Top 20 Dhoka Shayari

dil abhī puurī tarah TuuTā nahīñ

dostoñ kī mehrbānī chāhiye

dil abhi puri tarah TuTa nahin

doston ki mehrbani chahiye

vo zahr detā to sab kī nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

tū bhī saada hai kabhī chaal badaltā hī nahīñ

ham bhī saada haiñ isī chaal meñ aa jaate haiñ

tu bhi sada hai kabhi chaal badalta hi nahin

hum bhi sada hain isi chaal mein aa jate hain

kam se kam maut se aisī mujhe ummīd nahīñ

zindagī tū ne to dhoke pe diyā hai dhoka

kam se kam maut se aisi mujhe ummid nahin

zindagi tu ne to dhoke pe diya hai dhoka

zaḳhm lagā kar us kā bhī kuchh haath khulā

maiñ bhī dhokā khā kar kuchh chālāk huā

zaKHm laga kar us ka bhi kuchh hath khula

main bhi dhoka kha kar kuchh chaalak hua

muddat huī ik shaḳhs ne dil toḌ diyā thā

is vāste apnoñ se mohabbat nahīñ karte

muddat hui ek shaKHs ne dil toD diya tha

is waste apnon se mohabbat nahin karte

jo un ma.asūm āñkhoñ ne diye the

vo dhoke aaj tak maiñ khā rahā huuñ

jo un masum aankhon ne diye the

wo dhoke aaj tak main kha raha hun

aadmī jaan ke khātā hai mohabbat meñ fareb

ḳhud-farebī hī mohabbat kā sila ho jaise

aadmi jaan ke khata hai mohabbat mein fareb

KHud-farebi hi mohabbat ka sila ho jaise

dhokā thā nigāhoñ kā magar ḳhuub thā dhokā

mujh ko tirī nazroñ meñ mohabbat nazar aa.ī

dhoka tha nigahon ka magar KHub tha dhoka

mujh ko teri nazron mein mohabbat nazar aai

ahbāb ko de rahā huuñ dhokā

chehre pe ḳhushī sajā rahā huuñ

ahbab ko de raha hun dhoka

chehre pe KHushi saja raha hun

ik baras bhī abhī nahīñ guzrā

kitnī jaldī badal ga.e chehre

ek baras bhi abhi nahin guzra

kitni jaldi badal gae chehre

yaar maiñ itnā bhūkā huuñ

dhokā bhī khā letā huuñ

yar main itna bhuka hun

dhoka bhi kha leta hun

ai mujh ko fareb dene vaale

maiñ tujh pe yaqīn kar chukā huuñ

ai mujh ko fareb dene wale

main tujh pe yaqin kar chuka hun

har-chand e'tibār meñ dhoke bhī haiñ magar

ye to nahīñ kisī pe bharosā kiyā na jaa.e

har-chand e'tibar mein dhoke bhi hain magar

ye to nahin kisi pe bharosa kiya na jae

kis ne vafā ke naam pe dhokā diyā mujhe

kis se kahūñ ki merā gunahgār kaun hai

kis ne wafa ke nam pe dhoka diya mujhe

kis se kahun ki mera gunahgar kaun hai

aise milā hai ham se shanāsā kabhī na thā

vo yuuñ badal hī jā.egā sochā kabhī na thā

aise mila hai hum se shanasa kabhi na tha

wo yun badal hi jaega socha kabhi na tha

us ko bhī merī tarah apnī vafā par thā yaqīñ

vo bhī shāyad isī dhoke meñ milā thā mujh ko

us ko bhi meri tarah apni wafa par tha yaqin

wo bhi shayad isi dhoke mein mila tha mujh ko

jo baat dil meñ thī us se nahīñ kahī ham ne

vafā ke naam se vo bhī fareb khā jaatā

jo baat dil mein thi us se nahin kahi hum ne

wafa ke nam se wo bhi fareb kha jata

DhūñDhtī hai iztirāb-e-shauq kī duniyā mujhe

aap ne mahfil se uThvā kar kahāñ rakkhā mujhe

DhunDhti hai iztirab-e-shauq ki duniya mujhe

aap ne mahfil se uThwa kar kahan rakkha mujhe