tum ko aatā hai pyaar par ġhussa

mujh ko ġhusse pe pyaar aatā hai

tum ko aata hai pyar par ghussa

mujh ko ghusse pe pyar aata hai

kashtiyāñ sab kī kināre pe pahuñch jaatī haiñ

nāḳhudā jin kā nahīñ un kā ḳhudā hotā hai

kashtiyan sab ki kinare pe pahunch jati hain

naKHuda jin ka nahin un ka KHuda hota hai

hue nāmvar be-nishāñ kaise kaise

zamīñ khā ga.ī āsmāñ kaise kaise

hue namwar be-nishan kaise kaise

zamin kha gai aasman kaise kaise

gaahe gaahe kī mulāqāt hī achchhī hai 'amīr'

qadr kho detā hai har roz kā aanā jaanā

gahe gahe ki mulaqat hi achchhi hai 'amir'

qadr kho deta hai har roz ka aana jaana

ḳhanjar chale kisī pe taḌapte haiñ ham 'amīr'

saare jahāñ kā dard hamāre jigar meñ hai

KHanjar chale kisi pe taDapte hain hum 'amir'

sare jahan ka dard hamare jigar mein hai

kaun sī jā hai jahāñ jalva-e-māshūq nahīñ

shauq-e-dīdār agar hai to nazar paidā kar

kaun si ja hai jahan jalwa-e-mashuq nahin

shauq-e-didar agar hai to nazar paida kar

vasl kā din aur itnā muḳhtasar

din gine jaate the is din ke liye

wasl ka din aur itna muKHtasar

din gine jate the is din ke liye

ulfat meñ barābar hai vafā ho ki jafā ho

har baat meñ lazzat hai agar dil meñ mazā ho

ulfat mein barabar hai wafa ho ki jafa ho

har baat mein lazzat hai agar dil mein maza ho

aafat to hai vo naaz bhī andāz bhī lekin

martā huuñ maiñ jis par vo adā aur hī kuchh hai

aafat to hai wo naz bhi andaz bhi lekin

marta hun main jis par wo ada aur hi kuchh hai

tiir khāne kī havas hai to jigar paidā kar

sarfaroshī kī tamannā hai to sar paidā kar

tir khane ki hawas hai to jigar paida kar

sarfaroshi ki tamanna hai to sar paida kar

hañs ke farmāte haiñ vo dekh ke hālat merī

kyuuñ tum āsān samajhte the mohabbat merī

hans ke farmate hain wo dekh ke haalat meri

kyun tum aasan samajhte the mohabbat meri

maañg luuñ tujh se tujhī ko ki sabhī kuchh mil jaa.e

sau savāloñ se yahī ek savāl achchhā hai

mang lun tujh se tujhi ko ki sabhi kuchh mil jae

sau sawalon se yahi ek sawal achchha hai

āñkheñ dikhlāte ho joban to dikhāo sāhab

vo alag bāñdh ke rakkhā hai jo maal achchhā hai

aankhen dikhlate ho joban to dikhao sahab

wo alag bandh ke rakkha hai jo mal achchha hai

shab-e-furqat kā jaagā huuñ farishto ab to sone do

kabhī fursat meñ kar lenā hisāb āhista āhista

shab-e-furqat ka jaga hun farishto ab to sone do

kabhi fursat mein kar lena hisab aahista aahista

kisī ra.iis kī mahfil kā zikr hī kyā hai

ḳhudā ke ghar bhī na jā.eñge bin bulā.e hue

kisi rais ki mahfil ka zikr hi kya hai

KHuda ke ghar bhi na jaenge bin bulae hue

aahoñ se soz-e-ishq miTāyā na jā.egā

phūñkoñ se ye charāġh bujhāyā na jā.egā

aahon se soz-e-ishq miTaya na jaega

phunkon se ye charagh bujhaya na jaega

abhī aa.e abhī jaate ho jaldī kyā hai dam le lo

na chheḌūñgā maiñ jaisī chāhe tum mujh se qasam le lo

abhi aae abhi jate ho jaldi kya hai dam le lo

na chheDunga main jaisi chahe tum mujh se qasam le lo

qarīb hai yaar roz-e-mahshar chhupegā kushtoñ kā qatl kyūñkar

jo chup rahegī zabān-e-ḳhanjar lahū pukāregā āstīñ kā

qarib hai yar roz-e-mahshar chhupega kushton ka qatl kyunkar

jo chup rahegi zaban-e-KHanjar lahu pukarega aastin ka

firāq-e-yār ne bechain mujh ko raat bhar rakkhā

kabhī takiya idhar rakkhā kabhī takiya udhar rakkhā

firaq-e-yar ne bechain mujh ko raat bhar rakkha

kabhi takiya idhar rakkha kabhi takiya udhar rakkha

javāñ hone lage jab vo to ham se kar liyā parda

hayā yak-laḳht aa.ī aur shabāb āhista āhista

jawan hone lage jab wo to hum se kar liya parda

haya yak-laKHt aai aur shabab aahista aahista

jo chāhiye so māñgiye allāh se 'amīr'

us dar pe aabrū nahīñ jaatī savāl se

jo chahiye so mangiye allah se 'amir'

us dar pe aabru nahin jati sawal se

'amīr' ab hichkiyāñ aane lagī haiñ

kahīñ maiñ yaad farmāyā gayā huuñ

'amir' ab hichkiyan aane lagi hain

kahin main yaad farmaya gaya hun

kaun uThā.egā tumhārī ye jafā mere ba.ad

yaad aa.egī bahut merī vafā mere ba.ad

kaun uThaega tumhaari ye jafa mere baad

yaad aaegi bahut meri wafa mere baad

vo phuul sar chaḌhā jo chaman se nikal gayā

izzat use milī jo vatan se nikal gayā

wo phul sar chaDha jo chaman se nikal gaya

izzat use mili jo watan se nikal gaya

haTāo aa.ina ummīd-vār ham bhī haiñ

tumhāre dekhne vāloñ meñ yaar ham bhī haiñ

haTao aaina ummid-war hum bhi hain

tumhaare dekhne walon mein yar hum bhi hain

allāh-re sādgī nahīñ itnī unheñ ḳhabar

mayyat pe aa ke pūchhte haiñ in ko kyā huā

allah-re sadgi nahin itni unhen KHabar

mayyat pe aa ke puchhte hain in ko kya hua

mushkil bahut paḌegī barābar kī choT hai

ā.īna dekhiyegā zarā dekh-bhāl ke

mushkil bahut paDegi barabar ki choT hai

aaina dekhiyega zara dekh-bhaal ke

maanī haiñ maiñ ne saikaḌoñ bāteñ tamām umr

aaj aap ek baat mirī maan jā.iye

mani hain main ne saikaDon baaten tamam umr

aaj aap ek baat meri man jaiye

vo dushmanī se dekhte haiñ dekhte to haiñ

maiñ shaad huuñ ki huuñ to kisī kī nigāh meñ

wo dushmani se dekhte hain dekhte to hain

main shad hun ki hun to kisi ki nigah mein

kabāb-e-sīḳh haiñ ham karvaTeñ har-sū badalte haiñ

jal uThtā hai jo ye pahlū to vo pahlū badalte haiñ

kabab-e-siKH hain hum karwaTen har-su badalte hain

jal uThta hai jo ye pahlu to wo pahlu badalte hain

shā.er ko mast kartī hai tārīf-e-sher 'amīr'

sau botaloñ kā nashsha hai is vaah vaah meñ

shaer ko mast karti hai tarif-e-sher 'amir'

sau botalon ka nashsha hai is wah wah mein

saraktī jaa.e hai ruḳh se naqāb āhista āhista

nikaltā aa rahā hai āftāb āhista āhista

sarakti jae hai ruKH se naqab aahista aahista

nikalta aa raha hai aaftab aahista aahista

tiir par tiir lagāo tumheñ Dar kis kā hai

siina kis kā hai mirī jaan jigar kis kā hai

tir par tir lagao tumhein Dar kis ka hai

sina kis ka hai meri jaan jigar kis ka hai

phir baiThe baiThe vāda-e-vasl us ne kar liyā

phir uTh khaḌā huā vahī rog intizār kā

phir baiThe baiThe wada-e-wasl us ne kar liya

phir uTh khaDa hua wahi rog intizar ka

zabt dekho udhar nigāh na kī

mar ga.e marte marte aah na kī

zabt dekho udhar nigah na ki

mar gae marte marte aah na ki

saarī duniyā ke haiñ vo mere sivā

maiñ ne duniyā chhoḌ dī jin ke liye

sari duniya ke hain wo mere siwa

main ne duniya chhoD di jin ke liye

ḳhudā ne nek sūrat dī to sīkho nek bāteñ bhī

bure hote ho achchhe ho ke ye kyā bad-zabānī hai

KHuda ne nek surat di to sikho nek baaten bhi

bure hote ho achchhe ho ke ye kya bad-zabani hai

allāh-re us gul kī kalā.ī kī nazākat

bal khā ga.ī jab bojh paḌā rañg-e-hinā kā

allah-re us gul ki kalai ki nazakat

bal kha gai jab bojh paDa rang-e-hina ka

mirā ḳhat us ne paḌhā paḌh ke nāma-bar se kahā

yahī javāb hai is kā koī javāb nahīñ

mera KHat us ne paDha paDh ke nama-bar se kaha

yahi jawab hai is ka koi jawab nahin

aayā na ek baar ayādat ko tū masīh

sau baar maiñ fareb se bīmār ho chukā

aaya na ek bar ayaadat ko tu masih

sau bar main fareb se bimar ho chuka

bosa liyā jo us lab-e-shīrīñ kā mar ga.e

dī jaan ham ne chashma-e-āb-e-hayāt par

bosa liya jo us lab-e-shirin ka mar gae

di jaan hum ne chashma-e-ab-e-hayat par

ba.ad marne ke bhī chhoḌī na rifāqat merī

merī turbat se lagī baiThī hai hasrat merī

baad marne ke bhi chhoDi na rifaqat meri

meri turbat se lagi baiThi hai hasrat meri

tūl-e-shab-e-firāq kā qissa na pūchhiye

mahshar talak kahūñ maiñ agar muḳhtasar kahūñ

tul-e-shab-e-firaq ka qissa na puchhiye

mahshar talak kahun main agar muKHtasar kahun

pahlū meñ mere dil ko na ai dard kar talāsh

muddat huī ġharīb vatan se nikal gayā

pahlu mein mere dil ko na ai dard kar talash

muddat hui gharib watan se nikal gaya

us kī hasrat hai jise dil se miTā bhī na sakūñ

DhūñDne us ko chalā huuñ jise pā bhī na sakūñ

us ki hasrat hai jise dil se miTa bhi na sakun

DhunDne us ko chala hun jise pa bhi na sakun

ye bhī ik baat hai adāvat kī

roza rakkhā jo ham ne dāvat kī

ye bhi ek baat hai adawat ki

roza rakkha jo hum ne dawat ki

nāvak-e-nāz se mushkil hai bachānā dil kā

dard uTh uTh ke batātā hai Thikānā dil kā

nawak-e-naz se mushkil hai bachana dil ka

dard uTh uTh ke batata hai Thikana dil ka

lutf aane lagā jafāoñ meñ

vo kahīñ mehrbāñ na ho jaa.e

lutf aane laga jafaon mein

wo kahin mehrban na ho jae

samajhtā huuñ sabab kāfir tire aañsū nikalne kā

dhuāñ lagtā hai āñkhoñ meñ kisī ke dil ke jalne kā

samajhta hun sabab kafir tere aansu nikalne ka

dhuan lagta hai aankhon mein kisi ke dil ke jalne ka

baaqī na dil meñ koī bhī yā rab havas rahe

chaudah baras ke sin meñ vo lākhoñ baras rahe

baqi na dil mein koi bhi ya rab hawas rahe

chaudah baras ke sin mein wo lakhon baras rahe