Sher on Majburi

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

terī majbūriyāñ durust magar

tū ne va.ada kiyā thā yaad to kar

teri majburiyan durust magar

tu ne wada kiya tha yaad to kar

ye mere ishq kī majbūriyāñ ma.āz-allāh

tumhārā raaz tumhīñ se chhupā rahā huuñ maiñ

ye mere ishq ki majburiyan maaz-allah

tumhaara raaz tumhin se chhupa raha hun main

zindagī hai apne qabze meñ na apne bas meñ maut

aadmī majbūr hai aur kis qadar majbūr hai

zindagi hai apne qabze mein na apne bas mein maut

aadmi majbur hai aur kis qadar majbur hai

kursī hai tumhārā ye janāza to nahīñ hai

kuchh kar nahīñ sakte to utar kyoñ nahīñ jaate

kursi hai tumhaara ye janaza to nahin hai

kuchh kar nahin sakte to utar kyon nahin jate

haa.e re majbūriyāñ mahrūmiyāñ nākāmiyāñ

ishq āḳhir ishq hai tum kyā karo ham kyā kareñ

hae re majburiyan mahrumiyan nakaamiyan

ishq aaKHir ishq hai tum kya karo hum kya karen

mirī majbūriyāñ kyā pūchhte ho

ki jiine ke liye majbūr huuñ maiñ

meri majburiyan kya puchhte ho

ki jine ke liye majbur hun main

idhar se bhī hai sivā kuchh udhar kī majbūrī

ki ham ne aah to kī un se aah bhī na huī

idhar se bhi hai siwa kuchh udhar ki majburi

ki hum ne aah to ki un se aah bhi na hui

haa.e 'sīmāb' us kī majbūrī

jis ne kī ho shabāb meñ tauba

hae 'simab' us ki majburi

jis ne ki ho shabab mein tauba

zindagī jabr hai aur jabr ke āsār nahīñ

haa.e is qaid ko zanjīr bhī darkār nahīñ

zindagi jabr hai aur jabr ke aasar nahin

hae is qaid ko zanjir bhi darkar nahin

kyā maslahat-shanās thā vo aadmī 'qatīl'

majbūriyoñ kā jis ne vafā naam rakh diyā

kya maslahat-shanas tha wo aadmi 'qatil'

majburiyon ka jis ne wafa nam rakh diya

ehsān zindagī pe kiye jā rahe haiñ ham

man to nahīñ hai phir bhī jiye jā rahe haiñ ham

ehsan zindagi pe kiye ja rahe hain hum

man to nahin hai phir bhi jiye ja rahe hain hum

vahshateñ ishq aur majbūrī

kyā kisī ḳhaas imtihān meñ huuñ

wahshaten ishq aur majburi

kya kisi KHas imtihan mein hun

jo kuchh paḌtī hai sar par sab uThātā hai mohabbat meñ

jahāñ dil aa gayā phir aadmī majbūr hotā hai

jo kuchh paDti hai sar par sab uThata hai mohabbat mein

jahan dil aa gaya phir aadmi majbur hota hai

maiñ chāhtā huuñ use aur chāhne ke sivā

mire liye to koī aur rāstā bhī nahīñ

main chahta hun use aur chahne ke siwa

mere liye to koi aur rasta bhi nahin

maiñ ne sāmān-e-safar bāñdh ke phir khol diyā

ek tasvīr ne dekhā mujhe almārī se

main ne saman-e-safar bandh ke phir khol diya

ek taswir ne dekha mujhe almari se

na-jāne kaun sī majbūriyāñ haiñ jin ke liye

ḳhud apnī zaat se inkār karnā paḌtā hai

na-jaane kaun si majburiyan hain jin ke liye

KHud apni zat se inkar karna paDta hai

āzādiyoñ ke shauq o havas ne hameñ 'adīl'

ik ajnabī zamīn kā qaidī banā diyā

aazadiyon ke shauq o hawas ne hamein 'adil'

ek ajnabi zamin ka qaidi bana diya

dushman mujh par ġhālib bhī aa saktā hai

haar mirī majbūrī bhī ho saktī hai

dushman mujh par ghaalib bhi aa sakta hai

haar meri majburi bhi ho sakti hai

rasm-o-rivāj chhoḌ ke sab aa ga.e yahāñ

rakkhī huī haiñ taaq meñ ab ġhairateñ tamām

rasm-o-riwaj chhoD ke sab aa gae yahan

rakkhi hui hain taq mein ab ghairaten tamam