kab ye dil o dimāġh hai minnat-e-sham.a khīñchiye

ḳhāna-e-dil-jaloñ ke biich dāġh-e-jigar charāġh hai

kab ye dil o dimagh hai minnat-e-shama khinchiye

KHana-e-dil-jalon ke bich dagh-e-jigar charagh hai

ri.āyat buujh tū ma.ashūq kā jaur

ki tujh ko ishq meñ kāmil kare hai

riayat bujh tu mashuq ka jaur

ki tujh ko ishq mein kaamil kare hai

bāzār se aa.e haath ḳhālī

kiise meñ daam kuchh na niklā

bazar se aae hath KHali

kise mein dam kuchh na nikla

raat us kī mahfil meñ sar se jal ke paañv tak

sham.a kī pighal charbī ustuḳhāñ nikal aa.ī

raat us ki mahfil mein sar se jal ke panw tak

shama ki pighal charbi ustuKHan nikal aai

husn ā.īna faash kartā hai

aise dushman ko sañgsār karo

husn aaina fash karta hai

aise dushman ko sangsar karo

tanhā.ī se aatī nahīñ din raat mujhe niiñd

yā-rab mirā ham-ḳhvāb o ham-āġhosh kahāñ hai

tanhai se aati nahin din raat mujhe nind

ya-rab mera ham-KHwab o ham-aghosh kahan hai

jī uThūñ phir kar agar tū ek bosa de mujhe

chūsnā lab kā tire hai mujh ko juuñ āb-e-hayāt

ji uThun phir kar agar tu ek bosa de mujhe

chusna lab ka tere hai mujh ko jun aab-e-hayat

daurā hai jab se bazm meñ terī sharāb kā

bāzār garm hai mire dil ke kabāb kā

daura hai jab se bazm mein teri sharab ka

bazar garm hai mere dil ke kabab ka

chhupātā kyā hai muñh kab tak chhupegā

tujhe sab shahr-e-qātil jāntā hai

chhupata kya hai munh kab tak chhupega

tujhe sab shahr-e-qatil jaanta hai

tumhārī dekh saj ai tañg-posho

hue Dhīle mire kapḌe badan ke

tumhaari dekh saj ai tang-posho

hue Dhile mere kapDe badan ke

dahan hai tañg shakar aur shakar hai tirā hai kalām

labāñ haiñ pista zanaḳh seb o chashm haiñ bādām

dahan hai tang shakar aur shakar hai tera hai kalam

laban hain pista zanaKH seb o chashm hain baadam

ek bosa māñgtā hai tum se 'hātim' sā gadā

jāniyo rāh-e-ḳhudā meñ ye bhī ik ḳhairāt kī

ek bosa mangta hai tum se 'hatim' sa gada

jaaniyo rah-e-KHuda mein ye bhi ek KHairaat ki

saaf dil hai to aa kudūrat chhoḌ

mil har ik rañg biich aab kī tarah

saf dil hai to aa kudurat chhoD

mil har ek rang bich aab ki tarah

bait-bahsī na kar ai fāḳhta gulshan meñ ki aaj

misra-e-sarv se mauzūñ hai mirā misra-e-āh

bait-bahsi na kar ai faKHta gulshan mein ki aaj

misra-e-sarw se mauzun hai mera misra-e-ah

ishq-bāzī bul-havas baazī na jaan

ishq hai ye ḳhāna-e-ḳhāla nahīñ

ishq-bazi bul-hawas bazi na jaan

ishq hai ye KHana-e-KHala nahin

kaheñ ham bahr-e-be-pāyān-e-ġham kī māhiyat kis se

na lahroñ se koī vāqif na koī thaah jaane hai

kahen hum bahr-e-be-payan-e-gham ki mahiyat kis se

na lahron se koi waqif na koi thah jaane hai

holī ke ab bahāne chhiḌkā hai rañg kis ne

nām-e-ḳhudā tujh uupar is aan ajab samāñ hai

holi ke ab bahane chhiDka hai rang kis ne

nam-e-KHuda tujh upar is aan ajab saman hai

dil dekhte hī us ko giraftār ho gayā

rusvā-e-shahr-o-kūcha-o-bāzār ho gayā

dil dekhte hi us ko giraftar ho gaya

ruswa-e-shahr-o-kucha-o-bazar ho gaya

zulfoñ kī nāganī to tirī ham ne keliyāñ

par abruvāñ se bas nahīñ chaltā ki haiñ pañkīt

zulfon ki nagani to teri hum ne keliyan

par abruwan se bas nahin chalta ki hain pankit

jaama uryānī kā qāmat par mirī aayā hai raast

ab mujhe nām-e-libās-e-āriyat se nañg hai

jama uryani ka qamat par meri aaya hai rast

ab mujhe nam-e-libas-e-ariyat se nang hai

tire ruḳhsār se be-tarah lipTī jaa.e hai zālim

jo kuchh kahiye to bal khā uljhatī hai zulf be-Dhañgī

tere ruKHsar se be-tarah lipTi jae hai zalim

jo kuchh kahiye to bal kha uljhati hai zulf be-Dhangi

jis taraf ko maiñ gayā rotā huā

tā-falak rū-e-zamīñ dariyā huā

jis taraf ko main gaya rota hua

ta-falak ru-e-zamin dariya hua

mashrab meñ to durust ḳharābātiyoñ ke hai

maz.hab meñ zāhidoñ ke nahīñ gar ravā sharāb

mashrab mein to durust KHarabaatiyon ke hai

mazhab mein zahidon ke nahin gar rawa sharab

chhal-bal us kī nigāh kā mat pūchh

sehr hai ToTkā hai Tonā hai

chhal-bal us ki nigah ka mat puchh

sehr hai ToTka hai Tona hai

mujhe ta.avīz likh do ḳhūn-e-āhū se ki ai syāno

taġhāful ToTkā hai aur jaadū hai nazar us kī

mujhe tawiz likh do KHun-e-ahu se ki ai syano

taghaful ToTka hai aur jadu hai nazar us ki

adl se kar saltanat ai dil tū tan ke mulk meñ

vaqt-e-fursat buujh le ye hukmarānī phir kahāñ

adl se kar saltanat ai dil tu tan ke mulk mein

waqt-e-fursat bujh le ye hukmarani phir kahan

muddat se aarzū hai ḳhudā vo ghaḌī kare

ham tum piyeñ jo mil ke kahīñ ek jā sharāb

muddat se aarzu hai KHuda wo ghaDi kare

hum tum piyen jo mil ke kahin ek ja sharab

maiñ jitnā DhūñDhtā huuñ us ko utnā hī nahīñ paatā

kidhar hai kis taraf hai aur kahāñ hai dil ḳhudā jaane

main jitna DhunDhta hun us ko utna hi nahin pata

kidhar hai kis taraf hai aur kahan hai dil KHuda jaane

taabe razā kā us kī azal siiñ kiyā mujhe

chaltā nahīñ hai zor kisūñ kā qazā ke haath

tabe raza ka us ki azal sin kiya mujhe

chalta nahin hai zor kisun ka qaza ke hath

chāñd se tujh ko jo de nisbat so be-insāf hai

chāñd ke muñh par haiñ chhā.īñ terā mukhḌā saaf hai

chand se tujh ko jo de nisbat so be-insaf hai

chand ke munh par hain chhain tera mukhDa saf hai

jab tak ki garebān meñ yak taar rahegā

tab tak mirī gardan ke upar baar rahegā

jab tak ki gareban mein yak tar rahega

tab tak meri gardan ke upar bar rahega

tum to baiThe hue pur-āfat ho

uTh khaḌe ho to kyā qayāmat ho

tum to baiThe hue pur-afat ho

uTh khaDe ho to kya qayamat ho

dil us kī tār-e-zulf ke bal meñ ulajh gayā

suljhegā kis tarah se ye bistār hai ġhazab

dil us ki tar-e-zulf ke bal mein ulajh gaya

suljhega kis tarah se ye bistar hai ghazab

kabhū tū ro to us ko ḳhaak uupar jā ke ai lailā

ki bin paanī jañgal meñ ruuh majnūñ kī bhaTaktī hai

kabhu tu ro to us ko KHak upar ja ke ai laila

ki bin pani jangal mein ruh majnun ki bhaTakti hai

aisā karūñgā ab ke garebāñ ko taar taar

jo phir kisī tarah se kisī se rafū na ho

aisa karunga ab ke gareban ko tar tar

jo phir kisi tarah se kisi se rafu na ho

bul-havas go kareñ tere lab-e-shīrīñ par hujūm

talḳh mat ho ki miThā.ī se magas aatī hai

bul-hawas go karen tere lab-e-shirin par hujum

talKH mat ho ki miThai se magas aati hai

ghar-ba-ghar hai vo mast-e-ishva-o-nāz

dar-ba-dar ham ḳharāb hote haiñ

ghar-ba-ghar hai wo mast-e-ishwa-o-naz

dar-ba-dar hum KHarab hote hain

asīroñ kā nahīñ kuchh shor-o-ġhul ye aaj zindāñ meñ

mire dīvāna-pan ko dekh kar zanjīr hañstī hai

asiron ka nahin kuchh shor-o-ghul ye aaj zindan mein

mere diwana-pan ko dekh kar zanjir hansti hai

dil ko maarā chashm ne abrū kī talvāroñ se aaj

kyuuñ bhiḌā thā jā ke ye hushiyār mai-ḳhvāroñ se aaj

dil ko mara chashm ne abru ki talwaron se aaj

kyun bhiDa tha ja ke ye hushiyar mai-KHwaron se aaj

jab se terī nazar paḌī hai jhalak

tab se lagtī nahīñ palak se palak

jab se teri nazar paDi hai jhalak

tab se lagti nahin palak se palak

hai kabhū dil meñ kabhū jī meñ kabhū āñkhoñ ke biich

kaun kahtā hai use yaaro ki harjā.ī nahīñ

hai kabhu dil mein kabhu ji mein kabhu aankhon ke bich

kaun kahta hai use yaro ki harjai nahin

is qadar bas-ki roz milne se

ḳhātiroñ meñ ġhubār aave hai

is qadar bas-ki roz milne se

KHatiron mein ghubar aawe hai

merī fariyād koī na.iiñ suntā

koī is shahr meñ bhī bastā hai

meri fariyaad koi nain sunta

koi is shahr mein bhi basta hai

qissa-e-majnūñ-o-farhād bhī ik pardā hai

jo fasāna hai yahāñ sharh-o-bayāñ hai apnā

qissa-e-majnun-o-farhad bhi ek parda hai

jo fasana hai yahan sharh-o-bayan hai apna

masjid meñ sar paTaktā hai to jis ke vāste

so to yahāñ hai dekh idhar aa ḳhudā-shanās

masjid mein sar paTakta hai to jis ke waste

so to yahan hai dekh idhar aa KHuda-shanas

zāhido uTh jaao majlis se ki aaj

be-tarah aatā hai vo mai-ḳhvār mast

zahido uTh jao majlis se ki aaj

be-tarah aata hai wo mai-KHwar mast

majlis meñ raat girya-e-mastāñ thā tujh baġhair

sāġhar bharā sharāb kā chashm-e-pur-āb thā

majlis mein raat girya-e-mastan tha tujh baghair

saghar bhara sharab ka chashm-e-pur-ab tha

jab pukāre hai vo abe o hot

āshiq apnā ḳhitāb jaane hai

jab pukare hai wo abe o hot

aashiq apna KHitab jaane hai

pagḌī apnī yahāñ sambhāl chalo

aur bastī na ho ye dillī hai

pagDi apni yahan sambhaal chalo

aur basti na ho ye dilli hai

fil-haqīqat koī nahīñ martā

maut hikmat kā ek pardā hai

fil-haqiqat koi nahin marta

maut hikmat ka ek parda hai