ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

na jī bhar ke dekhā na kuchh baat kī

baḌī aarzū thī mulāqāt kī

na ji bhar ke dekha na kuchh baat ki

baDi aarzu thi mulaqat ki

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

zindagī tū ne mujhe qabr se kam dī hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

baḌe logoñ se milne meñ hamesha fāsla rakhnā

jahāñ dariyā samundar se milā dariyā nahīñ rahtā

baDe logon se milne mein hamesha fasla rakhna

jahan dariya samundar se mila dariya nahin rahta

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

dushmani jam kar karo lekin ye gunjaish rahe

jab kabhi hum dost ho jaen to sharminda na hon

mohabbatoñ meñ dikhāve kī dostī na milā

agar gale nahīñ miltā to haath bhī na milā

mohabbaton mein dikhawe ki dosti na mila

agar gale nahin milta to hath bhi na mila

yahāñ libās kī qīmat hai aadmī kī nahīñ

mujhe gilās baḌe de sharāb kam kar de

yahan libas ki qimat hai aadmi ki nahin

mujhe gilas baDe de sharab kam kar de

musāfir haiñ ham bhī musāfir ho tum bhī

kisī moḌ par phir mulāqāt hogī

musafir hain hum bhi musafir ho tum bhi

kisi moD par phir mulaqat hogi

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

ḳhudā kī itnī baḌī kā.enāt meñ maiñ ne

bas ek shaḳhs ko māñgā mujhe vahī na milā

KHuda ki itni baDi kaenat mein main ne

bas ek shaKHs ko manga mujhe wahi na mila

tum mohabbat ko khel kahte ho

ham ne barbād zindagī kar lī

tum mohabbat ko khel kahte ho

hum ne barbaad zindagi kar li

itnī miltī hai mirī ġhazloñ se sūrat terī

log tujh ko mirā mahbūb samajhte hoñge

itni milti hai meri ghazlon se surat teri

log tujh ko mera mahbub samajhte honge

koī haath bhī na milā.egā jo gale miloge tapāk se

ye na.e mizāj kā shahr hai zarā fāsle se milā karo

koi hath bhi na milaega jo gale miloge tapak se

ye nae mizaj ka shahr hai zara fasle se mila karo

tum mujhe chhoḌ ke jāoge to mar jā.ūñgā

yuuñ karo jaane se pahle mujhe pāgal kar do

tum mujhe chhoD ke jaoge to mar jaunga

yun karo jaane se pahle mujhe pagal kar do

ham to kuchh der hañs bhī lete haiñ

dil hamesha udaas rahtā hai

hum to kuchh der hans bhi lete hain

dil hamesha udas rahta hai

sar jhukāoge to patthar devtā ho jā.egā

itnā mat chāho use vo bevafā ho jā.egā

sar jhukaoge to patthar dewta ho jaega

itna mat chaho use wo bewafa ho jaega

hasīñ to aur haiñ lekin koī kahāñ tujh sā

jo dil jalā.e bahut phir bhī dilrubā hī lage

hasin to aur hain lekin koi kahan tujh sa

jo dil jalae bahut phir bhi dilruba hi lage

patthar mujhe kahtā hai mirā chāhne vaalā

maiñ mom huuñ us ne mujhe chhū kar nahīñ dekhā

patthar mujhe kahta hai mera chahne wala

main mom hun us ne mujhe chhu kar nahin dekha

maiñ jab so jā.ūñ in āñkhoñ pe apne hoñT rakh denā

yaqīñ aa jā.egā palkoñ tale bhī dil dhaḌaktā hai

main jab so jaun in aankhon pe apne honT rakh dena

yaqin aa jaega palkon tale bhi dil dhaDakta hai

tumheñ zarūr koī chāhatoñ se dekhegā

magar vo āñkheñ hamārī kahāñ se lā.egā

tumhein zarur koi chahaton se dekhega

magar wo aankhen hamari kahan se laega

shohrat kī bulandī bhī pal bhar kā tamāshā hai

jis Daal pe baiThe ho vo TuuT bhī saktī hai

shohrat ki bulandi bhi pal bhar ka tamasha hai

jis Dal pe baiThe ho wo TuT bhi sakti hai

log TuuT jaate haiñ ek ghar banāne meñ

tum taras nahīñ khāte bastiyāñ jalāne meñ

log TuT jate hain ek ghar banane mein

tum taras nahin khate bastiyan jalane mein

patthar ke jigar vaalo ġham meñ vo ravānī hai

ḳhud raah banā legā bahtā huā paanī hai

patthar ke jigar walo gham mein wo rawani hai

KHud rah bana lega bahta hua pani hai

isī liye to yahāñ ab bhī ajnabī huuñ maiñ

tamām log farishte haiñ aadmī huuñ maiñ

isi liye to yahan ab bhi ajnabi hun main

tamam log farishte hain aadmi hun main

vo chehra kitābī rahā sāmne

baḌī ḳhūbsūrat paḌhā.ī huī

wo chehra kitabi raha samne

baDi KHubsurat paDhai hui

uḌne do parindoñ ko abhī shoḳh havā meñ

phir lauT ke bachpan ke zamāne nahīñ aate

uDne do parindon ko abhi shoKH hawa mein

phir lauT ke bachpan ke zamane nahin aate

bhuul shāyad bahut baḌī kar lī

dil ne duniyā se dostī kar lī

bhul shayad bahut baDi kar li

dil ne duniya se dosti kar li

kabhī kabhī to chhalak paḌtī haiñ yūñhī āñkheñ

udaas hone kā koī sabab nahīñ hotā

kabhi kabhi to chhalak paDti hain yunhi aankhen

udas hone ka koi sabab nahin hota

agar talāsh karūñ koī mil hī jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

gharoñ pe naam the nāmoñ ke saath ohde the

bahut talāsh kiyā koī aadmī na milā

gharon pe nam the namon ke sath ohde the

bahut talash kiya koi aadmi na mila

saat sandūqoñ meñ bhar kar dafn kar do nafrateñ

aaj insāñ ko mohabbat kī zarūrat hai bahut

sat sanduqon mein bhar kar dafn kar do nafraten

aaj insan ko mohabbat ki zarurat hai bahut

dushmanī kā safar ik qadam do qadam

tum bhī thak jāoge ham bhī thak jā.eñge

dushmani ka safar ek qadam do qadam

tum bhi thak jaoge hum bhi thak jaenge

bhalā ham mile bhī to kyā mile vahī dūriyāñ vahī fāsle

na kabhī hamāre qadam baḌhe na kabhī tumhārī jhijak ga.ī

bhala hum mile bhi to kya mile wahi duriyan wahi fasle

na kabhi hamare qadam baDhe na kabhi tumhaari jhijak gai

abhī raah meñ ka.ī moḌ haiñ koī aa.egā koī jā.egā

tumheñ jis ne dil se bhulā diyā use bhūlne kī duā karo

abhi rah mein kai moD hain koi aaega koi jaega

tumhein jis ne dil se bhula diya use bhulne ki dua karo

agar fursat mile paanī kī tahrīroñ ko paḌh lenā

har ik dariyā hazāroñ saal kā afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

ajab charāġh huuñ din raat jaltā rahtā huuñ

maiñ thak gayā huuñ havā se kaho bujhā.e mujhe

ajab charagh hun din raat jalta rahta hun

main thak gaya hun hawa se kaho bujhae mujhe

ḳhudā aise ehsās kā naam hai

rahe sāmne aur dikhā.ī na de

KHuda aise ehsas ka nam hai

rahe samne aur dikhai na de

mohabbat ek ḳhushbū hai hamesha saath chaltī hai

koī insān tanhā.ī meñ bhī tanhā nahīñ rahtā

mohabbat ek KHushbu hai hamesha sath chalti hai

koi insan tanhai mein bhi tanha nahin rahta

isī shahr meñ ka.ī saal se mire kuchh qarībī aziiz haiñ

unheñ merī koī ḳhabar nahīñ mujhe un kā koī pata nahīñ

isi shahr mein kai sal se mere kuchh qaribi aziz hain

unhen meri koi KHabar nahin mujhe un ka koi pata nahin

mahak rahī hai zamīñ chāñdnī ke phūloñ se

ḳhudā kisī kī mohabbat pe muskurāyā hai

mahak rahi hai zamin chandni ke phulon se

KHuda kisi ki mohabbat pe muskuraya hai

ajiib shaḳhs hai nārāz ho ke hañstā hai

maiñ chāhtā huuñ ḳhafā ho to vo ḳhafā hī lage

ajib shaKHs hai naraaz ho ke hansta hai

main chahta hun KHafa ho to wo KHafa hi lage

āñkhoñ meñ rahā dil meñ utar kar nahīñ dekhā

kashtī ke musāfir ne samundar nahīñ dekhā

aankhon mein raha dil mein utar kar nahin dekha

kashti ke musafir ne samundar nahin dekha

kabhī to āsmāñ se chāñd utre jaam ho jaa.e

tumhāre naam kī ik ḳhūb-sūrat shaam ho jaa.e

kabhi to aasman se chand utre jam ho jae

tumhaare nam ki ek KHub-surat sham ho jae

na tum hosh meñ ho na ham hosh meñ haiñ

chalo mai-kade meñ vahīñ baat hogī

na tum hosh mein ho na hum hosh mein hain

chalo mai-kade mein wahin baat hogi

jī bahut chāhtā hai sach boleñ

kyā kareñ hausla nahīñ hotā

ji bahut chahta hai sach bolen

kya karen hausla nahin hota

bahut dinoñ se mire saath thī magar kal shaam

mujhe patā chalā vo kitnī ḳhūbsūrat hai

bahut dinon se mere sath thi magar kal sham

mujhe pata chala wo kitni KHubsurat hai

dil kī bastī purānī dillī hai

jo bhī guzrā hai us ne luuTā hai

dil ki basti purani dilli hai

jo bhi guzra hai us ne luTa hai

hai ajiib shahr kī zindagī na safar rahā na qayām hai

kahīñ kārobār sī dopahar kahīñ bad-mizāj sī shaam hai

hai ajib shahr ki zindagi na safar raha na qayam hai

kahin karobar si dopahar kahin bad-mizaj si sham hai

āshiqī meñ bahut zarūrī hai

bevafā.ī kabhī kabhī karnā

aashiqi mein bahut zaruri hai

bewafai kabhi kabhi karna