Sher on Eyes

tumhārī āñkhoñ kī tauhīn hai zarā socho

tumhārā chāhne vaalā sharāb piitā hai

tumhaari aankhon ki tauhin hai zara socho

tumhaara chahne wala sharab pita hai

log kahte haiñ ki tū ab bhī ḳhafā hai mujh se

terī āñkhoñ ne to kuchh aur kahā hai mujh se

log kahte hain ki tu ab bhi KHafa hai mujh se

teri aankhon ne to kuchh aur kaha hai mujh se

terī āñkhoñ kā kuchh qusūr nahīñ

haañ mujhī ko ḳharāb honā thā

teri aankhon ka kuchh qusur nahin

han mujhi ko KHarab hona tha

tire jamāl kī tasvīr khīñch duuñ lekin

zabāñ meñ aañkh nahīñ aañkh meñ zabān nahīñ

tere jamal ki taswir khinch dun lekin

zaban mein aankh nahin aankh mein zaban nahin

ḳhudā bachā.e tirī mast mast āñkhoñ se

farishta ho to bahak jaa.e aadmī kyā hai

KHuda bachae teri mast mast aankhon se

farishta ho to bahak jae aadmi kya hai

kabhī kabhī to chhalak paḌtī haiñ yūñhī āñkheñ

udaas hone kā koī sabab nahīñ hotā

kabhi kabhi to chhalak paDti hain yunhi aankhen

udas hone ka koi sabab nahin hota

jo un ma.asūm āñkhoñ ne diye the

vo dhoke aaj tak maiñ khā rahā huuñ

jo un masum aankhon ne diye the

wo dhoke aaj tak main kha raha hun

ek aañsū bhī hukūmat ke liye ḳhatra hai

tum ne dekhā nahīñ ā.ankhoñ kā samundar honā

ek aansu bhi hukumat ke liye KHatra hai

tum ne dekha nahin aaankhon ka samundar hona

ik hasīñ aañkh ke ishāre par

qāfile raah bhuul jaate haiñ

ek hasin aankh ke ishaare par

qafile rah bhul jate hain

aañkh rahzan nahīñ to phir kyā hai

luuT letī hai qāfila dil kā

aankh rahzan nahin to phir kya hai

luT leti hai qafila dil ka

āñkheñ jo uThā.e to mohabbat kā gumāñ ho

nazroñ ko jhukā.e to shikāyat sī lage hai

aankhen jo uThae to mohabbat ka guman ho

nazron ko jhukae to shikayat si lage hai

shabnam ke aañsū phuul par ye to vahī qissa huā

āñkheñ mirī bhīgī huī chehra tirā utrā huā

shabnam ke aansu phul par ye to wahi qissa hua

aankhen meri bhigi hui chehra tera utra hua

āñkheñ dikhlāte ho joban to dikhāo sāhab

vo alag bāñdh ke rakkhā hai jo maal achchhā hai

aankhen dikhlate ho joban to dikhao sahab

wo alag bandh ke rakkha hai jo mal achchha hai

hasīñ terī āñhkeñ hasīñ tere aañsū

yahīñ Duub jaane ko jī chāhtā hai

hasin teri aanhken hasin tere aansu

yahin Dub jaane ko ji chahta hai

is qadar royā huuñ terī yaad meñ

ā.īne āñkhoñ ke dhundle ho ga.e

is qadar roya hun teri yaad mein

aaine aankhon ke dhundle ho gae

laḌne ko dil jo chāhe to āñkheñ laḌā.iye

ho jañg bhī agar to mazedār jañg ho

laDne ko dil jo chahe to aankhen laDaiye

ho jang bhi agar to mazedar jang ho

aañkh se aañkh jab nahīñ miltī

dil se dil ham-kalām hotā hai

aankh se aankh jab nahin milti

dil se dil ham-kalam hota hai

us kī āñkhoñ ko ġhaur se dekho

mandiroñ meñ charāġh jalte haiñ

us ki aankhon ko ghaur se dekho

mandiron mein charagh jalte hain

paimāna kahe hai koī mai-ḳhāna kahe hai

duniyā tirī āñkhoñ ko bhī kyā kyā na kahe hai

paimana kahe hai koi mai-KHana kahe hai

duniya teri aankhon ko bhi kya kya na kahe hai

zarā der baiThe the tanhā.ī meñ

tirī yaad āñkheñ dukhāne lagī

zara der baiThe the tanhai mein

teri yaad aankhen dukhane lagi

log nazroñ ko bhī paḌh lete haiñ

apnī āñkhoñ ko jhukā.e rakhnā

log nazron ko bhi paDh lete hain

apni aankhon ko jhukae rakhna

un jhiil sī gahrī āñkhoñ meñ

ik lahar sī har dam rahtī hai

un jhil si gahri aankhon mein

ek lahar si har dam rahti hai

'mīr' un nīm-bāz āñkhoñ meñ

saarī mastī sharāb kī sī hai

'mir' un nim-baz aankhon mein

sari masti sharab ki si hai

jab tire nain muskurāte haiñ

ziist ke rañj bhuul jaate haiñ

jab tere nain muskuraate hain

zist ke ranj bhul jate hain

un ras bharī āñkhoñ meñ hayā khel rahī hai

do zahr ke pyāloñ meñ qazā khel rahī hai

un ras bhari aankhon mein haya khel rahi hai

do zahr ke pyalon mein qaza khel rahi hai

ab tak mirī yādoñ se miTā.e nahīñ miTtā

bhīgī huī ik shaam kā manzar tirī āñkheñ

ab tak meri yaadon se miTae nahin miTta

bhigi hui ek sham ka manzar teri aankhen

aañkh se aañkh milānā to suḳhan mat karnā

Tok dene se kahānī kā mazā jaatā hai

aankh se aankh milana to suKHan mat karna

Tok dene se kahani ka maza jata hai

āñkheñ ḳhudā ne dī haiñ to dekheñge husn-e-yār

kab tak naqāb ruḳh se uThā.ī na jā.egī

aankhen KHuda ne di hain to dekhenge husn-e-yar

kab tak naqab ruKH se uThai na jaegi

aa jaa.e na dil aap kā bhī aur kisī par

dekho mirī jaañ aañkh laḌānā nahīñ achchhā

aa jae na dil aap ka bhi aur kisi par

dekho meri jaan aankh laDana nahin achchha

āñkheñ na jiine deñgī tirī be-vafā mujhe

kyuuñ khiḌkiyoñ se jhāñk rahī hai qazā mujhe

aankhen na jine dengi teri be-wafa mujhe

kyun khiDkiyon se jhank rahi hai qaza mujhe

maiñ Dar rahā huuñ tumhārī nashīlī āñkhoñ se

ki luuT leñ na kisī roz kuchh pilā ke mujhe

main Dar raha hun tumhaari nashili aankhon se

ki luT len na kisi roz kuchh pila ke mujhe

raat ko sonā na sonā sab barābar ho gayā

tum na aa.e ḳhvāb meñ āñkhoñ meñ ḳhvāb aayā to kyā

raat ko sona na sona sab barabar ho gaya

tum na aae KHwab mein aankhon mein KHwab aaya to kya

jaan se ho ga.e badan ḳhālī

jis taraf tū ne aañkh bhar dekhā

jaan se ho gae badan KHali

jis taraf tu ne aankh bhar dekha

na vo sūrat dikhāte haiñ na milte haiñ gale aa kar

na āñkheñ shaad hotīñ haiñ na dil masrūr hotā hai

na wo surat dikhate hain na milte hain gale aa kar

na aankhen shad hotin hain na dil masrur hota hai

haañ kabhī ḳhvāb-e-ishq dekhā thā

ab tak āñkhoñ se ḳhuuñ Tapaktā hai

han kabhi KHwab-e-ishq dekha tha

ab tak aankhon se KHun Tapakta hai

maiñ ne chāhā thā ki ashkoñ kā tamāshā dekhūñ

aur āñkhoñ kā ḳhazāna thā ki ḳhālī niklā

main ne chaha tha ki ashkon ka tamasha dekhun

aur aankhon ka KHazana tha ki KHali nikla

buz-dilī hogī charāġhoñ ko dikhānā āñkheñ

abr chhaT jaa.e to sūraj se milānā āñkheñ

buz-dili hogi charaghon ko dikhana aankhen

abr chhaT jae to suraj se milana aankhen

kabhī un mad-bharī āñkhoñ se piyā thā ik jaam

aaj tak hosh nahīñ hosh nahīñ hosh nahīñ

kabhi un mad-bhari aankhon se piya tha ek jam

aaj tak hosh nahin hosh nahin hosh nahin

talab kareñ to ye āñkheñ bhī in ko de duuñ maiñ

magar ye log in āñkhoñ ke ḳhvāb māñgte haiñ

talab karen to ye aankhen bhi in ko de dun main

magar ye log in aankhon ke KHwab mangte hain

āñkheñ saaqī kī jab se dekhī haiñ

ham se do ghūñT pī nahīñ jaatī

aankhen saqi ki jab se dekhi hain

hum se do ghunT pi nahin jati

udaas āñkhoñ se aañsū nahīñ nikalte haiñ

ye motiyoñ kī tarah sīpiyoñ meñ palte haiñ

udas aankhon se aansu nahin nikalte hain

ye motiyon ki tarah sipiyon mein palte hain

shaam se un ke tasavvur kā nasha thā itnā

niiñd aa.ī hai to āñkhoñ ne burā maanā hai

sham se un ke tasawwur ka nasha tha itna

nind aai hai to aankhon ne bura mana hai

aap kī maḳhmūr āñkhoñ kī qasam

merī mai-ḳhvārī abhī tak raaz hai

aap ki maKHmur aankhon ki qasam

meri mai-KHwari abhi tak raaz hai

aañkh kī ye ek hasrat thī ki bas puurī huī

āñsuoñ meñ bhiig jaane kī havas puurī huī

aankh ki ye ek hasrat thi ki bas puri hui

aansuon mein bhig jaane ki hawas puri hui

diloñ kā zikr hī kyā hai mileñ mileñ na mileñ

nazar milāo nazar se nazar kī baat karo

dilon ka zikr hi kya hai milen milen na milen

nazar milao nazar se nazar ki baat karo

ham mohabbat kā sabaq bhuul ga.e

terī āñkhoñ ne paḌhāyā kyā hai

hum mohabbat ka sabaq bhul gae

teri aankhon ne paDhaya kya hai

kaifiyyat-e-chashm us kī mujhe yaad hai 'saudā'

sāġhar ko mire haath se liijo ki chalā maiñ

kaifiyyat-e-chashm us ki mujhe yaad hai 'sauda'

saghar ko mere hath se lijo ki chala main

dekhī haiñ baḌe ġhaur se maiñ ne vo nigāheñ

āñkhoñ meñ muravvat kā kahīñ naam nahīñ hai

dekhi hain baDe ghaur se main ne wo nigahen

aankhon mein murawwat ka kahin nam nahin hai

kisī ne chuum ke āñkhoñ ko ye duā dī thī

zamīn terī ḳhudā motiyoñ se nam kar de

kisi ne chum ke aankhon ko ye dua di thi

zamin teri KHuda motiyon se nam kar de

āñkhoñ meñ jo baat ho ga.ī hai

ik sharh-e-hayāt ho ga.ī hai

aankhon mein jo baat ho gai hai

ek sharh-e-hayat ho gai hai