aap karen hain hum ko abas badnam kiya

kyā kahūñ tum se maiñ ki kyā hai ishq

jaan kā rog hai balā hai ishq

kya kahun tum se main ki kya hai ishq

jaan ka rog hai bala hai ishq

rote phirte haiñ saarī saarī raat

ab yahī rozgār hai apnā

rote phirte hain sari sari raat

ab yahi rozgar hai apna

be-ḳhudī le ga.ī kahāñ ham ko

der se intizār hai apnā

be-KHudi le gai kahan hum ko

der se intizar hai apna

'mīr' un nīm-bāz āñkhoñ meñ

saarī mastī sharāb kī sī hai

'mir' un nim-baz aankhon mein

sari masti sharab ki si hai

bevafā.ī pe terī jī hai fidā

qahr hotā jo bā-vafā hotā

bewafai pe teri ji hai fida

qahr hota jo ba-wafa hota

'mīr' sāhab tum farishta ho to ho

aadmī honā to mushkil hai miyāñ

'mir' sahab tum farishta ho to ho

aadmi hona to mushkil hai miyan

dikhā.ī diye yuuñ ki be-ḳhud kiyā

hameñ aap se bhī judā kar chale

dikhai diye yun ki be-KHud kiya

hamein aap se bhi juda kar chale

'mīr' amdan bhī koī martā hai

jaan hai to jahān hai pyāre

'mir' amdan bhi koi marta hai

jaan hai to jahan hai pyare

gul ho mahtāb ho ā.īna ho ḳhurshīd ho miir

apnā mahbūb vahī hai jo adā rakhtā ho

gul ho mahtab ho aaina ho KHurshid ho mir

apna mahbub wahi hai jo ada rakhta ho

kyā kaheñ kuchh kahā nahīñ jaatā

ab to chup bhī rahā nahīñ jaatā

kya kahen kuchh kaha nahin jata

ab to chup bhi raha nahin jata

ab kar ke farāmosh to nāshād karoge

par ham jo na hoñge to bahut yaad karoge

ab kar ke faramosh to nashad karoge

par hum jo na honge to bahut yaad karoge

dillī meñ aaj bhiik bhī miltī nahīñ unheñ

thā kal talak dimāġh jinheñ tāj-o-taḳht kā

dilli mein aaj bhik bhi milti nahin unhen

tha kal talak dimagh jinhen taj-o-taKHt ka

yahī jaanā ki kuchh na jaanā haa.e

so bhī ik umr meñ huā ma.alūm

yahi jaana ki kuchh na jaana hae

so bhi ek umr mein hua malum

amīr-zādoñ se dillī ke mil na tā-maqdūr

ki ham faqīr hue haiñ inhīñ kī daulat se

amir-zadon se dilli ke mil na ta-maqdur

ki hum faqir hue hain inhin ki daulat se

shart salīqa hai har ik amr meñ

aib bhī karne ko hunar chāhiye

shart saliqa hai har ek amr mein

aib bhi karne ko hunar chahiye

us ke faroġh-e-husn se jhamke hai sab meñ nuur

sham-e-haram ho yā ki diyā somnāt kā

us ke farogh-e-husn se jhamke hai sab mein nur

sham-e-haram ho ya ki diya somnat ka

hamāre aage tirā jab kisū ne naam liyā

dil-e-sitam-zada ko ham ne thaam thaam liyā

hamare aage tera jab kisu ne nam liya

dil-e-sitam-zada ko hum ne tham tham liya

vasl meñ rañg uḌ gayā merā

kyā judā.ī ko muñh dikhā.ūñgā

wasl mein rang uD gaya mera

kya judai ko munh dikhaunga

ishq ma.ashūq ishq āshiq hai

yaanī apnā hī mubtalā hai ishq

ishq mashuq ishq aashiq hai

yani apna hi mubtala hai ishq

jaa.e hai jī najāt ke ġham meñ

aisī jannat ga.ī jahannam meñ

jae hai ji najat ke gham mein

aisi jannat gai jahannam mein

mujh ko shā.er na kaho 'mīr' ki sāhab maiñ ne

dard o ġham kitne kiye jam.a to dīvān kiyā

mujh ko shaer na kaho 'mir' ki sahab main ne

dard o gham kitne kiye jama to diwan kiya

zaḳhm jhele daaġh bhī khaa.e bahut

dil lagā kar ham to pachhtā.e bahut

zaKHm jhele dagh bhi khae bahut

dil laga kar hum to pachhtae bahut

'mīr' bandoñ se kaam kab niklā

māñgnā hai jo kuchh ḳhudā se maañg

'mir' bandon se kaam kab nikla

mangna hai jo kuchh KHuda se mang

ab aayā dhyān ai ārām-e-jāñ is nā-murādī meñ

kafan denā tumheñ bhūle the ham asbāb-e-shādī meñ

ab aaya dhyan ai aaram-e-jaan is na-muradi mein

kafan dena tumhein bhule the hum asbab-e-shadi mein

kahā maiñ ne kitnā hai gul kā sabāt

kalī ne ye sun kar tabassum kiyā

kaha main ne kitna hai gul ka sabaat

kali ne ye sun kar tabassum kiya

ishq meñ jī ko sabr o taab kahāñ

us se āñkheñ laḌīñ to ḳhvāb kahāñ

ishq mein ji ko sabr o tab kahan

us se aankhen laDin to KHwab kahan

mire salīqe se merī nibhī mohabbat meñ

tamām umr maiñ nākāmiyoñ se kaam liyā

mere saliqe se meri nibhi mohabbat mein

tamam umr main nakaamiyon se kaam liya