Top 20 Couplets on Mirror

ā.īna kyuuñ na duuñ ki tamāshā kaheñ jise

aisā kahāñ se lā.ūñ ki tujh sā kaheñ jise

aaina kyun na dun ki tamasha kahen jise

aisa kahan se laun ki tujh sa kahen jise

ā.īna dekh apnā sā muñh le ke rah ga.e

sāhab ko dil na dene pe kitnā ġhurūr thā

aaina dekh apna sa munh le ke rah gae

sahab ko dil na dene pe kitna ghurur tha

ā.īne meñ vo dekh rahe the bahār-e-husn

aayā mirā ḳhayāl to sharmā ke rah ga.e

aaine mein wo dekh rahe the bahaar-e-husn

aaya mera KHayal to sharma ke rah gae

koī bhūlā huā chehra nazar aa.e shāyad

ā.īna ġhaur se tū ne kabhī dekhā hī nahīñ

koi bhula hua chehra nazar aae shayad

aaina ghaur se tu ne kabhi dekha hi nahin

dekhnā achchhā nahīñ zaanū pe rakh kar aa.ina

donoñ nāzuk haiñ na rakhiyo aa.ine par aa.ina

dekhna achchha nahin zanu pe rakh kar aaina

donon nazuk hain na rakhiyo aaine par aaina

mushkil bahut paḌegī barābar kī choT hai

ā.īna dekhiyegā zarā dekh-bhāl ke

mushkil bahut paDegi barabar ki choT hai

aaina dekhiyega zara dekh-bhaal ke

dekhiyegā sambhal kar ā.īna

sāmnā aaj hai muqābil kā

dekhiyega sambhal kar aaina

samna aaj hai muqabil ka

chāhe sone ke frame meñ jaḌ do

aa.ina jhuuT boltā hī nahīñ

chahe sone ke frame mein jaD do

aaina jhuT bolta hi nahin

na dekhnā kabhī ā.īna bhuul kar dekho

tumhāre husn kā paidā javāb kar degā

na dekhna kabhi aaina bhul kar dekho

tumhaare husn ka paida jawab kar dega

pahle to merī yaad se aa.ī hayā unheñ

phir aa.ine meñ chuum liyā apne-āp ko

pahle to meri yaad se aai haya unhen

phir aaine mein chum liya apne-ap ko

ham sab ā.īna-dar-ā.īna-dar-ā.īna haiñ

kyā ḳhabar kaun kahāñ kis kī taraf dekhtā hai

hum sab aaina-dar-aina-dar-aina hain

kya KHabar kaun kahan kis ki taraf dekhta hai

aa.ine se nazar churāte haiñ

jab se apnā javāb dekhā hai

aaine se nazar churaate hain

jab se apna jawab dekha hai

aa.ina dekh ke farmāte haiñ

kis ġhazab kī hai javānī merī

aaina dekh ke farmate hain

kis ghazab ki hai jawani meri

ik baar jo TuuTe to kabhī juḌ nahīñ saktā

ā.īna nahīñ dil magar ā.īna-numā hai

ek bar jo TuTe to kabhi juD nahin sakta

aaina nahin dil magar aaina-numa hai

misl-e-ā.īna hai us rashk-e-qamar kā pahlū

saaf idhar se nazar aatā hai udhar kā pahlū

misl-e-aina hai us rashk-e-qamar ka pahlu

saf idhar se nazar aata hai udhar ka pahlu

ham ne dekhā hai rū-ba-rū un ke

ā.īna ā.īna nahīñ hotā

hum ne dekha hai ru-ba-ru un ke

aaina aaina nahin hota

banāyā toḌ ke ā.īna ā.īna-ḳhāna

na dekhī raah jo ḳhalvat se anjuman kī taraf

banaya toD ke aaina aaina-KHana

na dekhi rah jo KHalwat se anjuman ki taraf

itrā ke ā.īna meñ chiḌhāte the apnā muñh

dekhā mujhe to jheñp ga.e muñh chhupā liyā

itra ke aaina mein chiDhate the apna munh

dekha mujhe to jhenp gae munh chhupa liya

dekho qal.ī khulegī saaf us kī

ā.īna un ke muñh chaḌhā hai aaj

dekho qali khulegi saf us ki

aaina un ke munh chaDha hai aaj