ALL
Profile
Ghazal66
Nazm101
Sher101
E-book62
TOP 20 SHAYARI 20
Image Shayari33
Audio37
Video49
Qita4
Qisse3
Gallery 3
Blog4
Other
Lori1
Geet49
Filmi Geet4
Sher of Sahir Ludhianvi
kyā mol lag rahā hai shahīdoñ ke ḳhuun kā
marte the jin pe ham vo sazā-yāb kyā hue
kya mol lag raha hai shahidon ke KHun ka
marte the jin pe hum wo saza-yab kya hue
bartarī ke subūt kī ḳhātir
ḳhuuñ bahānā hī kyā zarūrī hai
bartari ke subut ki KHatir
KHun bahana hi kya zaruri hai
phir na kiije mirī gustāḳh-nigāhī kā gilā
dekhiye aap ne phir pyaar se dekhā mujh ko
phir na kije meri gustaKH-nigahi ka gila
dekhiye aap ne phir pyar se dekha mujh ko
ik shahanshāh ne daulat kā sahārā le kar
ham ġharīboñ kī mohabbat kā uḌāyā hai mazāq
ek shahanshah ne daulat ka sahaara le kar
hum gharibon ki mohabbat ka uDaya hai mazaq
jamhūriyat-navāz bashar-dost amn-ḳhvāh
ḳhud ko jo ḳhud diye the vo alqāb kyā hue
jamhuriyat-nawaz bashar-dost amn-KHwah
KHud ko jo KHud diye the wo alqab kya hue
aao ki aaj ġhaur kareñ is savāl par
dekhe the ham ne jo vo hasīñ ḳhvāb kyā hue
aao ki aaj ghaur karen is sawal par
dekhe the hum ne jo wo hasin KHwab kya hue
terā milnā ḳhushī kī baat sahī
tujh se mil kar udaas rahtā huuñ
tera milna KHushi ki baat sahi
tujh se mil kar udas rahta hun
duniyā ne tajrabāt o havādis kī shakl meñ
jo kuchh mujhe diyā hai vo lauTā rahā huuñ maiñ
duniya ne tajrabaat o hawadis ki shakl mein
jo kuchh mujhe diya hai wo lauTa raha hun main
un ke ruḳhsār pe Dhalke hue aañsū tauba
maiñ ne shabnam ko bhī sho.aloñ pe machalte dekhā
un ke ruKHsar pe Dhalke hue aansu tauba
main ne shabnam ko bhi shoalon pe machalte dekha
jān-e-tanhā pe guzar jaa.eñ hazāroñ sadme
aañkh se ashk ravāñ hoñ ye zarūrī to nahīñ
countless calamities may this lonely soull befall
thse eyes shed copious tears is not a must at all
jaan-e-tanha pe guzar jaen hazaron sadme
aankh se ashk rawan hon ye zaruri to nahin
countless calamities may this lonely soull befall
thse eyes shed copious tears is not a must at all
-
Share this
- Translation
- Critique
- Comments
- Download
aao is tīra-baḳht duniyā meñ
fikr kī raushnī ko aam kareñ
aao is tira-baKHt duniya mein
fikr ki raushni ko aam karen
vo afsāna jise anjām tak laanā na ho mumkin
use ik ḳhūb-sūrat moḌ de kar chhoḌnā achchhā
wo afsana jise anjam tak lana na ho mumkin
use ek KHub-surat moD de kar chhoDna achchha
chand kaliyāñ nashāt kī chun kar muddatoñ mahv-e-yās rahtā huuñ
terā milnā ḳhushī kī baat sahī tujh se mil kar udaas rahtā huuñ
chand kaliyan nashat ki chun kar muddaton mahw-e-yas rahta hun
tera milna KHushi ki baat sahi tujh se mil kar udas rahta hun
dulhan banī huī haiñ rāheñ
jashn manāo sāl-e-nau ke
dulhan bani hui hain rahen
jashn manao sal-e-nau ke
jañg iflās aur ġhulāmī se
amn behtar nizām kī ḳhātir
jang iflas aur ghulami se
amn behtar nizam ki KHatir
tū mujhe chhoḌ ke Thukrā ke bhī jā saktī hai
tere hāthoñ meñ mire haath haiñ zanjīr nahīñ
tu mujhe chhoD ke Thukra ke bhi ja sakti hai
tere hathon mein mere hath hain zanjir nahin
rañgoñ meñ terā aks Dhalā tū na Dhal sakī
sāñsoñ kī aañch jism kī ḳhushbū na Dhal sakī
rangon mein tera aks Dhala tu na Dhal saki
sanson ki aanch jism ki KHushbu na Dhal saki
tum mere liye ab koī ilzām na DhūñDo
chāhā thā tumheñ ik yahī ilzām bahut hai
a reason to indict me, you need hardly pursue
is it not cause enough I fell in love with you
tum mere liye ab koi ilzam na DhunDo
chaha tha tumhein ek yahi ilzam bahut hai
a reason to indict me, you need hardly pursue
is it not cause enough I fell in love with you
maiñ jise pyaar kā andāz samajh baiThā huuñ
vo tabassum vo takallum tirī aadat hī na ho
main jise pyar ka andaz samajh baiTha hun
wo tabassum wo takallum teri aadat hi na ho
ḳhuun apnā ho yā parāyā ho
nasl-e-ādam kā ḳhuun hai āḳhir
KHun apna ho ya paraya ho
nasl-e-adam ka KHun hai aaKHir
apnī tabāhiyoñ kā mujhe koī ġham nahīñ
tum ne kisī ke saath mohabbat nibhā to dī
at my own destruction I do not moan or weep
for faith at least with someone, you managed to keep
apni tabahiyon ka mujhe koi gham nahin
tum ne kisi ke sath mohabbat nibha to di
at my own destruction I do not moan or weep
for faith at least with someone, you managed to keep
tarab-zāroñ pe kyā guzrī sanam-ḳhānoñ pe kyā guzrī
dil-e-zinda mire marhūm armānoñ pe kyā guzrī
tarab-zaron pe kya guzri sanam-KHanon pe kya guzri
dil-e-zinda mere marhum armanon pe kya guzri
añdherī shab meñ bhī tāmīr-e-āshiyāñ na ruke
nahīñ charāġh to kyā barq to chamaktī hai
andheri shab mein bhi tamir-e-ashiyan na ruke
nahin charagh to kya barq to chamakti hai
hazār barq gire laakh āñdhiyāñ uTTheñ
vo phuul khil ke raheñge jo khilne vaale haiñ
hazar barq gire lakh aandhiyan uTThen
wo phul khil ke rahenge jo khilne wale hain
har kūcha sho.ala-zār hai har shahr qatl-gāh
yak-jehtī-e-hayāt ke ādāb kyā hue
har kucha shoala-zar hai har shahr qatl-gah
yak-jehti-e-hayat ke aadab kya hue
mujrim huuñ maiñ agar to gunahgār tum bhī ho
ai rahbarān-e-qaum ḳhatā-kār tum bhī ho
mujrim hun main agar to gunahgar tum bhi ho
ai rahbaran-e-qaum KHata-kar tum bhi ho
yūñhī dil ne chāhā thā ronā-rulānā
tirī yaad to ban ga.ī ik bahānā
yunhi dil ne chaha tha rona-rulana
teri yaad to ban gai ek bahana
dil ke muāmale meñ natīje kī fikr kyā
aage hai ishq jurm-o-sazā ke maqām se
dil ke muamale mein natije ki fikr kya
aage hai ishq jurm-o-saza ke maqam se
jang to ḳhud hī ek mas.ala hai
jang kyā mas.aloñ kā hal degī
jang to KHud hi ek masala hai
jang kya masalon ka hal degi
ham ġham-zada haiñ laa.eñ kahāñ se ḳhushī ke giit
deñge vahī jo pā.eñge is zindagī se ham
hum gham-zada hain laen kahan se KHushi ke git
denge wahi jo paenge is zindagi se hum
be piye hī sharāb se nafrat
ye jahālat nahīñ to phir kyā hai
without drinking, to abhor wine so
what is this if not igorant stupidity
be piye hi sharab se nafrat
ye jahaalat nahin to phir kya hai
without drinking, to abhor wine so
what is this if not igorant stupidity
tañg aa chuke haiñ kashmakash-e-zindagī se ham
Thukrā na deñ jahāñ ko kahīñ be-dilī se ham
tang aa chuke hain kashmakash-e-zindagi se hum
Thukra na den jahan ko kahin be-dili se hum
-
Share this
- See Ghazal
- Critique
- Comments
- Download
māyūsī-e-ma.āl-e-mohabbat na pūchhiye
apnoñ se pesh aa.e haiñ begānagī se ham
mayusi-e-maal-e-mohabbat na puchhiye
apnon se pesh aae hain beganagi se hum
gar zindagī meñ mil ga.e phir ittifāq se
pūchheñge apnā haal tirī bebasī se ham
gar zindagi mein mil gae phir ittifaq se
puchhenge apna haal teri bebasi se hum
-
Tag : Zindagi
-
Share this
- See Ghazal
- Critique
- Comments
- Download
lo aaj ham ne toḌ diyā rishta-e-umīd
lo ab kabhī gilā na kareñge kisī se ham
lo aaj hum ne toD diya rishta-e-umid
lo ab kabhi gila na karenge kisi se hum
-
Share this
- See Ghazal
- Critique
- Comments
- Download
zulm phir zulm hai baḌhtā hai to miT jaatā hai
ḳhuun phir ḳhuun hai Tapkegā to jam jā.egā
zulm phir zulm hai baDhta hai to miT jata hai
KHun phir KHun hai Tapkega to jam jaega
tumhāre ahd-e-vafā ko maiñ ahd kyā samjhūñ
mujhe ḳhud apnī mohabbat pe e'tibār nahīñ
tumhaare ahd-e-wafa ko main ahd kya samjhun
mujhe KHud apni mohabbat pe e'tibar nahin
-
Share this
- See Ghazal
- Critique
- Comments
- Download
hamīñ se rañg-e-gulistāñ hamīñ se rañg-e-bahār
hamīñ ko nazm-e-gulistāñ pe iḳhtiyār nahīñ
hamin se rang-e-gulistan hamin se rang-e-bahaar
hamin ko nazm-e-gulistan pe iKHtiyar nahin
-
Share this
- See Ghazal
- Critique
- Comments
- Download
ye kis maqām pe pahuñchā diyā zamāne ne
ki ab hayāt pe terā bhī iḳhtiyār nahīñ
ye kis maqam pe pahuncha diya zamane ne
ki ab hayat pe tera bhi iKHtiyar nahin
-
Share this
- See Ghazal
- Critique
- Comments
- Download
abhī na chheḌ mohabbat ke giit ai mutrib
abhī hayāt kā māhaul ḳhush-gavār nahīñ
abhi na chheD mohabbat ke git ai mutrib
abhi hayat ka mahaul KHush-gawar nahin
-
Share this
- See Ghazal
- Critique
- Comments
- Download
har ek daur kā maz.hab nayā ḳhudā laayā
kareñ to ham bhī magar kis ḳhudā kī baat kareñ
har ek daur ka mazhab naya KHuda laya
karen to hum bhi magar kis KHuda ki baat karen
-
Share this
- See Ghazal
- Critique
- Comments
- Download
vafā-shi.ār ka.ī haiñ koī hasīñ bhī to ho
chalo phir aaj usī bevafā kī baat kareñ
wafa-shiar kai hain koi hasin bhi to ho
chalo phir aaj usi bewafa ki baat karen
-
Share this
- See Ghazal
- Critique
- Comments
- Download
is tarah nigāheñ mat phero, aisā na ho dhaḌkan ruk jaa.e
siine meñ koī patthar to nahīñ ehsās kā mārā, dil hī to hai
is tarah nigahen mat phero, aisa na ho dhaDkan ruk jae
sine mein koi patthar to nahin ehsas ka mara, dil hi to hai
-
Tag : Love
-
Share this
- See Ghazal
- Critique
- Comments
- Download
jazbāt bhī hindū hote haiñ chāhat bhī musalmāñ hotī hai
duniyā kā ishāra thā lekin samjhā na ishāra dil hī to hai
jazbaat bhi hindu hote hain chahat bhi musalman hoti hai
duniya ka ishaara tha lekin samjha na ishaara dil hi to hai
-
Share this
- See Ghazal
- Critique
- Comments
- Download
jazbāt bhī hindū hote haiñ chāhat bhī musalmāñ hotī hai
duniyā kā ishāra thā lekin samjhā na ishārā, dil hī to hai
jazbaat bhi hindu hote hain chahat bhi musalman hoti hai
duniya ka ishaara tha lekin samjha na ishaara, dil hi to hai
koī to aisā ghar hotā jahāñ se pyaar mil jaatā
vahī begāne chehre haiñ jahāñ jaa.eñ jidhar jaa.eñ
koi to aisa ghar hota jahan se pyar mil jata
wahi begane chehre hain jahan jaen jidhar jaen
are o āsmāñ vaale batā is meñ burā kyā hai
ḳhushī ke chaar jhoñke gar idhar se bhī guzar jaa.eñ
are o aasman wale bata is mein bura kya hai
KHushi ke chaar jhonke gar idhar se bhi guzar jaen
ab aa.eñ yā na aa.eñ idhar pūchhte chalo
kyā chāhtī hai un kī nazar pūchhte chalo
ab aaen ya na aaen idhar puchhte chalo
kya chahti hai un ki nazar puchhte chalo
-
Tag : Nigaah
-
Share this
- See Ghazal
- Critique
- Comments
- Download
kis manzil-e-murād kī jānib ravāñ haiñ ham
ai rah-ravān-e-ḳhāk-basar pūchhte chalo
kis manzil-e-murad ki jaanib rawan hain hum
ai rah-rawan-e-KHak-basar puchhte chalo
-
Tag : Manzil
-
Share this
- See Ghazal
- Critique
- Comments
- Download
ham se agar hai tark-e-ta.alluq to kyā huā
yaaro koī to un kī ḳhabar pūchhte chalo
hum se agar hai tark-e-talluq to kya hua
yaro koi to un ki KHabar puchhte chalo
-
Share this
- See Ghazal
- Critique
- Comments
- Download